ନୂଆଦିଲ୍ଲୀ: ସୁନା ମୂଲ୍ୟ ବେଳକୁ ବେଳ ଏବେ ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି, କିନ୍ତୁ ଏହା ସତ୍ତ୍ୱେ ବି, ଭାରତରେ ସୁନା ବ୍ୟବହାର ବୃଦ୍ଧି ପାଉଛି । ଭାରତରେ ବାର୍ଷିକ ସୁନା ବ୍ୟବହାର ୮ଶହ ଟନରେ ପହଞ୍ଚିଛି, ଯାହା ଚୀନରେ ବ୍ୟବହାରର ଦୁଇଗୁଣ ବୋଲି ଜଣାପଡିଛି । ଭାରତ ଏବଂ ଚୀନରେ ସୁନା ବ୍ୟବହାର ବିପରୀତ ଦିଗରେ ଗତି କରୁଥିବା ପରି ମନେ ହେଉଛି। ୨୦୧୩ ତୁଳନାରେ,ଚୀନରେ ସୁନା ବ୍ୟବହାର ୪୯ ପ୍ରତିଶତ ହ୍ରାସ ପାଇଛି। ସୁନାର ଉଚ୍ଚ ମୂଲ୍ୟ ଯୋଗୁଁ ଚୀନରେ ସୁନା ବ୍ୟବହାର ହ୍ରାସ ପାଇଛି। ଏହା ବ୍ୟତୀତ, ମନ୍ଥର ଅର୍ଥନୀତି ଯୋଗୁଁ ଚୀନରେ ସୁନା ବ୍ୟବହାର ମଧ୍ୟ ହ୍ରାସ ପାଇଛି।
ଓ୍ବାର୍ଲଡ ଗୋଲ୍ଡ କାଉନସିଲ୍ (ଚୀନ୍) ର ଗବେଷଣା ମୁଖ୍ୟ ରେ ଜିଆ କହିଛନ୍ତି ଯେ, ଭାରତର ପଡ଼ୋଶୀ ଦେଶରେ ସୁନାର ଚାହିଦା ହ୍ରାସ ପାଇଛି, କିନ୍ତୁ ମୂଲ୍ୟ ଦୃଷ୍ଟିରୁ, ଅଳଙ୍କାର ବ୍ୟବହାରରେ ବୃଦ୍ଧି ଘଟିଛି ।୨୦୦୧ ରୁ ୨୦୧୩ ମଧ୍ୟରେ ଚୀନରେ ସୁନା ବ୍ୟବହାରରେ ୩୬୨ ପ୍ରତିଶତ ବୃଦ୍ଧି ଦେଖାଯାଇଛି। କିନ୍ତୁ ଯଦି ପରିମାଣ ଅର୍ଥାତ୍ ଓଜନ ଦୃଷ୍ଟିରୁ ଦେଖାଯାଏ, ତେବେ ୨୦୧୩ ମସିହାରୁ ଚୀନରେ ସୁନା ବ୍ୟବହାର ନିରନ୍ତର ହ୍ରାସ ପାଉଛି । ୨୦୧୩ ମସିହାରେ ଚୀନରେ ସୁନା ବ୍ୟବହାର ୯୩୯ ଟନ୍ ଥିଲା,ଯାହା ୨୦୨୪ ମସିହାରେ ମାତ୍ର ୪୭୯ ଟନରେ ସିମିତ ରହିଥିଲା।
ଅନ୍ୟପକ୍ଷରେ, ଭାରତରେ ଗତ ବର୍ଷ ସୁନା ଚାହିଦା ୮୦୦ ଟନ୍ ଅତିକ୍ରମ କରିଥିଲା। ବିଶେଷ କଥା ହେଉଛି ଯେ ଭାରତରେ ମୂଲ୍ୟ ବୃଦ୍ଧି ସତ୍ତ୍ୱେ, ସୁନାର ଚାହିଦା ବୃଦ୍ଧି ପାଉଥିବା ବେଳେ ଚୀନରେ ସୁନା ବ୍ୟବହାର ହ୍ରାସ ପାଉଛି। ୨୦୨୪ ମସିହାରେ, ଭାରତରେ ସୁନା ବ୍ୟବହାର ଅର୍ଥାତ୍ ଚାହିଦା ୮୦୦ ଟନ୍ ଅତିକ୍ରମ କରିଥିଲା। ଓ୍ବାର୍ଲଡ ଗୋଲ୍ଡ କାଉନସିଲ୍ ଅନୁଯାୟୀ,୨୦୨୫ ମସିହାର ପ୍ରଥମ ତ୍ରୈମାସିକରେ ଚୀନର ଗ୍ରାହକ ମାନେ ପ୍ରାୟ ୧ ଲକ୍ଷ କୋଟି ଟଙ୍କାର ସୁନା ଅଳଙ୍କାର କିଣିଥିଲେ। ଏହା ପୂର୍ବ ତ୍ରୈମାସିକ ତୁଳନାରେ ୨୯% ଅଧିକ, କିନ୍ତୁ ୨୦୨୪ ମସିହାର ପ୍ରଥମ ତ୍ରୈମାସିକ ତୁଳନାରେ କମ୍ ।
