ଆଠଗଡ଼,୧୯/୦୧: ଆଠଗଡ଼ ବ୍ଲକ ଖୁଣ୍ଟୁଣୀ ଥାନା ଅନ୍ତର୍ଗତ ଡ଼ାଳୁଆ ଗାଁ ପାଖ ବଣିଆବନ୍ଧ ସଂରକ୍ଷିତ ଜଙ୍ଗଲରେ ଅବକାରୀ ବିଭାଗର ଚଢ଼ାଉ । ଚଢଉ କରି ୮୪୦ ଲିଟର ଚୋରା ଦେଶୀ ମଦ ସହ ୬୫୮୦ ଲିଟର ଗୁଡ ପୋଚ ଜବତ କରି ଘଟଣା ସ୍ଥଳରେ ନଷ୍ଟ କରଯାଇଛି । ଘଟଣାରେ କାହାକୁ ଗିରଫ କରିବାରେ ସଫଳ ହୋଇପାରିନାହିଁ ଅବକାରୀ ବିଭାଗ । କଟକ ଜିଲ୍ଲା ଆଠଗଡ଼ ଅଞ୍ଚଳରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, କଟକ ଜିଲ୍ଲା ଅବକାରୀ ଅଧିକ୍ଷକ କରୁଣା ଶଙ୍କର ତିଓ୍ୱାରୀଙ୍କ ନିର୍ଦ୍ଦେଶକ୍ରମେ ଡାଳୁଆ ସଂରକ୍ଷିତ ଜଙ୍ଗଲରେ ଚଢାଉ ହୋଇଥିଲା । ଏହି ଚଢାଉରେ କଟକ ଜିଲ୍ଲା ଅବକାରୀ ମୋବାଇଲ୍ ଟିମ୍, ଆଠଗଡ଼ ଅବକାରୀ ବିଭାଗ ଟିମ୍ ସାମିଲ ଥିଲେ । ତେବେ ଚଢାଉରେ ଉଭୟଙ୍କୁ ୮୪୦ ଲିଟର ଚୋରା ଦେଶୀ ମଦ ସହ ୬୫୮୦ ଲିଟର ଗୁଡ ପୋଚ ମିଳିଥିଲ। ଯାହାକୁ ପରବର୍ତ୍ତୀ ସମୟରେ ନଷ୍ଟ କରାଯାଇଛି । ତେବେ ଏହି ଘଟଣାରେ କାହାକୁ ଗିରଫ କରିବାରେ ସଫଳ ହୋଇପାରିନାହିଁ ଅବକାରୀ ବିଭାଗ । ଘଟଣାରେ ୩ ଗୋଟି ମାମଲା ରୁଜୁ କରି ଛାନ୍ଭିନ୍ ଜାରି ରଖିଛି ଅବକାରୀ ବିଭାଗ । ତେବେ ଏହି ଅଞ୍ଚଳରେ ବାରମ୍ବାର ଚଢାଉ ହେଉଥିବା ବେଳେ ମଧ୍ୟ ଚୋରା ମଦ କରିବାର ଥମିବାର ନାଁ ଧରୁନି ।
