ନୂଆଦିଲ୍ଲୀ, ୮/୧୦ : ଭାରତ ଏବଂ ବାଂଲାଦେଶର ଟିମ୍ ଏହି ସମୟରେ ୩ମ୍ୟାଚର ଟି-୨୦ ଅନ୍ତର୍ଜାତୀୟ ସିରିଜ ଖେଳୁଛନ୍ତି । ଏହା ମଧ୍ୟରେ ବାଂଲାଦେଶର ଏକ ଅନୁଭବି ଅଲରାଉଣ୍ଡର ଏହି ଫର୍ମାଟରୁ ସନ୍ନ୍ୟାସର ଘୋଷଣା କରି ଦେଇଛନ୍ତି । ପ୍ରକାଶ ଯେ, ୩୮ବର୍ଷୀୟ ମହମୁଦୁଲ୍ଲାହ ଏହି ନିଷ୍ପତ୍ତି ନେଇଛନ୍ତି । ବର୍ତ୍ତମାନର ସିରିଜ ତାଙ୍କର ଶେଷ ଟି-୨୦ ଅନ୍ତର୍ଜାତୀୟ ସିରିଜ ଅଟେ । 

୩୮ବର୍ଷୀୟ ମହମୁଦୁଲ୍ଲାହ ୨୦୦୭ରେ କେନ୍ୟା ବିପକ୍ଷ ଟି-୨୦ ଅନ୍ତର୍ଜାତୀୟ ଡେବ୍ୟୁ କରିଥିଲେ । ସେ ହମବତନ ଶାକିବ ଅଲ ହସନ ଏବଂ ଜିମ୍ବାଓ୍ବେର ସିନ ଓ୍ବିଲିୟମ୍ସଙ୍କ ପରେ ତୃତୀୟ ସବୁଠାରୁ ଲମ୍ବା ଟି-୨୦ ଅନ୍ତର୍ଜାତୀୟ କ୍ୟାରିୟରର ଖେଳାଳୀ ଅଟନ୍ତି । ପ୍ରକାଶ ଯେ, ମହମୁଦୁଲ୍ଲାହ ୨୦୨୧ରେ ଟେଷ୍ଟରୁ ସନ୍ନ୍ୟାସ ନେଇ ଯାଇଥିଲେ । କିନ୍ତୁ ସେ ଓ୍ବାନଡେରେ ଖେଳିବା ଜାରି ରଖିବେ । ଭାରତରେ ହୋଇଥିବା ୨୦୨୩ପୁରୁଷ ବିଶ୍ବକପରେ ୩୨୮ରନ ସହ ସେ ବାଂଲାଦେଶ ଲାଗି ସବୁଠାରୁ ଅଧିକ ରନ୍ କରିଥିବା ଖେଳାଳୀ ବି ରହିଥିଲେ ।