ନୂଆଦିଲ୍ଲୀ,୧୪/୧୨: ବର୍ଡର-ଗାଭାସ୍କର ଟ୍ରଫି ଟୁର୍ଣ୍ଣାମେଣ୍ଟର ଆଜିଠୁ ତୃତୀୟ ଟେଷ୍ଟ ମ୍ୟାଚ ଆରମ୍ଭ ହୋଇଛି । ବ୍ରିସବେନର ଗାବା ଗଡରେ ଭାରତ ଅଷ୍ଟ୍ରେଲିଆ ମଧ୍ୟରେ ଆରମ୍ଭ ହୋଇଥିଲା ମ୍ୟାଚ । ଭାରତ ଟସ୍ ଜିତି ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଥିଲା । ବ୍ୟାଟିଂ ଆମନ୍ତ୍ରଣ ପାଇଥିଲା ଘରୋଇ ଅଷ୍ଟ୍ରେଲିଆ । ମାତ୍ର ୮୦ଟି ବଲ ଖେଳ ହୋଇଥିଲା । ଅଚାନକ ବର୍ଷିଥିଲେ ଇନ୍ଦ୍ର ଦେବ । ଫଳରେ ମ୍ୟାଚକୁ କିଛି ସମୟ ପାଇଁ ବନ୍ଦ ରଖାଯାଇଥିଲା । ବର୍ଷା ଛାଡିଥିଲେ ପୁଣି ଆରମ୍ଭ ହୋଇଥାନ୍ତା ମ୍ୟାଚ ।  ହେଲେ ବର୍ଷା ଛାଡିଲା ନାହିଁ । ବ୍ରିସବେନର ପ୍ରଥମ ଦିନ ଖେଳ ବର୍ଷା ଧୋଇ ନେଇଛି । ଆସନ୍ତାକାଲି (ରବିବାର) ମ୍ୟାଚ ଖେଳାଯିବ ।

ବ୍ୟାଟିଂ ଆମନ୍ତ୍ରଣ ପାଇଥିବା ଘରୋଇ ଅଷ୍ଟ୍ରେଲିଆର ଉସମାନ ଖ୍ବାଜା ଓ ନାଥନ ମ୍ୟାକସ୍ବିନି ଓପନିଂ କରିଥିଲେ । ଭାରତ ପକ୍ଷରୁ ପ୍ରଥମେ ବୋଲିଂ କରିଥିଲେ ବୁମରା । ୧୩ ଓଭର ୨ଟି ବଲ୍ ଖେଳ ସମୟରେ ଆରମ୍ଭ ହୋଇଥିଲା ବର୍ଷା । ଅଷ୍ଟ୍ରେଲିଆ ବିନା ୱିକେଟ ହରାଇ ୨୮ ରନ କରିଥିଲା । ମାତ୍ର ୮୦ଟି ବଲ ଖେଳ ହୋଇଥିଲା । ଉସମାନ ଖ୍ବାଜା ୧୯ ରନ ଓ ନାଥନ ମ୍ୟାକସ୍ବିନି ୪ ରନ କରି ଅପରାଜିତ ରହିଥିଲେ । ୪୭ ବଲରେ ୧୯ ରନ କରିଛନ୍ତି ଉସମାନ ଖ୍ବାଜା । ବର୍ଷା ଛାଡିଲେ ପୁଣି ମ୍ୟାଚ ଆରମ୍ଭ ହେବ ବୋଲି ଅନୁମାନ କରାଯାଉଥିଲା ମାତ୍ର ବର୍ଷା ନ ଛାଡିବାରୁ ପ୍ରଥମ ଦିନ ଖେଳକୁ ବାତିଲ କରାଯାଇଛି । ଆସନ୍ତାକାଲି ପୁଣି ମ୍ୟାଚ ଆରମ୍ଭ ହେବ । ଦ୍ବିତୀୟ ଦିନ ୯୮ ଓଭର ଖେଳ ହେବ । ଏହା ପୂର୍ବରୁ ଗାବା ଗ୍ରାଉଣ୍ଡରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ମୋଟ ୭ଟି ଟେଷ୍ଟ ମ୍ୟାଚ ଖେଳା ଯାଇଥିଲା। ଭାରତ ୫ଟି ମ୍ୟାଚରେ ପରାସ୍ତ ହୋଇଥିଲା । ଗୋଟିଏ ମ୍ୟାଚ ଡ୍ର ହୋଇଥିଲା । ୨୦୨୧ରେ ଗୋଟିଏ ମ୍ୟାଚ ଜିତିଥିଲା । ୩ ୱିକେଟରେ ଅଷ୍ଟ୍ରେଲିଆକୁ ହରାଇଥିଲା ।

🚨 UPDATE

Play for Day 1 in Brisbane has been stopped today due to rain.

Play will resume tomorrow and all following days at 09:50 AM local time (5:20 AM IST) with minimum 98 overs to be bowled.#TeamIndia | #AUSvIND

— BCCI (@BCCI) December 14, 2024

ବର୍ଡର ଗାଭାସ୍କର ଟ୍ରଫି ଟେଷ୍ଟ ସିରିଜରେ ଦୁଇଟି ଟେଷ୍ଟ ସରିଛି । ଉଭୟ ଦଳ ଗୋଟିଏ ଲେଖାଏଁ ମ୍ୟାଚ ଜିତିଛନ୍ତି । ବର୍ତ୍ତମାନ ୧-୧ ସ୍ଥିତିରେ ରହିଛି ସିରିଜ । ଭାରତ ପର୍ଥ ଟେଷ୍ଟ ଜିତିଥିବା ବେଳେ ଅଷ୍ଟ୍ରେଲିଆ ଆ଼ଡିଲେଡ ଟେଷ୍ଟ ଜିତିଥିଲା  । ଉଭୟ ଦଳ ଗୋଟିଏ ଲେଖାଏଁ ମ୍ୟାଚ ଜିତିଥିବାରୁ ତୃତୀୟ ଟେଷ୍ଟ ଫଳାଫଳ ସିରିଜ ପାଇଁ ନିର୍ଣ୍ଣାୟକ ହେବ ବୋଲି ଆକଳନ କରାଯାଉଛି । ଗାବା ଟେଷ୍ଟ ଜିତି ଭାରତ ସିରିଜରେ ଆଗୁଆ ରହିବ ବୋଲି ଆଶା ରଖିଛନ୍ତି ଫ୍ୟାନ୍ସ । ଆଡିଲେଡରେ ପରାଜୟ ପରେ ଭାରତ ଗାବାରେ କମବ୍ୟାକ କରିବ ବୋଲି ଫ୍ୟାନ୍ସ ଆଶାବାଦୀ ଅଛନ୍ତି ।