ନୂଆଦିଲ୍ଲୀ: ଉତ୍ତରପ୍ରଦେଶର ହାପୁରରେ ଏମିତି ଏକ ଘଟଣା ଘଟିଛି ଯାହା ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ ନିଶ୍ଚୟ। ଏକ ପେଟ୍ରୋଲପମ୍ପରେ ଜଣେ ବିଦ୍ୟୁତ ବିଭାଗ କର୍ମଚାରୀଙ୍କୁ ହେଲମେଟ ପିନ୍ଧି ନଥିବା କାରଣରୁ ପେଟ୍ରୋଲ ନମିଳିବାରୁ ସେ ପେଟ୍ରୋଲପମ୍ପର ବିଦ୍ୟୁତ କାଟିଦେଇଥିବା ଜଣାପଡିଛି। ଏହି ଘଟଣାରେ ପେଟ୍ରୋଲପମ୍ପର ମାଲିକ ଥାନାରେ ଏକ ମାମଲା ରୁଜୁ କରିବା ସହ ବିଦ୍ୟୁତ ବିଭାଗ ଏହି ମାମଲାର ତଦନ୍ତ ନିର୍ଦ୍ଦେଶ ଦେଇଥିବା ଜଣାପଡିଛି। 

ହାପୁରର ପାତ୍ରପୁର ରୋଡଠାରେ ଥିବା ପେଟ୍ରୋଲପମ୍ପରେ ଏହି ଘଟଣା ଘଟିଥିବା ଜଣାପଡିଛି। ସୂଚନାନୁଯାୟୀ ବିଦ୍ୟୁତ ବିଭାଗରେ କାର୍ଯ୍ୟ କରୁଥିବା ଜଣେ କର୍ମଚାରୀ ଉକ୍ତ ପେଟ୍ରୋଲ ପମ୍ପରେ ପୋଟ୍ରୋଲ ପକେଇବାକୁ ପହଞ୍ଚିଥିଲେ। କିନ୍ତୁ ସେ ହେଲମେଟ ପିନ୍ଧି ନଥିବାରୁ ପେଟ୍ରୋଲ ପମ୍ପରେ କାମ କରୁଥିବା କର୍ମଚାରୀ ତାଙ୍କୁ ପେଟ୍ରୋଲ ଦବାକୁ ସିଧାସଳଖ ମନା କରିଦେଇଥିଲେ। କାରଣ ଉତ୍ତରପ୍ରଦେଶରେ ବଢୁଥିବା ଦୁର୍ଘଟଣା ହାରକୁ ଦୃଷ୍ଟିରେ ରଖି ସରକାର ନିକଟରେ ସମୂର୍ଣ୍ଣ ରାଜ୍ୟରେ ନୋ ହେଲମେଟ, ନୋ ପେଟ୍ରୋଲ ନୀତି ଆପଣେଇଛନ୍ତି।

ଏହି ଘଟଣାରେ ଉକ୍ତ ଲାଇନମ୍ୟାନ ଜମଙ୍କ ଏତେ ଉତକ୍ଷିପ୍ତ ହୋଇଯାଇଥିଲେ ଯେ ପେଟ୍ରୋଲ ପମ୍ଫକୁ ବିଦ୍ୟୁତ ସଂଯୋଗ ଯୋଗାଉଥିବା ଖୁଣ୍ଟରେ ଚଢି ବିଦ୍ୟୁତ ସଂଯୋଗକୁ କାଟିଦେଇଥିଲେ। ବିଦ୍ୟତ୍ ସରବରାହ ବନ୍ଦ ହୋଇଯିବା ଫଳରେ ପେଟ୍ରୋଲପମ୍ପ କାମ କରିବା ବନ୍ଦ କରିଦେଇଥିଲା। ଯାହାଫଳରେ ପେଟ୍ରୋଲ ଭରିବାକୁ ଅପେକ୍ଷା କରିଥିବା ଅନ୍ୟ ଲୋକମାନେ ନାହିଁନଥିବା ଅସୁବିଧାର ସମ୍ମୁଖିନ ହୋଇଥିଲେ। 

ପେଟ୍ରୋଲପମ୍ପର ମାଲିକ ସ୍ଥାନିୟ ଅଧିକାରୀ ଓ ପୋଲିସକୁ ଯୋଗାଯୋଗ କରିବା ପରେ 20 ମିନିଟ ମଧ୍ୟରେ ବିଦ୍ୟୁତ ସେବା ନିରବିଚ୍ଛିନ କରାଯାଇଥିଲା। ଏହି ଘଟଣାର କଏଦ ସିସିଟିଭି ଫୁଟେଜ ବର୍ତ୍ତମାନ ସୋଶିଆଲ ମିଡିଆରେ ଭାଇରାଲ ହେବାରେ ଲାଗିଛି।