ନୂଆଦିଲ୍ଲୀ,୦୭/୦୭: ସମସ୍ତେ ଜାଣିଛେ ଭାରତ ଦୁନିଆର ସବୁଠୁ ବଡ଼ ଆମଦାନୀ ଦେଶ । ଏହା ସହିତ ବଡ଼ ରପ୍ତାନୀ ଦେଶ ହେବା ରାସ୍ତାରେ ଆଗକୁ ବଢୁଛି । ଯାହାର ରାସ୍ତା ସମୁଦ୍ର ଦେଇ ଗତି କରିବ । କୌଣସି ଦେଶକୁ ବଡ଼ ଏକ୍ସପୋର୍ଟ ଓ ଇନ୍‌ପୋର୍ଟ ହେବାକୁ ହେଲେ ପ୍ରଥମେ ସମୁଦ୍ରର ରାଜା ହେବାକୁ ପଡ଼ିବ । ଏନେଇ ଅଧିକରୁ ଅଧିକ ଜାହାଜ ଦରକାର । ଯାହାର ପ୍ରସ୍ତୁତି ଆରମ୍ଭ କରିଛନ୍ତି ଭାରତ ସରକାର । ଏବେ ଭାରତ  ଘରୋଇ ଜାହାଜ ସଂଖ୍ୟା ବଢାଇବାକୁ ନୂଆ ଯୋଜନା ଉପରେ କାମ କରୁଛି । ୨୦୦ ନୂଆ ଜାହାଜ କିଣିବାକୁ ପ୍ଲାନ୍ କରୁଛି । ଏଥିରେ ପ୍ରାୟ ୧. ୩୦ ଲକ୍ଷ କୋଟି ଟଙ୍କା ଖର୍ଚ୍ଚ ହେବା ଅନୁମାନ କରାଯାଉଛି ।

ଭାରତୀୟ ଜାହାଜ ବାଣିଜ୍ୟିକ ବାହିନୀର ଲାଇନଅପ୍‌କୁ  ସୁଦୃଢ଼ କରିବା ପାଇଁ କେନ୍ଦ୍ର ନୂଆ ପ୍ରୟାସ କରୁଛି ।  କାରଣ ଏପରି ଜାହାଜକୁ ପ୍ରୋତ୍ସାହିତ କରିବା ପାଇଁ ବର୍ତ୍ତମାନର ୧୬୨୪ କୋଟି  ଟଙ୍କା ଖର୍ଚ୍ଚ କରିବାକୁ ଯୋଜନା ହେଉଛି । ଆଗକୁ ସରକାର ଆହୁରି ୨୦୦ ଜାହାଜ କିଣିବାକୁ ଯୋଜନା କରୁଛନ୍ତି । ବିଶେଷ କରି ଏହି ଡିମାଣ୍ଡ ପେଟ୍ରୋଲିୟମ, ଷ୍ଟିଲ ଓ  ମନ୍ତ୍ରଣାଳୟ ପକ୍ଷରୁ ହେଉଛି ।

ବର୍ତ୍ତମାନର ଯୋଜନା କାହିଁକି ବିଫଳ ହେଲା?

ଜଣେ ବରିଷ୍ଠ ଅଧିକାରୀ ଗଣମାଧ୍ୟମ ରିପୋର୍ଟରେ କହିଛନ୍ତି, ଯେ ଏହି ଯୋଜନାର ସମୀକ୍ଷା କରାଯିବାର ଆବଶ୍ୟକତା ରହିଛି । କିନ୍ତୁ ଏପର୍ଯ୍ୟନ୍ତ କେବଳ ୩୩୦ କୋଟି ଟଙ୍କା ବଣ୍ଟନ କରାଯାଇଛି ଏବଂ ଭାରତୀୟ ଜାହାଜର ଅଂଶ ଏକକ ସଂଖ୍ୟାରେ ରହିଛି । ଏହି ଯୋଜନା FY22 ବଜେଟରେ ଘୋଷଣା କରାଯାଇଥିଲା । ଏବଂ ଜୁଲାଇ ୨୦୨୧ରେ କେନ୍ଦ୍ର କ୍ୟାବିନେଟ୍  ଅନୁମୋଦନ କରିଥିଲା ।

