ମୁମ୍ବାଇ, ୨/୪ : ନିଜ ପ୍ରଥମ ଆଇପିଏଲ୍ ମ୍ୟାଚରେ ଅଶ୍ବିନୀ କୁମାର ଇତିହାସ ରଚିଛନ୍ତି । ଅଶ୍ବିନୀ କୁମାର ଆଇପିଏଲ ଡେବ୍ୟୁରେ ୪ଓ୍ବିକେଟ ନେଇଛନ୍ତି ଏବଂ ପ୍ଲେୟର ଅଫ ଦ ମ୍ୟାଚର ତାଜ୍ ଜିତିଛନ୍ତି । ପ୍ରକାଶ ଯେ, ଅଶ୍ବିନୀ କୁମାର ଆଇପିଏଲ କ୍ୟାରିୟରର ପ୍ରଥମ ବଲରେ ଅଜଙ୍କ୍ୟା ରହାଣେଙ୍କୁ ଆଉଟ କରି ଇତିହାସ ରଚିଛନ୍ତି । ଅଶ୍ବିନୀ କୁମାର ଆଇପିଏଲ୍ ଡେବ୍ୟୁରେ ପ୍ରଥମ ବଲରେ ଓ୍ବିକେଟ ନେଇଥିବା ବିଶ୍ବର ୧୦ମ ବୋଲର ହୋଇଯାଇଛନ୍ତି ।
ଏହା ପ୍ରଥମ ଥର ନୁହେଁ କି କୌଣସି ବୋଲର ନିଜ ଆଇପିଏଲ କ୍ୟାରିୟରର ପ୍ରଥମ ବଲରେ ଓ୍ବିକେଟ ନେଇଛନ୍ତି । ବରଂ ଏହା ୧୦ମ ଥର ଅଟେ ଯେତେବେଳେ କୌଣସି ବୋଲର ଏହି ଉପଲବ୍ଧି ହାସଲ କରିଛନ୍ତି । ଏହା ବ୍ୟତୀତ ଇଶାନ୍ତ ଶର୍ମା ଆଇପିଏଲ ଇତିହାସରେ ପ୍ରଥମ ବୋଲର ଥିରେ ଯିଏ ଆଇପିଏଲରେ ଡେବ୍ୟୁ ବଲରେ ଓ୍ବିକେଟ ନେଇଥିଲେ । ସେ ୨୦୦୮ରେ କେକେଆର ଲାଗି ଖେଳୁଥିଲେ ଆରସିବିର ରାହୁଲ ଦ୍ରାବିଡ଼ଙ୍କୁ ଆଉଟ କରି ଏହି ଉପଲବ୍ଧି ହାସଲ କରିଥିଲେ । ୨୦୦୮ରେ ଇଶାନ୍ତ ଶର୍ମା, ଓ୍ବିକ୍ଲିନ ମୋଟା, ୨୦୦୯ରେ ଶୋନ ହାରବୁଡ଼, ଅମିତ ସିଂହ, ଚାର୍ଲ ଲ୍ୟାଂଗବେଲ୍ଟ, ୨୦୧୦ରେ ଅଲୀ ମୁର୍ତଜା, ୨୦୧୨ରେ ଟିପି ସୁଧୀନ୍ଦ୍ର, ୨୦୧୯ରେ ଅଲ୍ଜାରୀ ଜୋସେଫ, ୨୦୨୨ରେ ମଥୀଶା ପଥିରାନା, ୨୦୨୫ରେ ଅଶ୍ବନି କୁମାର ।
