ପ୍ରମୂଖ ଖବର
  • ବିଜେଡି ନେତା ରାଜା ଚକ୍ର ଲିଙ୍କ୍‌ରେ ରେଡ୍: କୋଇଡ଼ା ମାଇନ୍ସରେ EOW ଟିମ୍‌ର ଚଢ଼ାଉ, ୩ଟି ହାଇୱା ଜବତ
  • ||
  • ଦେବଗଡ଼ : ଜାଳଣୀ କାଠ ପାଇଁ ଗଣ୍ଡଗୋଳ , ବଡ଼ ଯା'କୁ ପିଟି ପିଟି ମାରିଦେଲା ସାନ ଯା'
  • ||
  • ତାଳଚେରରେ ଏନକାଉଣ୍ଟର, କୁଖ୍ୟାତ ଅପରାଧୀ ସୁଶାନ୍ତ ନାୟକଙ୍କ ଗୋଡ଼ରେ ବାଜିଲା ଗୁଳି
  • ||
  • ଭୁବନେଶ୍ୱର : ମଶାଣି ପାଖରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • IPL 2025: ଆଜି ନାଇଟ ରାଇଡର୍ସ-ସନରାଇଜର୍ସ ଲଢ଼େଇ, ଇଡେନ୍‌ ଗାର୍ଡେନ୍ସରେ ହେବ ରନ୍‌ ବର୍ଷା
  • ||
  • ସରିଲା ସପ୍ତଦଶ ବିଧାନସଭାର ତୃତୀୟ ଅଧିବେଶନ, ଅନିର୍ଦ୍ଦିଷ୍ଟ କାଳ ପାଇଁ ଗୃହ ମୁଲତବୀ
  • ||
  • ଉଦଳା : ଭାରସାମ୍ୟ ହରାଇ ଖାଲକୁ ଖସି ପଡ଼ିଲା କାର୍‌: ଜଣେ ଗୁରୁତର, ୨ ଆହତ
  • ||
  • ୧୩ ଘଣ୍ଟାର ମାରାଥନ ବିତର୍କ ପରେ ଲୋକସଭାରେ ୱାକଫ ବିଲ୍‌ ପାରିତ, ଆଜି ରାଜ୍ୟସଭାରେ ହେବ ଆଗତ
  • ||
  • ରାଜ୍ୟରେ ୪ ଯାଏ କାଳବୈଶାଖୀ ସମ୍ଭାବନା,୧୫ ଜିଲ୍ଲାରେ ପବନ ସହ ବଜ୍ରପାତ ନେଇ ଆଲର୍ଟ
  • ||

ବଡ଼ ଘୋଷଣା କଲା ବିସିସିଆଇ: ଟିମ୍ ଇଣ୍ଡିଆ ଖେଳିବ ୪ଟି ଟେଷ୍ଟ, ୩ଟି ଦିନିକିଆ ଏବଂ ୫ T20 ମ୍ୟାଚ୍

Published By : Tapas Panda | April 2, 2025 8:39 PM

Image Courtesy: tv9hindi

ନୂଆଦିଲ୍ଲୀ: ଇଣ୍ଡିଆନ ପ୍ରିମିୟର ଲିଗ୍‌ ଚାଲିଥିବା ବେଳେ ବିସିସିଆଇ ବଡ଼ ଘୋଷଣା କରିଛି । ବିସିସିଆଇ ୨୦୨୫ ମସିହାରେ ଭାରତୀୟ ଦଳର ଘରୋଇ ସିଜିନ୍ ଘୋଷଣା କରିଛି । ଟିମ୍ ଇଣ୍ଡିଆ ୪ଟି ଟେଷ୍ଟ, ୩ଟି ଦିନିକିଆ ଏବଂ ୫ଟି ଟି-୨୦ ମ୍ୟାଚ୍ ଖେଳିବ। ବୁଧବାର ସନ୍ଧ୍ୟାରେ ବିସିସିଆଇ ୨୦୨୫ରେ ଘରୋଇ ସିଜିନ୍ ପାଇଁ କାର୍ଯ୍ୟସୂଚୀ ପ୍ରକାଶ କରିଛି।  ଟିମ୍ ଇଣ୍ଡିଆକୁ ୱେଷ୍ଟଇଣ୍ଡିଜ୍ ଏବଂ ଦକ୍ଷିଣ ଆଫ୍ରିକା ବିପକ୍ଷରେ ଟେଷ୍ଟ, ଦିନିକିଆ ଏବଂ ଟି-୨୦ ମ୍ୟାଚ୍ ଖେଳିବାକୁ ପଡିବ। ଏହି ସିଜିନ୍ ଅକ୍ଟୋବର ୨ରୁ ଆରମ୍ଭ ହୋଇ ଡିସେମ୍ବର ୧୯ ପର୍ଯ୍ୟନ୍ତ ଚାଲିବ। ଅନେକ ନୂଆ ଏବଂ ପୁାରୁଣା ଷ୍ଟାଡିୟମରେ ଖେଳାଯିବ। 

