ଭୋଗରାଇ,୩୦/୦୮: ସୁବର୍ଣ୍ଣରେଖାରେ ଷଷ୍ଠ ଥର ବନ୍ୟା ହୋଇଛି । ଯାହା ଫଳରେ ରାସ୍ତାଘାଟ ଉବୁଟୁବୁ ହୋଇଛି । ତଳିଆ ଅଞ୍ଚଳ ଜଳାର୍ଣ୍ଣବ ହୋଇଛି । ବାଲେଶ୍ବର ଜିଲ୍ଲାରେ ସୁବର୍ଣ୍ଣରେଖା କରାଳ ରୂପ ନେଇ ସବୁ ଛାର ଖାର କରିଦେଇଛି ।
ସୁବର୍ଣ୍ଣରେଖା ନଦୀର ଜଳ ସ୍ତର କମିଛି । ହେଲେ ଚାଷୀଙ୍କ ମେରୁ ଦଣ୍ଡ ଭାଙ୍ଗି ଦେଇଛି ବନ୍ୟା । ହଠାତ ପାଣି ମାଡି ଆସିବାରୁ ଭୋଗରାଇ ବ୍ଲକର ୧୨ଟି ପଞ୍ଚାୟତର ୬୦ଟି ଗାଁ ଏବେ ପାଣି ଘେରରେ ରହିଛି । କୁସୁଡା, ଗବଗା, କୁମ୍ଭୀରଗଡ଼ି, କାଚୁଆଡ଼ି, ନାଚିନ୍ଦା, ପୁଟିଣା ,ଦାରୁହା , ଆରୁହାବର୍ତି ପଞ୍ଚାୟତ ଏବେ ମଧ୍ୟ ପାଣି ଜମି ରହିଛି । ୭ ଦିନ ହେଲାଣି ଧାନ ଗଛ ଉପରେ ପାଣି ରହି ଥିବାରୁ ଗଛ ସବୁ ପଚିଗଲାଣି । ପାଣି ଛାଡିବାକୁ ଆହୁରି ୪ ଦିନ ସମୟ ଲାଗିବ ବୋଲି ଚାଷୀମାନେ କହୁଛନ୍ତି ।