FY26 ସୁଦ୍ଧା ପାଣ୍ଠି ବଣ୍ଟନ କରାଯିବାର ଥିଲା, ଯାହା କେନ୍ଦ୍ର ଏବଂ ଏହାର ଶାଖାଗୁଡ଼ିକ ଦ୍ୱାରା ଜାରି କରାଯାଇଥିବା ବିଶ୍ୱସ୍ତରୀୟ ଟେଣ୍ଡରରେ ଅଂଶଗ୍ରହଣ କରୁଥିବା ଭାରତୀୟ ଜାହାଜ କମ୍ପାନୀଗୁଡ଼ିକୁ ୧୫ ପ୍ରତିଶତ ପର୍ଯ୍ୟନ୍ତ ସବସିଡି ପ୍ରଦାନ କରିବ। ଅଶୋଧିତ ତୈଲ, ତରଳ ପେଟ୍ରୋଲିୟମ୍ ଗ୍ୟାସ୍ (LPG), କୋଇଲା ଏବଂ ସାର ଭଳି ସାମଗ୍ରୀ ଆମଦାନୀ ପାଇଁ ରିହାତି ଦିଆଯାଇଥିଲା । ଦେଶର ରପ୍ତାନି ଆମଦାନୀ ବାଣିଜ୍ୟରେ ଭାରତୀୟ ଜାହାଜର ଅଂଶ ୧୯୮୭-୮୮ରେ ୪୦.୭ ପ୍ରତିଶତରୁ ୧୯୧୯ରେ ପ୍ରାୟ ୭.୮ ପ୍ରତିଶତକୁ ହ୍ରାସ ପାଇଛି । 

କ’ଣ ଚ୍ୟାଲେଞ୍ଜ ଅଛି?

ସରକାରୀ ସୁତ୍ର ଅନୁଯାୟୀ, ଭାରତୀୟ ଜାହାଜଗୁଡ଼ିକ ମୁଖ୍ୟତଃ ଭାରତୀୟ ନାବିକମାନଙ୍କୁ ନିଯୁକ୍ତି ଦିଅନ୍ତି ଏବଂ ଘରୋଇ କର ଏବଂ କର୍ପୋରେଟ୍ ଆଇନ ପାଳନ କରନ୍ତି । ଯାହା ପରିଚାଳନା ଖର୍ଚ୍ଚକୁ ୨୦ ପ୍ରତିଶତ ବୃଦ୍ଧି କରିବ।  ପରିଚାଳନା ଖର୍ଚ୍ଚ ବୃଦ୍ଧିର ମୁଖ୍ୟ କାରଣ ହେଉଛି ଋଣ ପାଣ୍ଠିର ଉଚ୍ଚ ମୂଲ୍ୟ, କମ୍ ଋଣ ଅବଧି ଏବଂ ଭାରତୀୟ ଜାହାଜରେ କାମ କରୁଥିବା ଭାରତୀୟ ନାବିକଙ୍କ ଦରମା ଉପରେ ଟ୍ୟାକ୍ସ ।

ଜାହାଜ ଆମଦାନୀ କରୁଥିବା ଭାରତୀୟ କମ୍ପାନୀଗୁଡ଼ିକ ଉପରେ ଏକ ସମନ୍ୱିତ GST, GST ଟିକସ କ୍ରେଡିଟ୍ ଡିଡକ୍ଟ , ଦୁଇଟି ଭାରତୀୟ ବନ୍ଦର ମଧ୍ୟରେ ସେବା ପ୍ରଦାନ କରୁଥିବା ଭାରତୀୟ ଜାହାଜ ଉପରେ ପକ୍ଷପାତମୂଳକ GST ମଧ୍ୟ ଅଛି । ଏସବୁ ସମାନ ସେବା ପ୍ରଦାନ କରୁଥିବା ବିଦେଶୀ ଜାହାଜ ଉପରେ ପ୍ରଯୁଜ୍ୟ ନୁହେଁ। ଘରୋଇ ଶିଳ୍ପ ଏହି ଶୁଳ୍କ ଏବଂ ଟିକସ ହ୍ରାସ କରିବା ପାଇଁ ଲବି କରୁଛି ।

ଭାରତୀୟ ଜାତୀୟ ଜାହାଜ ମାଲିକ ସଂଘର ସିଇଓ ଅନିଲ ଦେବଲି କହିଛନ୍ତି,''ଭାରତୀୟ ଜାହାଜ ଉପରେ ଶୁଳ୍କ ଏବଂ ଟିକସର ଏହି ବୋଝକୁ ହ୍ରାସ କରିବା ପାଇଁ କିଛି କରାଯାଇନାହିଁ, ଯାହା ସେମାନଙ୍କର ପ୍ରତିଯୋଗିତାମୂଳକତାକୁ ପ୍ରଭାବିତ କରିବ ।''