ଫିରିଙ୍ଗିଆ,୯।୯ : ଫିରିଙ୍ଗିଆ ବ୍ଲକରେ ରବିବାର ଠାରୁ ଲଗାଣ ବର୍ଷା ଲାଗି ରହିଛି। ବର୍ଷାରେ ଡାଙ୍ଗେଡିକିଆ ଗ୍ରାମରେ ଏକ ଘର ଭୁଶୁଡି ପଡିଛି। ତେବେ ଏଥିରୁ ଅଳ୍ପକେ ବର୍ତ୍ତିଯାଇଛନ୍ତି ପରିବାର ଲୋକେ। କାନ୍ଥ ପଡି ଘରର ଆସବାବପତ୍ର ନଷ୍ଟ ହୋଇଯାଇଛି।
ଡାଙ୍ଗେଡିକିଆ ଗ୍ରାମର ଦିବ୍ୟାଙ୍ଗ ସଂଘର ସଭାପତି ରାଜକିଶୋର ଦିଗାଲଙ୍କ ମାଟିଝାଟି ଘରର କାନ୍ଥ ଲଗାଣ ବର୍ଷାରେ ସୋମବାର ସନ୍ଧ୍ୟାରେ ଭୁଶୁଡି ପଡିଥିଲା। ତେବେ ଏଥିରୁ ରାଜକିଶୋରଙ୍କ ପରିବାର ଲୋକେ ଅଳ୍ପକେ ବର୍ତ୍ତିଯାଇଥିଲେ। ତେବେ କାନ୍ଥ ପଡି ଘରେ ଥିବା ବାସନ, କପଡା ଓ ଚାଉଳ ସବୁ ନଷ୍ଟ ହୋଇଯାଇଛି।