କେନ୍ଦ୍ରାପଡ଼ା, ୩।୮: ଶୌଚ ହେବାକୁ ଯାଇ ଗୋବରୀ ନଦୀରେ ଭାସିଗଲେ ବୃଦ୍ଧା । କେନ୍ଦ୍ରାପଡ଼ା ଜିଲ୍ଲା ନିକିରାଇ ଥାନା ଅନ୍ତର୍ଗତ ବାରୋ ପଞ୍ଚାୟତର ନୀଳିକଣାଠାରେ ଶନିବାର ସନ୍ଧ୍ୟାରେ ଏଭଳି ଘଟଣା ଘଟିଛି l ନୀଳିକଣା ଗାଁର ୬୨ ବର୍ଷୀୟା ବୃଦ୍ଧା ବିଦୁଲତା ପ୍ରଧାନ ସନ୍ଧ୍ୟାରେ ନଦୀକୁ ଶୌଚ ହେବାକୁ ଯାଇଥିଲେ । ବିଳମ୍ବିତ ରାତି ପର୍ଯ୍ୟନ୍ତ ଘରକୁ ନଫେରିବାରୁ ପରିବାର ଲୋକେ ଖୋଜାଖୋଜି କରିଥିଲେ।
ତେବେ ବିଦୁଲତା ଶୌଚ ହେବା ପାଇଁ ନଦୀକୁ ଯାଇଥିବା କିଛି ଲୋକ କହିଥିଲେ । ପରେ ପରିବାର ଲୋକେ ଅଗ୍ନିଶମ ବିଭାଗକୁ ଖବର ଦେଇଥିଲେ l ଅଗ୍ନିଶମ ଓ ଓଡ୍ରାଫ ଟିମ୍ ଗୋବରୀ ନଦୀରେ ଖୋଜାଖୋଜି ଚଳାