ବାଲେଶ୍ୱର, ୨୪/୦୮: ଲଘୁଚାପ ବର୍ଷା ଯୋଗୁଁ ବଢୁଛି ସୁବର୍ଣ୍ଣରେଖା ନଦୀର ଜଳସ୍ତର । ଦ୍ୱିପ୍ରହର ସୁଦ୍ଧା ଜଳସ୍ତର ୧୧.୪୦ ମିଟର ପହଞ୍ଚିବାର ସମ୍ଭାବନା ରହିଛି । ଏହାକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ସତର୍କ ରହିଛି । ଜିଲ୍ଲାପାଳ ସୂର୍ଯ୍ୟବଂଶୀ ମୟୂର ବିକାଶ ଜିଲ୍ଲାର ତହସିଲଦାର, ବିଡିଓଙ୍କ ସମେତ ବିଭିନ୍ନ ବିଭାଗୀୟ ଅଧିକାରୀଙ୍କ ସହିତ ତତ୍କାଳୀନ VC କରି ସମୀକ୍ଷା କରିଛନ୍ତି । ବର୍ତ୍ତମାନ ୩ଟି SRC ବୋଟ୍ ଅଧିକ କ୍ଷତିଗ୍ରସ୍ତ ସଂଭାବନା ଥିବା ଜାଗାରେ ନିୟୋଜିତ ଅଛି । ଦୁଇଟି ଓଡ୍ରାଫ ଦଳ ମୁଖ୍ୟାଳୟରେ ପ୍ରସ୍ତୁତ ରହିଛି । ଆଉ ୨ଟି ଟିମ୍ ପାଇଁ ଆବେଦନ ହୋଇଛି।

ଜିଲ୍ଲାପାଳ ଶୁଖିଲା ଖାଦ୍ୟ ସାମଗ୍ରୀ ଓ ଅନ୍ୟାନ୍ୟ ଆବଶ୍ୟକ ସାମଗ୍ରୀ ଷ୍ଟକ୍ ଅବସ୍ଥା ଯାଞ୍ଚ କରିଛନ୍ତି । CDVOଙ୍କୁ ସଚେତନ କରାଯାଇଛି । ନିକଟରେ ଯେଉଁ ରାସ୍ତା କିମ୍ବା ବନ୍ଧ ପାଣି ସାମାନ୍ୟ ଧୋଇହୋଇଛି, ତାକୁ ତୁରନ୍ତ ବାଲି ବନ୍ଧ ଦିଆଯିବାକୁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦିଆଯାଇଛି। ଏହା ସହିତ ପ୍ରଖର ସ୍ରୋତ ଥିବା ଖୋଲା ରାସ୍ତାରେ ବାରିକ୍ୟାଡ୍ କରିବା ପାଇଁ ନିର୍ଦ୍ଦେଶ ରହିଛି।