ବେଙ୍ଗାଲୁରୁ : ଇଣ୍ଡିଆ - ନ୍ୟୁଜିଲ୍ୟାଣ୍ଡ ମଧ୍ୟରେ ୩ ମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମୁକାବିଲା ବେଙ୍ଗାଲୁରୁର ଏମ୍ ଚିନ୍ନସ୍ୱାମୀ ଷ୍ଟାଡିୟମରେ ଖେଳା ଯାଉଛି। ୪ର୍ଥ ଦିନ ସରଫରାଜ ଖାନ ଓ ରିଷଭ ପନ୍ତ ଆକର୍ଷଣୀୟ ବ୍ୟାଟିଂ କରି ଭାରତୀୟ ଟିମ୍କୁ ମ୍ୟାଚକୁ ଫେରାଇଛନ୍ତି। ସରଫରାଜ ଖାନ ନିଜ ଟେଷ୍ଟ କ୍ୟାରିୟର ପ୍ରଥମ ଶତକ ହାସଲ କରିଥିବା ବେଳେ ରିଷଭ ପନ୍ତ ଶତକରୁ ବଞ୍ଚିତ ହୋଇଛନ୍ତି। ଦୁହିଁଙ୍କ ମଧ୍ୟରେ ୪ର୍ଥ ୱିକେଟ୍ରେ ୨୧୧ଟି ବଲରେ ୧୭୭ ରନର ପାର୍ଟନରସିପ୍ ହୋଇଛି।
ସରଫରାଜ ୧୯୫ ଟି ବଲରେ୧୫୦ କରି ପାଭେଲିୟନ ଫେରି ଥିଲେ। ରିଷଭ ପନ୍ତ ୯୯ ରନ କରି ଆଉଟ ହୋଇଥିଲେ। ରାହୁଲ ୧୬ଟି ବଲ୍ରେ ୧୨ ରନ୍ ହିଁ କରି ପାରି ଥିଲେ। ରବିନ୍ଦ୍ର ଜାଡେଜା ୧୫ଟି ବଲରେ ୫ରନ୍ ହିଁ କରି ପାରି ଥିଲେ। ଭାରତ ନ୍ୟୁଜିଲ୍ୟାଣ୍ଡ ବିରୋଧରେ ଦ୍ୱିତୀୟ ଇଂନିସରେ ୯୯.୩ ଓଭରରେ ୪୬୨ ରନ୍ କରି ଥିଲେ ଏବଂ ୧୦୬ ରନ୍ ବୃଦ୍ଧି କରାଇ ଥିଲେ। ଅନ୍ୟପଟେ ନ୍ୟୁଜିଲ୍ୟାଣ୍ଡକୁ ପ୍ରଥମ ମ୍ୟାଚ୍ ଜିତିବା ପାଇଁ ୧୦୭ ରନ୍ କରିବାକୁ ହେବ।
କହି ରଖୁଛୁ କି, ତୃତୀୟ ଦିନରେ ଭାରତ ସବୁ ବିଭାଗରେ ଜବରଦସ୍ତ ପ୍ରଦର୍ଶନ କରିଥିଲା । ନ୍ୟୁଜିଲାଣ୍ଡର ପ୍ରଥମ ଇନିଂସକୁ ଯଥା ସମ୍ଭବ ସହଳ ଶେଷ କରିବାର ଲକ୍ଷ୍ୟ ନେଇ ଭାରତ ଶୃଙ୍ଖଳିତ ବୋଲିଂ କରିଥିଲା । ମାତ୍ର ବାଜି ମାରି ନେଇଥିଲେ ରଚିନ ରବିନ୍ଦ୍ର । ସେ ଶତକୀୟ ପାଳି ଖେଳିଥିଲେ ଓ ଟିମ ସାଉଦିଙ୍କୁ ସାଥୀ କରି ଅଷ୍ଟମ ୱିକେଟ୍ରେ ୧୩୭ ରନ୍ର ଭାଗିଦାରୀ ଗଠନ କରିବା ଫଳରେ ଦଳୀୟ ସ୍କୋର ୪୦୨ ରନ୍ରେ ପହଞ୍ଚି ଯାଇଥିଲା । ସାଉଦି ମଧ୍ୟ ୬୫ ରନ୍ର ଦାୟିତ୍ୱପୂର୍ଣ୍ଣ ଇନିଂସ ଖେଳିଥିଲେ ।
