ଭୁବନେଶ୍ବର,୧୧/୦୫:ତାତିରୁ ନାହିଁ ନିସ୍ତାର । ରାଜ୍ୟରେ ଆସନ୍ତା ୧୯ ତାରିଖ ଯାଏଁ ଅସହୟ ଗରମ ସହ ଗୁଳୁଗୁଳି ଅନୁଭବ ହେବ । ଅସ୍ତବ୍ୟସ୍ତ ହେବ ଜନ ଜୀବନ। ବର୍ଷାର ନାହିଁ ସମ୍ଭାବନା। ତେବେ ମେ ମାସରେ ଏମିତି ଜଳବାୟୁ ରହିଥାଏ । କିନ୍ତୁ ଏ ବର୍ଷ ଯୁଦ୍ଧର ପ୍ରଭାବ ମଧ୍ୟ ଜଳବାୟୁ ଉପରେ ପଡିଛି। ଉପରମୁଣ୍ଡରେ ଅଧିକ ତାତି ରହିବା ସହ ଉପକୂଳ ଜିଲ୍ଲାରେ ଅଧିକ ଗୁଲଗୁଳି ଅନୁଭବ ହେବ ।
ମେ ୧୯ ତାରିଖ ପର୍ଯ୍ୟନ୍ତ ଆଭ୍ୟନ୍ତରୀଣ ଓଡ଼ିଶାରେ ହିଟୱେଭ ଭଳି ସ୍ଥିତି ଆଉ ଉପକୂଳ ଓଡ଼ିଶାରେ ଗରମ ଓ ଅସହୟ ଆଦ୍ର ରହିବ ବୋଲି ପାଣିପାଗ ବିଶେଷଜ୍ଞ କହିଛନ୍ତି। ଏପଟେ ମୌସୁମୀ ସମୟ ପୂର୍ବରୁ ଛୁଇଁବାର ସମ୍ଭାବନା ରହିଛି। ମେ ୨୦ ତାରିଖ ସୁଦ୍ଧା ମୌସୁମୀ କେରଳ ଛୁଇଁବାକୁ ନେଇ ପୂର୍ବାନୁମାନ କରିଛି ଆଇଏମଡି । ଯଦି ଜଳବାୟୁରେ କୌଣସି ପରିବର୍ତ୍ତନ ନ ହୁଏ ତେବେ ଓଡିଶାକୁ ମଧ୍ୟ ଜଲଦି ଆସିବାର ସମ୍ଭାବନା ରହିଛି। ମେ ୨୦ ବେଳକୁ ଗୋଟେ ଟ୍ରାପ ଲାଇନ ହେବାର ସମ୍ଭାବନା ରହିଥିବାରୁ ଏହା ପ୍ରଭାବରେ ବର୍ଷା ହେବ ବୋଲି ପାଣିପାଗ ବିଶେଷଜ୍ଞଙ୍କ ପକ୍ଷରୁ ସୂଚନା ମିଳିଛି।
