ନୂଆଦିଲ୍ଲୀ,୭।୭: ବିହାର ବିଧାନସଭା ନିର୍ବାଚନ ଓ ବିଏମ୍‌ସି ନିର୍ବାଚନ ପୂର୍ବରୁ ମୁମ୍ବାଇରେ ହିନ୍ଦୀ ଭାଷାଭାଷୀ ଲୋକଙ୍କ ଉପରେ ହୋଇଥିବା ହିଂସାତ୍ମକ ଆକ୍ରମଣ ରାଜନୈତିକ ପ୍ରସଙ୍ଗ ପାଲଟିଛି। ବିଜେପି ସହ ବହୁ ରାଜନୈତିକ ଦଳ ଏହି ପ୍ରସଙ୍ଗକୁ ନେଇ ରାଜ ଠାକରେ ଓ ତାଙ୍କ ପାର୍ଟିକୁ ସମାଲୋଚନା କରିଛନ୍ତି। ସୋମବାର  ବିଜେପି ସାଂସଦ ନିଶିକାନ୍ତ ଦୁବେ ମହାରାଷ୍ଟ୍ର ନବନିର୍ମାଣ ସେନା (MNS) ମୁଖ୍ୟ ରାଜ ଠାକରେ ଏବଂ ତାଙ୍କ ଭାଇ ଏବଂ ଶିବସେନା (BSP) ସଭାପତି ଉଦ୍ଧବ ଠାକରେଙ୍କୁ ଟାର୍ଗେଟ କରିଛନ୍ତି। ଏହା ସହ ଚ୍ୟାଲେଞ୍ଜ ଦେଇଛନ୍ତି ଯଦି ସାହାସ ଅଛି ତେବେ ମହାରାଷ୍ଟ୍ରର ବାହରକୁ ଯାଇକି ଦେଖ। ଯଦି ତୁମେ ଏତେ ବଡ଼ ବସ୍‌, ତେବେ  ୟୁପି, ବିହାର କିମ୍ବା ତାମିଲନାଡୁ ଯାଇ ସେଠାରେ ଏଭଳି କର। ତମକୁ କଚାଡି କଚାଡି ମାରିବୁ।’

ଗୌହାଟିରେ ଏଏନ୍‌ଆଇକୁ ଏକ ସାକ୍ଷାତକାର ଦେଇ ଦୁବେ କହିଛନ୍ତି, ଆମେ ମରାଠୀ ଓ ମହାରାଷ୍ଟ୍ରର ଲୋକଙ୍କୁ ସମ୍ମାନ କରୁ, ସେମାନେ ଭାରତର ସ୍ବାଧିନତା ପାଇଁ ଲଢିଛନ୍ତି। ବିଏମ୍‌ସି ନିର୍ବାଚନ ହେବାକୁ ଯାଉଛି,ତେଣୁ ରାଜ ଠାକରେ ଓ ଉଦ୍ଧବ ଠାକରେ ଶସ୍ତା ରାଜନୀତି କରୁଛନ୍ତି। ଯଦି ତାଙ୍କ ଭିତରେ ସାହାସ ଅଛି ତାଙ୍କୁ ମହିମ ଯିବା ଦରକାର ଓ ମହିମ ଦରଘା ଆଗରେ କୌଣସି ହିନ୍ଦୀ କିମ୍ବା ଉର୍ଦ୍ଧୁ କହୁଥିବା ଲୋକଙ୍କୁ ପିଟିକି ଦେଖ ସେମାନେ କ’ଣ କରୁଛନ୍ତି ତୁମ ସହ ।’

ଦୁବେ କହିଛନ୍ତି, ଆପଣ କାହା ରୁଟି ଖାଉଛନ୍ତି ? ଟାଟା, ବିର୍ଲା, ରିଲାୟନ୍ସର ମହାରାଷ୍ଟ୍ରରେ ୟୁନିଟି ବି ନାହିଁ। ଟାଟା ପ୍ରଥମ ଫ୍ୟାକ୍ଟ୍ରି ବିହାରରେ କରିଥିଲା।  ଆମ ଟଙ୍କାରେ ତୁମେ ବଞ୍ଚୁଛ। ତୁମେ କେଉଁ ଟ୍ୟାକ୍ସ ଦେଉଛ ? କେଉଁ ଇଣ୍ଡଷ୍ଟ୍ରୀ ତୁମ ପାଖରେ ଅଛି, ସବୁ ମାଇନ୍ସ ଆମ ପାଖରେ ରହିଛି। ଝାଡଖଣ୍ଡ, ଛତିଶଗଡ, ଓଡିଶା ଏବଂ ମଧ୍ୟ ପ୍ରଦେଶରେ ଏସବୁ ଅଛି। ରିଲାୟନ୍ସ ରିଫାଇନରୀ ଓ ସେମିକଣ୍ଡକ୍ଟର ଇଣ୍ଡଷ୍ଟ୍ରୀ ବି ଗୁଜରାଟରେ ଅଛି, ଖାଲିରେ ନିଜକୁ ବସ୍ ଦେଖାଇ ହେଉଛ। ଉଲ୍ଲେଖନୀୟ ଯେ, କିଛି ଦିନ ତ‌ଳେ ଏମ୍‌ଏନସି କର୍ମୀ ମୁମ୍ବାଇ ନିକଟସ୍ଥ ମୀରା ରୋଡ୍‌ରେ ମରାଠୀ ନକହିବା କାରଣରୁ ଜଣେ ଫୁଡ୍‌ ଷ୍ଟଲ୍ ମାଲିକଙ୍କୁ ମାଡ଼ ମାରିଥିଲେ। ଏହାର ଭିଡିଓ ଭାଇରାଲ ହେବାପରେ ରାଜ୍ୟରେ ରାଜନୈତିକ ବିବାଦ ବଢିଯାଇଥିଲା।