ଭଦ୍ରକ, ୨୧/୦୬: ଭଦ୍ରକ ଜିଲ୍ଲା ଶାବରଙ୍ଗ ଥାନା ଅଧୀନ ଚକପୁର ରାସ୍ତାରେ ଜଣେ ମିନି କିଓସ୍କ କରିଥିବା ବ୍ୟକ୍ତିଙ୍କଠାରୁ ବନ୍ଧୁକ ଦେଖାଇ ଲକ୍ଷେ ଟଙ୍କା ଲୁଟିନେଇଛନ୍ତି ଦୁର୍ବୃତ୍ତ । ଚକପୁର ଅଞ୍ଚଳର ଓମପ୍ରକାଶ ସୁତାର ଲୁଟ୍ର ଶିକାର ହୋଇଛନ୍ତି । ଶାବରଙ୍ଗ ବଜାରରେ ସେ କମନ ସର୍ଭିସ ସେଣ୍ଟର କରିଛନ୍ତି ।
ସବୁଦିନ ପରି ଗୁରୁବାର ବିଳମ୍ବିତ ରାତିରେ ସେ ନିଜ ମିନି ବ୍ୟାଙ୍କ୍ ବନ୍ଦ କରି ଘର ଏରଡ଼ାକୁ ଫେରୁଥିଲେ । ୩ଟି ବାଇକ୍ରେ ୬ ଜଣ ଲୁଟେରା ଆସି ଚକପୁର ରାସ୍ତାରେ ତାଙ୍କୁ ଅଟକାଇ ବନ୍ଧୁକ ଦେଖାଇ ଧମକ ଦେବା ସହ ବ୍ୟାଗରେ ଥିବା ଟଙ୍କା ଲୁଟି ନେଇଥିଲେ । ତାଙ୍କ ବ୍ୟାଗ୍ରେ ୭୦ ହଜାର ଟଙ୍କା ଥିବା ଓମ୍ ପ୍ରକାଶ କହିଥିବା ବେଳେ ପୁଣି ଲକ୍ଷେ ଟଙ୍କା ବୋଲି କହୁଛନ୍ତି । ଲାପ୍ଟପ୍ ଏବଂ ବାଇକ୍ ଚାବ ମଧ୍ୟ ଦୁର୍ବୃତ୍ତ ନେଇଯାଇଥିଲେ।
ଏହି ସମୟରେ ଘଟଣାସ୍ଥଳରେ ଉପସ୍ଥିତ ଥିବା କିଛି ସ୍ଥାନୀୟ ଲୋକେ ଲୁଟେରାଙ୍କୁ କାବୁ କରି ନିସ୍ତୁକ ମାଡ ମାରିଥିଲେ । ଶେଷରେ ଲୁଟେରାମାନେ ରଖିଥିବା ବନ୍ଧୁକରୁ ଦୁଇ ରାଉଣ୍ଡ ଫାଙ୍କା ଗୁଳିଚାଳନା କରି ଘଟଣାସ୍ଥଳରେ ଚମ୍ପଟ ମାରିଥିଲେ । ସେପଟେ ଶାବରଙ୍ଗ ଥାନା ପୋଲିସ ଏବଂ ଭଦ୍ରକ ଏସ୍ଡିପିଓ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଜାରି ରଖିଛନ୍ତି ।