ନୂଆଦିଲ୍ଲୀ,୧୨/୮ : କ୍ରିଷ୍ଟିୟାନୋ ରୋନାଲ୍ଡୋଙ୍କୁ କିଏ ବା ନ ଜାଣେ । ବିଶ୍ବର ସବୁଠାରୁ ଧନୀ ଫୁଟବଲ୍ ଖେଳାଳୀଙ୍କ ମଧ୍ୟରୁ ଜଣେ । ରୋନାଲ୍ଡୋ ଏବେ ସାଉଦୀର ଅଲ- ନସର ଟିମ୍ ଲାଗି ଖେଳୁଛନ୍ତି । ରୋନାଲ୍ଡୋଙ୍କ କାର୍ର ବହୁ ସଉକ୍ ରହିଛି । ତାଙ୍କ ପାଖରେ ବିଶ୍ବର ସବୁଠାରୁ ମହଙ୍ଗା କାରର କଲେକ୍ସନ ରହିଛି ।
ସୂଚନା ମୁତାବକ ରୋନାଲ୍ଡୋ ୨୭୫ମିଲିୟନ ଡଲାର ଯାହା ଭାରତୀୟ ଟଙ୍କାରେ ପ୍ରାୟ ୨୪୦୦କୋଟି ଟଙ୍କା ଅଟେ । ରୋନାଲ୍ଡୋ ଏହି ଟଙ୍କା ବର୍ଷରେ କେବଳ ଅଲ- ନସର ଲାଗି ଖେଳି ଆୟ କରିଥାନ୍ତି । ରୋନାଲ୍ଡୋ ପ୍ରାୟ ପ୍ରତି ମାସ ୨୦୦କୋଟି ଟଙ୍କାର ଦରମା ପାଇଥାନ୍ତି ।
ସୂଚନା ଅନୁସାରେ, ରୋନାଲ୍ଡୋଙ୍କ ପାଖରେ ବୁଗାଟୀ ସେଣ୍ଟୋଡିସି କାର୍ ରହିଛି । ଯାହା ବିଶ୍ବରେ କେବଳ ୧୦ଟି ନିର୍ମାଣ ହୋଇଛି । ଏହାପରେ ତାଙ୍କ ପାଖରେ ବୁଗାଟୀ ଚିରୋନ ଅଛି । ଯାହା ବିଶ୍ବର ସବୁଠାରୁ ଦ୍ରୁତ କାରରୁ ଗୋଟିଏ ବୋଲି କୁହାଯାଇଥାଏ । ଏହା ବ୍ୟତୀତ ରୋନାଲ୍ଡୋଙ୍କ ନିକଟରେ ମ୍ୟାକ୍ଲାରୋନ ସେନ୍ନା ରହିଛି । ରୋନାଲ୍ଡୋଙ୍କ ନିକଟରେ ରୋଲ୍ସ ରୟସ କଲିନନ ଅଛି । ସେହିଭଳି ତାଙ୍କ ନିକଟରେ ବୁଗାଟୀ ବିରୋନ ରହିଛି । ଯାହା ବିଶ୍ବରେ କେବଳ ୪୫୦ଟି ରହିଛି । ରୋନାଲ୍ଡୋଙ୍କ ନିକଟରେ ଲ୍ୟାଂବୋର୍ଗିନି ଏଭେଟାଡୋର ବି ରହିଛି ।
ରୋନାଲ୍ଡୋଙ୍କ ନିକଟରେ ବିଏମଡବ୍ଲ୍ୟୁ ଏକ୍ସଏମ ରେଡ ଲେବୁଲ କାର୍ ବି ରହିଛି । ରୋନାଲ୍ଡୋ ଅଲ- ନସରର ଦରମା ବ୍ୟତୀତ ବ୍ରାଣ୍ଡ ଏବଂ ନିଜ ବ୍ୟବସାୟରୁ ବି କୋଟି କୋଟି ଟଙ୍କା କଲେକ୍ସନ କରିଥାନ୍ତି । ଗଣମାଧ୍ୟମ ରିପୋର୍ଟ୍ସ ଅନୁସାରେ ରୋନାଲ୍ଡୋଙ୍କ ମୋଟ୍ ନେଟଓ୍ବର୍ଥ ୧ବିଲିୟନ ଡଲାରରୁ ବି ଅଧିକ ଅଟେ । ଯାହା କି ଭାରତୀୟ ଟଙ୍କାରେ ୮୦୦୦କୋଟି ଟଙ୍କାରୁ ବି ଅଧିକ ରହିଛି ।
