ନୀଳଗିରି,୨୭/୯: ବାଲେଶ୍ଵର ଜିଲ୍ଲା ନୀଳଗିରି କୁଳଡିହା ଅଭୟାରଣ୍ୟରେ ଶିକାର କରିବା ଅଭିଯୋଗରେ ଦୁଇ ଶିକାରୀ ଗିରଫ । ସେମାନଙ୍କ ଠାରୁ ବନ୍ଧୁକ ଓ ମାରଣାସ୍ତ୍ର ଜବତ ହୋଇଛି । ଗିରଫ ଶିକାରୀ ହେଲେ ଔପଦା ବ୍ଲକ ପିଣ୍ଡାବସା ଗ୍ରାମର ଦାମ ସମାଦ ଓ ସୁଦର୍ଶନ ବିଶ୍ୱାଳ। ବନ ବିଭାଗ ଏକ ମାମଲା ରୁଜୁ ହୋଇ ଦୁଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ।
ତେବେ ଗତ ଅଗଷ୍ଟ ମାସ ୯ ତାରିଖରେ ଝରଣାଘାଟି ସେକ୍ସନ କଙ୍କଡାବଳିଆ ଅଞ୍ଚଳରେ ଶିକାର କରିବା ବେଳେ ଟ୍ରାପ କ୍ୟାମେରାରେ କିଛି ଶିକାରୀଙ୍କ ଫଟୋ କଏଦ ହୋଇଥିଲା। ପରେ କୁଳଡିହା ବନବିଭାଗ ତଦନ୍ତ କରି ଶିକାରୀଙ୍କୁ ଚିହ୍ନଟ କରିଥିଲେ। ଗତକାଲି ଅତର୍କିତ ଚଢ଼ାଉ କରି ଗୋଳାଭର୍ତ୍ତି ବନ୍ଧୁକ,ଫାଶ ଓ ମାରଣାସ୍ତ୍ର ସମେତ ହରିଣ ସିଙ୍ଗ ଜବତ କରି ଦୁଇଜଣ ଶିକାରୀଙ୍କୁ ଗିରଫ କରିି କୋର୍ଟ ଚଲାଣ କରିଛି ।
