ପ୍ରମୂଖ ଖବର
  • କଟକ : ନିଆଁ ଲାଗି ଜଳିଗଲା ୩ ବଖରା ଘର, କାରଣ ଅସ୍ପଷ୍ଟ
  • ||
  • କାଠଯୋଡି ନଦୀରେ ଗାଧୋଇବା ବେଳେ ଅଘଟଣ, ପାଣିରେ ବୁଡ଼ି ନାବାଳକ ମୃତ
  • ||
  • ଭଞ୍ଜନଗର : ବ୍ରାହ୍ମଣପଦର ଗ୍ରାମରେ ହତ୍ୟାକାଣ୍ଡ, ସଂଘବଦ୍ଧ ଆକ୍ରମଣରେ ଯୁବକଙ୍କ ମୃତ୍ୟୁ
  • ||
  • ବେଗୁନିଆପଡ଼ା : ପୂର୍ବ ଶତ୍ରୁତାରୁ ୨ ଭାଇଙ୍କୁ ହତ୍ୟା, ପୋଲିସର ତଦନ୍ତ ଆରମ୍ଭ
  • ||
  • ଭାରସାମ୍ୟ ହରାଇ ଦଳବୋଝେଇ ଖାଲକୁ ଖସିଲା ଟ୍ୟାଙ୍କର୍‌, ଡ୍ରାଇଭର ମୃତ
  • ||
  • ତଣ୍ଡିକେରା ଛକରୁ ଦୁଇ ସନ୍ଦିଗ୍ଧଙ୍କୁ ଉଠାଇନେଲା ଚନ୍ଦନପୁର ପୁଲିସ, ଚାଲିଛି ପରିଚୟ ଖୋଜା
  • ||
  • IPL 2025: ଆଜି ସୁପରଜାଏଣ୍ଟ୍‌ସ- ଇଣ୍ଡିଆନ୍ ମଧ୍ୟ ହେବ କଡ଼ା ଟକ୍କର, ନଜରରେ ପନ୍ତ, ରୋହିତଙ୍କ ବ୍ୟାଟିଂ
  • ||
  • ବଦଳିବ ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠ ଠିକଣା, ୟୁନିଟ୍‌-୨ କ୍ୟାପିଟାଲ ନର୍ସରୀ ପାଖକୁ ଉଠିଯିବ
  • ||
  • ଯାଜପୁରରେ ଚାଞ୍ଚଲ୍ୟ, କର୍ମଜୀବୀ ମହିଳାଙ୍କୁ ହାତ ମୁହଁ ବାନ୍ଧି ଗଣଦୁଷ୍କର୍ମ ଅଭିଯୋଗ
  • ||
  • ଦିନିକିଆ ଗଞ୍ଜାମ ଗସ୍ତରେ ଯିବେ ମୁଖ୍ୟମନ୍ତ୍ରୀ, ବ୍ରହ୍ମପୁର ମା’ ବୁଢ଼ୀ ଠାକୁରାଣୀଙ୍କୁ ଅସ୍ଥାୟୀ ମଣ୍ଡପରେ ଦର୍ଶନ କରିବେ
  • ||
  • ମୟୂରଭଞ୍ଜ : ଦୋକାନୀଙ୍କୁ ଠେଙ୍ଗାରେ ପିଟି ସୁନା ବ୍ୟାଗ୍‌ ଲୁଟ୍‌, ଲକ୍ଷାଧିକ ଟଙ୍କାର ଅଳଙ୍କାର ଲୁଟିନେଲେ ୪ ଦୁର୍ବୃତ୍ତ
  • ||
  • ଭଦ୍ରକ : ଗୋରୁ ବୋଝେଇ ପିକଅପ୍‌ ଗାଡ଼ି ଦୁର୍ଘଟଣା ଗ୍ରସ୍ତ: ୩ ଗୋରୁ ମୃତ, ଡ୍ରାଇଭର ଗୁରୁତର
  • ||
  • ରବିବାରଠୁ ତାତିରେ ବିରତି: ୨ ତାରିଖ ଯାଏ ବର୍ଷା ସହ ଘଡ଼ଘଡ଼ି ସମ୍ଭାବନା, ୫ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ
  • ||

ମାତ୍ରାଧିକ ଷ୍ଟେରଏଡ୍‌ ବ୍ୟବହାର କରୁଛନ୍ତି କି ? ହୋଇଯାଆନ୍ତୁ ସାବଧାନ...

