ବ୍ରହ୍ମପୁର ୧୬/୦୩: ସାଂସଦ ପ୍ରତିନିଧି ତଥା ଗଡଗୋବିନ୍ଦପୁର ପୂର୍ବତନ ସରପଞ୍ଚ କେ ହରିବନ୍ଧୁ ରେଡ୍ଡୀଙ୍କୁ ଦିଗପହଣ୍ଡିରେ ଆକ୍ରମଣ। ମନରେଗା କାମକୁ ନେଇ ଆକ୍ରମଣ ହୋଇଥିବା ଅଭିଯୋଗ। ଗୁରୁତର ଅବସ୍ଥାରେ ହରିବନ୍ଧୁ ରେଡ୍ଡୀଙ୍କୁ ପ୍ରଥମେ ଚିକିଟି ମେଡ଼ିକାଲରେ ଭର୍ତ୍ତି କରିଥିଲେ। ସେଠାରେ ତାଙ୍କ ସ୍ବାସ୍ଥ୍ୟାବସ୍ଥା ବିଗିବାରୁ ବ୍ରହ୍ମପୁର ଏମକେସିଜି ମେଡିକାଲରେ ଭର୍ତ୍ତି କରାଯାଇଛି। ଏନେଇ ଦିଗପହଣ୍ଡି ପୋଲିସକୁ ଖବର ଦିଆଯାଇଥିବା ଜଣାପଡିଛି।
ସୂଚନା ଅନୁଯାଇ, ପଞ୍ଚାୟତରେ ହୋଇରହିଥିବା ଏମନରେଗା କାମର ଅନିୟମିତତା ଓ ଏହାର ଭିଜିଲାନ୍ସ ତଦନ୍ତକୁ କେନ୍ଦ୍ରକରି କେ ହରିବନ୍ଧୁ ରେଡି ଓ ତାଙ୍କ ପ୍ରତିପକ୍ଷ ସରପଞ୍ଚ ଗୋଷ୍ଠୀ ମଧ୍ୟରେ ଛକପଞ୍ଝା ସ୍ଥିତି ଲାଗିରହିଥିଲା। ଏହାକୁ କେନ୍ଦ୍ରକାରି ତାଙ୍କ ଉପରେ ଶନିବାର ରାତି ପ୍ରାୟ ୧୦ ବେଳେ ହାରିବନ୍ଧୁ ରେଡି ତାଙ୍କ ସାମର୍ଥକ ମାନଙ୍କ ସହିତ ମିଶି କୌଣସି ବିଷୟ ଉପରେ ଆଲୋଚନା କରୁଥିବା ସମୟରେ ପ୍ରତିପକ୍ଷ ଗୋଷ୍ଠୀର ଯୁବକ ମାନେ ତାଙ୍କ ଉପରେ ଆକ୍ରମଣ କରିଥିଲେ। ଆକ୍ରମଣରେ ତାଙ୍କ ମୁହଁ ଓ ମୁଣ୍ଡରେ ଶକ୍ତ ଆଘାତ ଲାଗିଛି। ଘାଟଣା ସ୍ଥଳରୁ ତାଙ୍କୁ ଉଦ୍ଧାର କରାଯାଇମେଡିକାଲରେ ଭର୍ତ୍ତି କରାଯାଇଛି। ତେବେ ଏ ସମ୍ପର୍କରେ କେ. ନୂଆଗାଁ ଥାନା ଆଇ. ଆଇ. ସି କିଶୋର କୁମାର ସଶମଲ ସହ ଯୋଗାଯୋଗ କରିବାରୁ ଏହା ତଦନ୍ତ କରାଯାଉଛି ବୋଲି କହିଛନ୍ତି।
