ନୂଆଦିଲ୍ଲୀ,୭।୭: ଭାରତ ଅପରେସନ୍ ସିନ୍ଦୂର ବେଳେ ପାକିସ୍ତାନକୁ ଦେଇଥିଲା କଡ଼ା ଜବାବ୍। ଏଭଳି ଚକମା ଦେଇଥିଲା ଯେ ପାକିସ୍ତାନର ହୀନ ଉଦେଶ୍ୟ ଜାଣିପାରିଥିଲା ସାରା ଦୁନିଆ। ଏହି ଅପରେସନ୍ ଭାରତୀୟ ବାୟୁସେନା (ଆଇଏଏଫ୍) ଉନ୍ନତ ଇଲୋକ୍ଟେ୍ରାନିକ୍ସ ଯୁଦ୍ଧ ରଣନୀତିକୁ ଦୁନିଆ ଆଗକୁ ଆଣିଥିଲା।
ପୂର୍ବ ଆମେରିକୀୟ ଏଫ୍ ୧୫ଇ ଷ୍ଟ୍ରାଇକ୍ ଇଗଲ ଓ ଏଫ୍-୧୬ ଥଣ୍ଡରବର୍ଡ ପାଇଲଟ୍ ରୟାନ ବୋଡେନହାଇମର ଆଇଏଏଫ୍ର ରଣନୀତିକୁ ‘ଏ ପର୍ଯ୍ୟନ୍ତ ସବୁଠାରୁ ଭଲ ସ୍ପୁଫିଙ୍ଗ ଓ ଡିସପ୍ରେସନ୍’ (ଭ୍ରମ ଓ ଧୋକା) ବୋଲି କହିଥିଲା। ସେ ଏହି ସଫଳତାର ଶ୍ରେୟ ରାଫେଲ ଜେଟ୍ର ଏକ୍ସ-ଗାର୍ଡ ଡିକୟ ଓ SPECTRA EW ସୁଟ୍କୁ ଦେଇଥିଲା, ଯିଏକି ପାକ୍ର ପିଏଲ୍-୧୫ଇ ମିସାଇଲକୁ ଧୋକା ଦେଇଥିଲା।
ଅପରେସନ୍ ସିନ୍ଦୂର ୭ ମଇ ୨୦୨୫ରେ ଆରମ୍ଭ ହୋଇଥିଲା, ଯେତବେଳେ ଭାରତୀୟ ବାୟୁସେନା ୨୨ ଏପ୍ରିଲ ୨୦୨୫ ରେ ଜମ୍ମୁ-କଶ୍ମୀରର ପହଲଗାମ୍ରେ ହୋଇଥିବା ଆତଙ୍କୀ ହମଲାର ଜବାବ ଦେଇଥିଲା, ଯେଉଁଥିରେ ୨୬ ନାଗରିକଙ୍କ ମୃତ୍ୟୁ ହୋଇଥିଲା। ଏହି ଅପରେସନରେ ଆଇଏଏଫ୍ ପାକିସ୍ତାନ ଓ ପାକ୍ ଅଧିକୃତ କାଶ୍ମୀର (ପିଓକେ)ରେ ୯ ଆତଙ୍କୀ ଆଡ୍ଡାକୁ ଟାର୍ଗେଟ କରିଥିଲା। ଭାରତର ବାୟୁସୀମାରେ ରହି ରାଫେଲ, ସୁଖୋଇ Su-30 MKI ଓ ମିରାଜ ୨୦୦୦ ଜେଟସ୍ SCALP କ୍ରୁଜ ମିସାଇଲ ଓ ସ୍ପାଇସ୍-୨୦୦ ବୋମାର ଉପଯୋଗ କରି ସଠିକ୍ ଆକ୍ରମଣ କରିଥିଲା।
ପାକିସ୍ତାନ ଦାବି କରିଥିଲା ଯେ, ସେ ୫ ଭାରତୀୟ ଜେଟ୍, ଯାହା ଭିତରେ ତିନି ରାଫେଲ ଥିଲା, ତାକୁ ମାରି ନଷ୍ଟ କରିଥିଲା। କିନ୍ତୁ ଭାରତୀୟ ସୁତ୍ର ଓ ଅନ୍ତର୍ଜାତୀୟ ବିଶେଷଜ୍ଞ ଦଳ ଏହି ଦାବିକୁ ଖାରଜ କରି କହିଛନ୍ତି, ଏହା ନଷ୍ଟ ହୋଇଥିବା ଡିକୟ (ଏକ୍ସ-ଗାର୍ଡ) ଥଲା। ତାହା ପ୍ରକୃତ ରାଫେଲ୍ ଜେଟ୍ ନଥିଲା। ଏହି ଅପରେସନରେ ଆଇଏଏଫ୍ର ଇଲୋକ୍ଟେ୍ରାନିକ୍ ଯୁଦ୍ଧ ଟେକ୍ନୋଲୋଜି ପାକିସ୍ତାନ ବାୟୁସେନାକୁ ପୁରା ଭ୍ରମିତ କରିଦେଇଥିଲା। ଏଥିରେ ଏକ୍ସ ଗାର୍ଡ ଜୋମିଂ ଡିକୟ, ୩୬୦ ଡିଗ୍ରୀ ଜୋମିଂ ସିଗନାଲ, ଏଆଇ ଅପରେଟେଡ୍ ଟେକ୍ନୋଲୋଜି, ଡିଜିଟାଲ ରେଡିଓ ଫିକ୍ବେଏନ୍ସି ମେମୋରୀ ଭଳି ଟେକ୍ନୋଲୋଜି ବ୍ୟବହାର ହୋଇଥିଲା।
