ସୁନ୍ଦରଗଡ଼,୧୬/୧୧: ଖେଳ ପଡିଆରେ ଯାତ୍ରା ଚାଲୁଥିବାବେଳେ ଏକ ଦନ୍ତା ହାତୀ ପେଣ୍ଡାଲ ପରିସରକୁ ପଶି ଯାଇଥିଲା । ହାତୀକୁ ଦେଖି ଦର୍ଶକମାନେ ଭୟଭୀତ ହୋଇ ଏଣେ ତେଣେ ଦୌଡ଼ି ପଳାଇଥିଲେ । ସୁନ୍ଦରଗଡ ଜିଲ୍ଲା ବାଲିଶଙ୍କରା ଅଞ୍ଚଳର କୁକୁର ଡିହି ଖେଳ ପଡିଆରେ ଏଭଳି ଘଟଣା ଘଟିଛି । 

ସୂଚନା ମୁତାବକ, କାର୍ତ୍ତିକ ପୂର୍ଣ୍ଣିମା ଅବସରରେ କୁକୁର ଡିହି ଖେଳ ପଡ଼ିଆରେ ଯାତ୍ରା ହେଉଥିଲା । ଯାତ୍ରା ଦେଖିବା ପାଇଁ ବହୁ ଲୋକ ସେଠାକୁ ଯାଇଥିଲେ । ଏହି ସମୟରେ ହଠାତ ଏକ ଦନ୍ତାହାତୀ ପେଣ୍ଡାଲ ପରିସରକୁ ପଶି ଆସିଥିଲା । ହାତୀକୁ ଦେଖି ଲୋକେ ଭୟଭୀତ ହୋଇ ପଡ଼ିଥିଲେ । ଭୟଭୀତ ହୋଇ ଏଣେତେଣେ ଦୌଡ଼ି ପଳାଇଥିଲେ । ହାତୀଟି ପଡ଼ିଆରେ ପଶି ଅନେକ ଦୋକାନ ଭାଙ୍ଗି ଦେଇଥିଲା । 

ତେବେ କିଛି ଦିନ ହେବ ଏହି ଦନ୍ତା ହାତୀଟି ବାଲିଶଙ୍କରା ଅଞ୍ଚଳରେ ଅନେକ ଗାଁରେ ପଶି ଉତ୍ପାତ ହେଉଥିଲା । ଗାଁରେ ପଶି ଲୋକଙ୍କ ଫସଲ ନଷ୍ଟ କରିବା ସହ ଘର ମଧ୍ୟ ଭାଙ୍ଗି ଦେଇଥିଲା ଏହି ହାତୀ ।