ଭୁବନେଶ୍ୱର, ୧୭/୦୩: ଏକାଧିକ ଠକେଇ ମାମଲାରେ ଫସିଥିବା ହାଇପ୍ରୋଫାଇଲ ଠକ ଯୋଡି ହଂସିକା-ଅନିଲଙ୍କୁ ମିଳିଲା ଆଶ୍ବସ୍ତି। ଉଭୟଙ୍କୁ ସର୍ତ୍ତମୂଳକ ଜାମିନ ପ୍ରଦାନ କଲେ ହାଇକୋର୍ଟ। ୫୦ ହଜାର ଟଙ୍କାର ଜଣେ ଜାମିନଦାର ସହ ପାସପୋର୍ଟ ଦାଖଲ ନିର୍ଦ୍ଦେଶ । ଏଥିସହିତ ଏକାଧିକ ସର୍ତ୍ତ ରଖାଯାଇଛି।
ଉଲ୍ଲେଖ ଯୋଗ୍ୟ ଯେ, ଜଣେ ପୂର୍ବତନ ଏମ୍ପିଙ୍କୁ ଠକେଇ କରିବା ଅଭିଯୋଗରେ ବିଷ୍ଣୁପ୍ରିୟା ଚାନ୍ଦ ଓରଫ ହଂସିକା ଓ ତାଙ୍କ ସହଯୋଗୀ ଅନିଲ୍ ମହାନ୍ତିଙ୍କୁ ଇନ୍ଫୋସିଟି ପୋଲିସ ଗିରଫ କରିଥିଲେ। ପୂର୍ବରୁ ଏକାଧିକ ଥର ଜାମିନ୍ ଆବେଦନ କରିଥିଲେ ମଧ୍ୟ ଉଭୟ ଠକ ଯୋଡିଙ୍କ ଆବେଦନକୁ ମାନ୍ୟବର କୋର୍ଟ ଖାରଜ କରିଦେଇଥିଲେ। ଏହାକୁ ଚ୍ୟାଲେଞ୍ଜ କରି ହାଇକୋର୍ଟରେ ଜାମିନ୍ ଆବେଦନ କରିଥିଲେ। ମାନ୍ୟବର ହାଇକୋର୍ଟ ଠକେଇ ମାମଲାର ଶୁଣାଣି କରି ଉଭୟଙ୍କ ଜାମିନ ଆବେଦନ ମଞ୍ଜୁର କରିଛନ୍ତି। ହଂସିକା - ଅନିଲଙ୍କୁ ସର୍ତ୍ତମୂଳକ ଜାମିନ ପ୍ରଦାନ କରିଛନ୍ତି ହାଇକୋର୍ଟ। ୫୦ ହଜାର ଟଙ୍କାର ଜଣେ ଜାମିନଦାର ସହ ପାସପୋର୍ଟ ଦାଖଲ ନିର୍ଦ୍ଦେଶ ଦିଆଯାଇଛି। ସେହିଭଳି ରାଜ୍ୟ ବାହାରକୁ ଗଲେ ତଦନ୍ତକାରୀ ଅଧିକାରୀଙ୍କ ଠାରୁ ଅନୁମତି ନେବାକୁ ପଡିବ। ତଦନ୍ତ ପ୍ରକିୟାରେ ସହଯୋଗ କରିବେ। ଆବଶ୍ୟକ ହେଲେ ନିମ୍ନ ଅଦାଲତ ଅତିରିକ୍ତ ସର୍ତ୍ତ ରଖିପାରିବେ ବୋଲି ଆଜି ହାଇକୋର୍ଟ ତାଙ୍କ ରାୟରେ ଉଲ୍ଲେଖ କରିଛନ୍ତି। ଜାମିନ୍ ଆବେଦନ ସର୍ତ୍ତକୁ ଉଲ୍ଲଘଂନ କଲେ ଜାମିନ୍ ଖାରଜ ହୋଇଯିବ।
ପୂର୍ବରୁ ହଂସିକାଙ୍କୁ ଜାଲ୍ ପାର୍ସପୋର୍ଟ ଏବଂ ଅନ୍ୟ ଏକ ମାମଲାରେ ଜାମିନ୍ ମିଳିଥିବା ବେଳେ ଦୀର୍ଘ ଦିନ ଧରି ଜେଲରେ ରହିବା ପରେ ଠକେଇ ମାମଲାରେ ହାଇପ୍ରୋଫାଇଲ ଠକ ଯୋଡି ବଣ୍ଟି-ବବିଲିଙ୍କୁ ସର୍ତ୍ତମୂଳକ ଜାମିନ୍ ମଞ୍ଜୁର ହୋଇଛି।
