ନୂଆଦିଲ୍ଲୀ,୦୩/୦୬: ମଝି ଆକାଶରେ ଗନ୍ତବ୍ୟସ୍ଥଳକୁ ବଢୁଥିଲା ବିମାନ । ପ୍ରାୟ ୩୪ ହଜାର ଫୁଟ୍ ଉଚ୍ଚରେ ବିମାନ ଉଡ଼ୁଥିଲା । ଏହି ସମୟରେ କିଛି ଏମିତି ହୋଇଥିଲା ଯାହାକୁ ଦେଖି ସବୁ ଯାତ୍ରୀଙ୍କର ହୋସ୍ ଉଡିଯାଇଥିଲା । ଫ୍ଲାଇଟରେ ଖାଇବା ପରସିବା ସମୟ ହେଉଥିଲା । ଅଚାନକ୍ ଗାଏବ ହୋଇଯାଇଥିଲେ ଫ୍ଲାଇଟ୍ ଆଟେଣ୍ଡାଣ୍ଟ । ତାଙ୍କୁ ଖୋଜା ପଡ଼ିଥିଲା । ଆଉ ତା ପରେ ଯାହା ହେଲା ସମସ୍ତେ ତାଜୁବ । ବିମାନ ଶୌଚାଳୟରେ ସେ ଉଲ୍ଲଗ୍ନ ହୋଇ ନାଚୁଥିବାର ଦେଖିବାକୁ ମିଳିଥିଲା ।
ବ୍ରିଟିଶ୍ ଏୟାରସ୍ପେସ୍ର ଏକ ବିମାନରେ ଏପରି ଅଜବ ଗଜବ ଘଟଣା ଦେଖିବାକୁ ମିଳିଛି । ଫ୍ଲାଇଟ୍ର ଜଣେ କ୍ରିଉ ମେମ୍ବର ବିଜନେସ କ୍ଲାସ ଶୌଚାଳୟରେ ଉଲ୍ଲଗ୍ନ ହୋଇ ନାଚୁଥିବାର ଦେଖିବାକୁ ମିଳିଥିଲା ଅନ୍ୟ ସଦସ୍ୟ । ତାଙ୍କର ଏପରି କାର୍ଯ୍ୟ ପଛରେ ସେ ନିଶାସକ୍ତ ଥିବା ସନ୍ଦେହ କରାଯାଉଥିଲା । ଯାତ୍ରୀଙ୍କୁ ଖାଇବା ପରସିବା ପରିବର୍ତ୍ତେ ସେ ଗାଏବ ଥିଲେ । ଆଉ ଶୌଚାଳୟରେ କିଛି ଏପରି ଅବସ୍ଥାରେ ତାଙ୍କୁ ଦେଖିବାକୁ ମିଳିଥିଲା । ବିନା ପୋଷାକରେ ଥାଇ ସେ ନାଚୁଥିଲେ ।
ନ୍ୟୁଜ ଏଜେନ୍ସିଂ 'ଦ ସନ୍' ରିପୋର୍ଟ ଅନୁସାରେ, ଯେତେବେଳେ ଫ୍ଲାଇଟ୍ରେ ଖାଇବା ପରସିବାର ସମୟ ହେଲା ସେବେ ଆଟେଣ୍ଡାଣ୍ଟ ଖୋଜା ପଡିଥିଲେ । ତାଙ୍କୁ ଅନ୍ୟ ସଦସ୍ୟ ଖୋଜା ଖୋଜି ଆରମ୍ଭ କରିଥିଲା । ପରବର୍ତ୍ତୀ ସମୟରେ ଜଣାପଡିଥିଲା କି ସେ ବିଜନେସ କ୍ଲାସ ଶେୌଚାଳୟରେ ଉଲ୍ଲଗ୍ନ ହୋଇ ନାଚୁଥିଲେ । ଏହା ଦେଖି ଅନ୍ୟ କ୍ରୁ ସଦସ୍ୟ ତାଙ୍କୁ କାବୁ କରିଥିଲେ । କାରଣ ସେ ବିନା ପୋଷାକରେ ଥିଲେ ଯାହା ଅଶୋଭନୀୟ । ତାଙ୍କୁ ପୋଷାକ ଦିଆଯାଇଥିଲା । ପ୍ରାୟ ୧୧ ଘଣ୍ଟା ଫ୍ଲାଇଟ୍ ଯାତ୍ରାରେ ଏକ ସିଟ୍ରେ ତାଙ୍କୁ ବାନ୍ଧି ଦିଆଯାଇଥିଲା । ବିମାନ ଅବତରଣ କରିବା ପରେ ପୋଲିସ ଓ ଏକ ମେଡିକାଲ ଟିମ୍ ଉକ୍ତ କ୍ରିଉ ସଦସ୍ୟଙ୍କ ଚେକ୍ଅପ କରିଥିଲେ । ଏ୩୮୦ ବିମାନରେ ପ୍ରାୟ ୪୭୦ ଯାତ୍ରୀ ଥିଲେ ।