ପ୍ରଥମେ ଭାରତୀୟ ଦଳ ୱେଷ୍ଟଇଣ୍ଡିଜ୍ ବିପକ୍ଷରେ ଦୁଇଟି ଟେଷ୍ଟ ମ୍ୟାଚ୍ ଖେଳିବ। ପ୍ରଥମ ଟେଷ୍ଟ ଅକ୍ଟୋବର ୨ ରୁ ଅକ୍ଟୋବର ୬ ପର୍ଯ୍ୟନ୍ତ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଅନୁଷ୍ଠିତ ହେବ । ଦ୍ବିତୀୟ ଟେଷ୍ଟ ଅକ୍ଟୋବର ୧୦ ରୁ ଅକ୍ଟୋବର ୧୪ ପର୍ଯ୍ୟନ୍ତ କୋଲକାତାର ଇଡେନ ଗାର୍ଡେନସରେ ଖେଳାଯିବ। ୱେଷ୍ଟଇଣ୍ଡିଜ୍ ପରେ ଭାରତୀୟ ଦଳ ତିନୋଟି ଫର୍ମାଟରେ ଦକ୍ଷିଣ ଆଫ୍ରିକା ବିପକ୍ଷରେ କଡ଼ା ପ୍ରତିଦ୍ବନ୍ଦିତା କରିବ। ଟେଷ୍ଟ ସିରିଜ୍ ନଭେମ୍ବର ୧୪ରୁ ଆରମ୍ଭ ହେବ । ପ୍ରଥମ ମ୍ୟାଚ୍ ଦିଲ୍ଲୀର ଅରୁଣ ଜେଟଲି ଷ୍ଟାଡିୟମରେ ଖେଳାଯିବ। 

ଦ୍ବିତୀୟ ଟେଷ୍ଟ ୨୨ ନଭେମ୍ବରରୁ ୨୬ ନଭେମ୍ବର ପର୍ଯ୍ୟନ୍ତ ଗୌହାଟୀର ବରସାପାରା ଷ୍ଟାଡିୟମରେ ଅନୁଷ୍ଠିତ ହେବ । ଏହା ପରେ ତିନୋଟି ODI ମ୍ୟାଚ୍ ଖେଳାଯିବ । ନଭେମ୍ବର ୩୦ରେ ରାଞ୍ଚି, ଡିସେମ୍ବର ୩ ରେ ରାୟପୁର ଏବଂ ଡିସେମ୍ବର ୬ରେ ବିଶାଖାପାଟଣାରେ ଅନୁଷ୍ଠିତ ହେବ। ସେହି ସମୟରେ, ପାଞ୍ଚ ମ୍ୟାଚ୍ ବିଶିଷ୍ଟ T20 ସିରିଜ ଡିସେମ୍ବର ୯ ରୁ ଆରମ୍ଭ ହେବ । କଟକ, ନ୍ୟୁ ଚଣ୍ଡିଗଡ଼, ଧର୍ମଶାଳା, ଲକ୍ଷ୍ନୌ ଏବଂ ଅହମ୍ମଦାବାଦ ମ୍ୟାଚ୍ ଆୟୋଜନ ହେବ।

 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.