ନୂଆଦିଲ୍ଲୀ,୧୪/୧୨: ଇପିଏଫ୍ ଟଙ୍କା ଏଟିଏମରୁ ଉଠାଇବାକୁ ନେଇ ଖବର ଆସିବା ମାତ୍ରେ, ଇପିଏଫ୍ଓ ଗ୍ରାହକଙ୍କୁ ଏକ ବଡ଼ ଆଶ୍ବସ୍ତି ମିଳିଛି। କେନ୍ଦ୍ର ଶ୍ରମ ସଚିବ ସୁମିତା ଡାଓ୍ବରା ଶୁକ୍ରବାର ସୂଚନା ଦେଇଛନ୍ତି ଯେ ଏଟିଏମରୁ ପ୍ରୋଭିଡେଣ୍ଟ ଫଣ୍ଡ ଟଙ୍କା ଉଠାଇବାର ସୁବିଧା ଆସନ୍ତା ବର୍ଷଠାରୁ ଆରମ୍ଭ ହେବ। ବର୍ତ୍ତମାନ ଏହା ସ୍ପଷ୍ଟ ହୋଇଛି ଯେ ଇପିଏଫଓ ଟଙ୍କା ଉଠାଣ ଯୋଜନା ଅଧୀନରେ ପ୍ରୋଭିଡେଣ୍ଟ ଫଣ୍ଡ ସଦସ୍ୟ କିମ୍ବା ଗ୍ରାହକମାନେ ବ୍ୟାଙ୍କିଙ୍ଗ ଭଳି ସୁବିଧା ପାଇପାରିବେ।
ଏଟିଏମରୁ ପିଏଫ୍ ରାଶି ଉଠାଣ ପାଇଁ ଏକ ସ୍ବତନ୍ତ୍ର କାର୍ଡ ଦିଆଯାଇପାରେ ବୋଲି ସମ୍ଭାବନା ରହିଛି। ସୁମିତା ଡାୱରା କହିବାନୁଯାୟୀ, ଏଥିପାଇଁ ହାର୍ଡୱେର୍ ଅପଡେଟ୍ ହେବ ଏବଂ ଏହା ପରେ ନୂତନ ସିଷ୍ଟମ୍ ଆରମ୍ଭ ହୋଇପାରେ। ଇପିଏଫ୍ଓ ସଦସ୍ୟମାନଙ୍କୁ ବର୍ତ୍ତମାନ ଟଙ୍କା ଉଠାଣ ପାଇଁ ୭ ରୁ ୧୦ ଦିନ ଅପେକ୍ଷା କରିବାକୁ ପଡ଼ୁଛି। ଭବିଷ୍ୟ ନିଧି ସଂଗଠନର ସଦସ୍ୟମାନଙ୍କ ପାଇଁ ଏହା ଏକ ଗୁରୁତ୍ୱପୂର୍ଣ୍ଣ ଖବର ଯେ ସେମାନେ କାର୍ଡ ପରି ଏଟିଏମ ମାଧ୍ୟମରେ ସେମାନଙ୍କ ପ୍ରୋଭିଡେଣ୍ଟ ପାଣ୍ଠିର ମୋଟ ଜମା ରାଶିର ମାତ୍ର ୫୦ ପ୍ରତିଶତ ଉଠାଇ ପାରିବେ।
ଶ୍ରମ ସଚିବ ଏହା ମଧ୍ୟ ସୂଚନା ଦେଇଛନ୍ତି ଯେ ମୃତ ଇପିଏଫଓ ସଦସ୍ୟଙ୍କ ନୋମିନୀମାନେ ମଧ୍ୟ ଏଟିଏମ ଜରିଆରେ ସେମାନଙ୍କ କର୍ମଚାରୀ ଜମା ଲିଙ୍କଡ ଇନସୁରାନ୍ସ (ଇଡିଏଲ୍ଆଇI) ରାଶି ଉଠାଇ ପାରିବେ। ନିଯୁକ୍ତିଦାତା ଏହି ବୀମା ଯୋଜନାରେ ସହଯୋଗ କରିବେ। ସେହି ସଦସ୍ୟମାନଙ୍କର ଯାହାର ହାରାହାରି ମାସିକ ଦରମା ୧୫ ହଜାରରୁ ଅଧିକ, ସେମାନଙ୍କ ପିଏଫ୍ ଆକାଉଣ୍ଟରୁ ୭ ଲକ୍ଷ ଟଙ୍କା ପର୍ଯ୍ୟନ୍ତ ଟଙ୍କା ପାଇପାରିବେ। ଏହା ବ୍ୟତୀତ, ଯେଉଁମାନଙ୍କର ହାରାହାରି ମାସିକ ଆୟ ୧୫ହଜାରରୁ କମ୍, ସେମାନଙ୍କୁ ଏଟିଏମରୁ ୫.୫ ଲକ୍ଷ ଟଙ୍କା ପର୍ଯ୍ୟନ୍ତ ଟଙ୍କା ଉଠାଇବାକୁ ସୁବିଧା ଦିଆଯାଇପାରିବ।