Published By : Harapriya Sethi | March 21, 2025 2:58 PM

ଷ୍ଟେରଏଡ୍ ଏକ ପ୍ରକାରର ଆଣ୍ଟି-ଇନ୍‌ଫ୍ଲାମେଟୋରୀ ଔଷଧ, ଯାହା ଶରୀର ଆଲର୍ଜିକୁ ହ୍ରାସ କରିବାରେ ସାହାଯ୍ୟ କରିଥାଏ । ଏହି ଔଷଧକୁ ଖାସ୍‌ କରି ଆଜ୍ମା ଏବଂ ଆଲର୍ଜି, ଗୁରୁତର ଚର୍ମ ରୋଗ, ଗଣ୍ଠି ରୋଗ, ଅଟୋଇମ୍ମ୍ୟୁନ୍ ରୋଗ, ଆଖି ଫୁଲିବା ଭଳି ରୋଗରେ ବ୍ୟବହୃତ କରାଯାଇଥାଏ । ଏହା ବ୍ୟତୀତ ଏହି ଷ୍ଟେରଏଡ୍‌କୁ ଜିମ୍‌ରେ ମଧ୍ୟ ବ୍ୟବହାର କରାଯାଇଥାଏ । ଜିମ୍‌ରେ ବଡି ବିଲ୍‌ଡିଂ କରୁଥିବା ବ୍ୟକ୍ତିମାନେ ମଧ୍ୟ ଷ୍ଟେରଏଡ୍‌ ବ୍ୟବହାର କରିଥାନ୍ତି । ସେମାନେ ବିଶେଷ କରି ଇଂଜେକ୍ସନ୍‌ ମାଧ୍ୟମରେ ଏହି ଷ୍ଟେରଏଡ୍‌କୁ ଗ୍ରହଣ କରିଥାନ୍ତି । କାରଣ ଏହି ଷ୍ଟେରଏଡ୍‌ ସେମାନଙ୍କ ଶରୀରକୁ ସୁଦୃଢ କରିବାରେ ସାହାଯ୍ୟ କରିଥାଏ । ହେଲେ ଏହାକୁ ଡାକ୍ତରଙ୍କ ପରାମର୍ଶ ବିନା ଗ୍ରହଣ କରିବା ବିପଦଜନକ ସାବ୍ୟସ୍ତ ହୋଇପାରେ । ଯଦି ଆପଣ ମଧ୍ୟ ଷ୍ଟେରଏଡ୍ ବ୍ୟବହାର କରୁଛନ୍ତି, ତେବେ ସତର୍କ ରୁହନ୍ତୁ । କାରଣ ଏହା ଆପଣଙ୍କ ଦୃଷ୍ଟି ଶକ୍ତିକୁ କମାଇ ଆପଣଙ୍କୁ ସବୁଦିନ ପାଇଁ ଅନ୍ଧ କରିପାରେ। AIIMS ଡାକ୍ତରମାନେ ଚେତାବନୀ ଦେଇଛନ୍ତି ଯେ, ଯଦି ଆପଣ ଷ୍ଟେରଏଡ୍ କିମ୍ବା ଷ୍ଟେରଏଡ୍‌ ଥିବା ସ୍କିନ୍‌ କ୍ରିମ୍, ସ୍ପ୍ରେ କିମ୍ବା ଇନହେଲର୍‌ ବ୍ୟବହାର କରୁଛନ୍ତି, ତେବେ ଆପଣଙ୍କ ଆଖି କ୍ଷତିଗ୍ରସ୍ତ ହୋଇପାରେ । ୬ ସପ୍ତାହରୁ ଅଧିକ ସମୟ ଧରି ନିରନ୍ତର ଷ୍ଟେରଏଡ୍ ସେବନ କଲେ ଦୃଷ୍ଟିଶକ୍ତି ହରାଇବାର ଆଶଙ୍କା ହୋଇପାରେ । ତେବେ ଆସନ୍ତୁ ଜାଣିବା ଏହା କାହିଁକି ଏତେ ବିପଦପୂର୍ଣ୍ଣ ଏବଂ AIIMS ଡାକ୍ତରମାନେ ଏହା ବିଷୟରେ କ’ଣ ଚେତାବନୀ ଦେଇଛନ୍ତି । 

