ହାଟଡିହି ୦୪/୦୩: ରାଜ୍ୟ ରାଜପଥ ୫୩ନମ୍ବରରେ ଗଜରାଜ । ସଜନାପାଳ, କାଠିଆସରା, ବଡତିରା, ଅସିଆ, ତରାଗଡିଆ, ହାଟଡିହି ଦେଇ ଭଦ୍ରକ ସହରରେ ପଶିଲା ହାତୀ । ଯାହାକୁ ଘଉଡାଇବା ପାଇଁ ବନ ବିଭାଗ କର୍ମଚାରୀ ଏବଂ ପୋଲିସ ନାକେଦମ୍ ହୋଇଥିଲେ। ପରେ ସୁରକ୍ଷା ବଳୟରେ ଜଙ୍ଗଲ କର୍ମୀମାନେ ଜଙ୍ଗଲକୁ ଘଡାଇବାକୁ ପ୍ରୟାସ କରିଛନ୍ତି। ଏହି ସମୟରେ ହାତୀକୁ ଦେଖିବାକୁ ସ୍ଥାନୀୟଲୋକ ଭିଡ ଜମିଥିଲା।
ସୂଚନା ଅନୁଯାଇ, ଗତ ଦୁଇଦିନ ତଳେ ଘସିପୁରା ବ୍ଲକ୍ ଗଡବାନ୍ଦୋଗଡା ଅଞ୍ଚଳରେ ଥିବା ଗୋଠ ଛଡ଼ା ଦନ୍ତାହାତୀକୁ ବନ ବିଭାଗ ଘଉଡାଇ ହଦଗଡ଼ ହସ୍ତୀ ଅଭୟାରଣ୍ୟ କାଠକଟା ଜଙ୍ଗଲରେ ଛାଡ଼ିବାରେ ସଫଳ ହୋଇଥିଲା। ହେଲେ ଗତକାଲି ସନ୍ଧ୍ୟାରୁ ପୁନଶ୍ଚ ହାତୀଟି ଜଙ୍ଗଲ ଛାଡି ଗ୍ରାମ ଅଭିମୁଖି ହୋଇଥିଲା। ହାତୀଟି ସଜନାପାଳ, କାଠିଆସରା, ବଡତିରା, ଅସିଆ, ତରାଗଡିଆ, ହାଟଡିହି ଗାଁ ଦେଇ ଭଦ୍ରକ ସହର ଭିତକୁ ପଶି ଆସିଲା। ହାତୀଟି ୫୩ନମ୍ବର ରାଜ୍ୟ ରାଜପଥ ଦେଇ ଯାଉଥିବାରୁ ଶହ, ଶହ ଲୋକ ହାତୀ ପଛରେ ଯାଇଥିବା ବେଳେ ହଦଗଡ଼ ଓ ଭଦ୍ରକ ଜିଲ୍ଲାର ଜଙ୍ଗଲ ବିଭାଗ କର୍ମଚାରୀମାନେ ସୁରକ୍ଷା ବଳୟ ଭିତରେ ହାତୀଟିକୁ ନେଉଛନ୍ତି। ଏହି ହାତୀଟି ଟମକା ଜଙ୍ଗଲରୁ ପଳାଇ ଆସିଥିବା ସୂଚନା ମିଳିଛି।
