ଗୁଣପୁର, ୨୪/୦୯: ଗୁଣପୁର ପୋଲିସକୁ ବଡ ସଫଳତା। ଗଞ୍ଜେଇ ଚୋରା ଚାଲାଣ ବେଳେ ଜବତ କଲା ପୋଲିସ। ୫୦ ଲକ୍ଷରୁ ଅଧିକ ଟଙ୍କାର ଗଞ୍ଜେଇ ଜବତ। ଘଟଣାରେ ଜଣେ ନାବାଳକ ସହ ଦୁଇଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।

ସୂଚନା ଅନୁଯାୟୀ, ସ୍ଥାନୀୟ ଅଞ୍ଚଳରୁ ଏକ ପିକପ୍ ଗାଡି ଯୋଗେ ବାହାରକୁ ଗଞ୍ଜେଇ ଚୋରା ଚାଲାଣ ବେଳେ ଗୁଣପୁର ପୋଲିସ ସହରର ଖର୍ଲିଙ୍ଗ୍ ନିକଟରୁ ଏହି ଗଞ୍ଜେଇକୁ ଜବତ କରିଛି। ଏହି ଘଟଣାରେ ଜଣେ ନାବାଳକ ସହ ଦୁଇଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଏନେଇ ସ୍ଥାନୀୟ ଏସଡିପିଓ ବାବୁଲି ନାୟକ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେବାସହ ଜବତ ଗଞ୍ଜେଇର ମୁଲ୍ଯ ପ୍ରାୟ ୫୦ ଲକ୍ଷରୁ ଅଧିକ ହେବ ବୋଲି କହିଛନ୍ତି। 

OD 18k 0243 ନମ୍ବର ମହିନ୍ଦ୍ରା ମ୍ୟାକ୍ସ ପିକପ୍ ଗାଡିରେ ଗଞ୍ଜେଇ ଚାଲାଣ ହେଉଥିବା ଖବର ପାଇ ପୋଲିସ ଚଢାଉ କରିଥିଲା। ଚଢାଉ ବେଳେ ଉକ୍ତ ଗାଡ଼ିରୁ ୫୨୭ କିଲୋଗ୍ରାମ ଗଞ୍ଜେଇ ଓ ୧୫୦ ଟଙ୍କା ସହ ଦୁଇଟି ମୋବାଇଲ୍ ଫୋନ ପୋଲିସ୍ ଜବତ କରିଛି। ଏସପିଙ୍କ ନିର୍ଦ୍ଦେଶକ୍ରମେ ଗୁଣପୁରରେ ଏମଭି ଚେକିଂ ଓ ମୋବାଇଲ ପେଟ୍ରୋଲିଙ୍ଗ ଜୋରସୋର ଚାଲିଥିବା ବେଳେ ଗୁଣୁପୁର ଥାନା ଅନ୍ତର୍ଗତ ଖର୍ଲିଂ ଗ୍ରାମର ଆରଏମସି ଗେଟ ଦେଇ ମୁଖ୍ୟ ରାସ୍ତାରେ ଯାଉଥିବା ଗଞ୍ଜେଇ ଚାଲାଣ ଗାଡି ଉପରେ ପୋଲିସ୍ ଚଢାଉ କରି ଏହି ସଫଳତା ପାଇଛି । ଗୁଣୁପୁର ଠାରୁ ଆନ୍ଧ୍ର ପ୍ରଦେଶ ଅଭିମୁଖେ ଗଞ୍ଜେଇ ଚୋରାଚାଲାଣ ହେଉଥିଲା ବୋଲି ପୋଲିସ କହିଛି । ଗିରଫ ଦୁଇ ଅଭିଯୁକ୍ତ ହେଲେ ଗଜପତି ଜଲ୍ଲା ଅଡବା ଥାନା ଅନ୍ତର୍ଗତ ଶୁଣ୍ଢିପଦାର ଜିତୁ ନାୟକ ଏବଂ ଜଣେ ନାବାଳକ। ଏହି ଦୁଇ ଅଭିଯୁକ୍ତଙ୍କୁ ଆଜି କୋର୍ଟ ଚାଲାଣ କରାଯାଇଥିବା ଆଦର୍ଶ ଥାନା ଏସ୍ଡ଼ିପିଓ ଶ୍ରୀ ନାୟକ ସୂଚନା ଦେଇଛନ୍ତି। ଆଜିର ଏହି ସାମ୍ବାଦିକ ସମ୍ମିଳନୀ ରେ ସ୍ଥାନିୟ ଆଇଆଇସି ଉତ୍ତମ କୁମାର ସାହୁ ଓ ଏସଆଇ ଅଶୋକ ପାଢ଼ୀ ଉପସ୍ଥିତ ଥିଲେ l