ଷ୍ଟେରଏଡ୍‌ ଟାବଲେଟ୍‌, ଇଞ୍ଜେକ୍ସନ୍‌, କ୍ରିମ୍‌ ଏବଂ ଆଖି ଡ୍ରପ୍‌ ଆକାରରେ ବ୍ୟବହାର କରାଯାଏ। କିନ୍ତୁ ଦୀର୍ଘ ସମୟ ଧରି କିମ୍ବା ଡାକ୍ତରଙ୍କ ପରାମର୍ଶ ବିନା ସେଗୁଡ଼ିକୁ ବ୍ୟବହାର କରିବା ଦ୍ୱାରା ଗୁରୁତର ଚକ୍ଷୁ ରୋଗ ହୋଇପାରେ । AIIMS ଡାକ୍ତରମାନେ କହିଛନ୍ତି ଯେ, ଥଣ୍ଡା ପାଇଁ ଇନହେଲର୍‌, ନାକର ଆଲର୍ଜି ପାଇଁ ନାଜାଲ୍ ସ୍ପ୍ରେ କିମ୍ବା ଚର୍ମ ସଂକ୍ରମଣ ପାଇଁ ଦିଆଯାଉଥିବା କ୍ରିମରେ ଷ୍ଟେରଏଡ୍ ରହିଥାଏ । ଏଗୁଡ଼ିକର ଦୀର୍ଘକାଳୀନ ବ୍ୟବହାର ଆଖିର ଅପ୍ଟିକ୍ ସ୍ନାୟୁକୁ କ୍ଷତି ପହଞ୍ଚାଇପାରେ । ଏହି ସ୍ନାୟୁଗୁଡ଼ିକ ଆଖିକୁ ମସ୍ତିସ୍କ ସହିତ ସଂଯୋଗ କରିଥାନ୍ତି । ଯଦି ଏହି ସ୍ନାୟୁ ଗୁଡ଼ିକ କ୍ଷତିଗ୍ରସ୍ତ ହୁଏ, ତେବେ ଆପଣଙ୍କ ଦୃଷ୍ଟିଶକ୍ତି ପୁଣି ଥରେ ଫେରେଇ ଅଣାଯାଇପାରିବନାହିଁ।

AIIMS ଗ୍ଲୁକୋମା ୟୁନିଟ୍‌ର ମୁଖ୍ୟ ପ୍ରଫେସର୍‌ ଡକ୍ଟର ତନୁଜ ଦାଦା କହିଛନ୍ତି ଯେ, ଆଖିରେ ଚାପ ବୃଦ୍ଧି ପାଇବା ଦ୍ଵାରା ଅପ୍ଟିକ୍ ସ୍ନାୟୁ ଉପରେ ନକାରାତ୍ମକ ପ୍ରଭାବ ପଡ଼ିଥାଏ । ଯାହା ଗ୍ଲୁକୋମା ସୃଷ୍ଟି କରିପାରେ। ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି, ଏହି ରୋଗର ଆରମ୍ଭରେ କୌଣସି ଲକ୍ଷଣ ଦେଖାଯାଏ ନାହିଁ। ଯେତେବେଳେ ରୋଗୀର ଗୋଟିଏ ଆଖି ସମ୍ପୂର୍ଣ୍ଣ ଭାବରେ ଦୃଷ୍ଟିଶକ୍ତି ହରାଇଥାଏ, ସେତେବେଳେ ଏହି ରୋଗ ବିଷୟରେ ଜଣା ପଡିଥାଏ ।

ଡାକ୍ତରମାନଙ୍କ ମତ ଅନୁଯାୟୀ, ଅତ୍ୟଧିକ ମାନସିକ ଚାପ ଆଖି ଉପରେ ଚାପ ବୃଦ୍ଧି କରିଥାଏ । ଅଧିକ ଚାପ ଯୋଗୁଁ ଶରୀରରେ କର୍ଟିସୋଲ୍‌ ହରମୋନ୍‌ ବୃଦ୍ଧି ପାଏ। ଏହା ଆଖିର ଚାପ ବୃଦ୍ଧି କରେ, ଯାହା ମୋତିଆବିନ୍ଦୁ ହେବାର ଆଶଙ୍କା ବଢ଼ାଇଥାଏ। ସାଧାରଣତଃ, ଆଖିର ଚାପ ୧୦-୨୧ ଏମ୍‌ଏମ୍‌ ଏଚ୍‌ଜି ଥାଏ, କିନ୍ତୁ ମାନସିକ ଚାପ ଏହାକୁ ଆହୁରି ବଢାଇ ଦେଇଥାଏ । ତେଣୁ ସମସ୍ତେ ଏହି ଔଷଧ ଏବଂ ମାନସିକ ଚାପରୁ ଦୂରେଇ ରହିବା ଉଚିତ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.