ନୂଆଦିଲ୍ଲୀ,୨୨।୫: ଆଇପିଏଲ ୨୦୨୫ର ଫାଇନାଲ ଇଡେନ୍ ଗାର୍ଡେନ୍ ଷ୍ଟାଡିୟମ୍ ବଦଳରେ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମ୍ରେ ଖେଳାଯିବ। ବିସିସିଆଇର ଏହି ନିଷ୍ପତ୍ତି ପରେ ରାଜନୀତି ଏବେ ଉଷ୍ମ ରହିଛି। ପଶ୍ଚିମବଙ୍ଗର କ୍ରୀଡା ଏବଂ ଯୁବ ବ୍ୟାପାର ମନ୍ତ୍ରୀ ଅରୁପ ବିଶ୍ବାସ ଭେନ୍ୟୁ ବଦଳାଇବାକୁ ନେଇ କେନ୍ଦ୍ରର ବିଜେପି ସରକାରଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି କୋଲକାତାରୁ କୌଣସି ରାଜନୈତିକ କାରଣରୁ ସ୍ଥାନାନ୍ତରିତ କରି ଦିଆଯାଇଛି।
ପଶ୍ଚିମବଙ୍ଗ ସରକାରଙ୍କ ମନ୍ତ୍ରୀ ଅରୂପ ବିଶ୍ବାସ କେନ୍ଦ୍ରକୁ ପଚାରିଛନ୍ତି ପଶ୍ଚିମବଙ୍ଗ କ୍ରିକେଟପ୍ରେମୀଙ୍କୁ କାହିଁକି ବଞ୍ଚିତ କରାଯାଉଛି।’ ସୁକାନ୍ତ ମଜୁମଦାର ଟ୍ବିଟ୍ କରିଛନ୍ତି ଯେ, ସୁରକ୍ଷା କାରଣରୁ ଫାଇନାଲକୁ ସ୍ଥାନାନ୍ତରିତ କରି ଦିଆଯାଇଛି। ତେବେ ବିସିସିଆଇର କହିବା ଅନୁସାରେ, ଖରାପ ପାଣିପାଗ କାରଣରୁ ଏହି ନିଷ୍ପତ୍ତି ନିଆଯାଇଛି।’
ସେ କହିଛନ୍ତି, ଏହା ଏକ ଷଡଯନ୍ତ୍ର। ରାଜନୈତିକ କାରଣରୁ ମ୍ୟାଚ୍କୁ ସ୍ତାନାନ୍ତରିତ କରଯାଇଛି। ବର୍ଷା ତା ବାସ୍ କେବଳ ଏକ ବାହାନା।’ ଏହା ପୂର୍ବରୁ କେନ୍ଦ୍ର ରାଷ୍ଟ୍ରମନ୍ତ୍ରୀ ଓ ପଶ୍ଚିମବଙ୍ଗ ବିଜେପି ଅଧ୍ୟକ୍ଷ ସୁକାନ୍ତ ମଜୁମଦାର ଆଇପିଏଲ ଆୟୋଜନର ଅଧିକାର ହରାଇବା ପାଇଁ ମମତା ବାନାର୍ଜୀ ସରକାରଙ୍କୁ ଦୋଷୀ ସାବ୍ୟସ୍ତ କରିଛନ୍ତି। ସେ କହିଛନ୍ତି, ଇଡେନ୍ ଗାର୍ଡେନ୍ରୁ ଆଇପିଏଲ ଫାଇନାଲ ମ୍ୟାଚ୍କୁ ସ୍ତାନାନ୍ତରିତ କରିବା ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ କୁଶାସନର ଏକ ସ୍ପଷ୍ଟ ପ୍ରମାଣ। ଖରାପ ଆଇନ୍ ବ୍ୟବସ୍ଥା, ଧ୍ବସ୍ତ ପ୍ରଶାସନିକ ଢାଞ୍ଚା ଓ ରାଜନୈତିକ ଅକ୍ଷମତା ହିଁ ପ୍ରକୃତ କାରଣ।’
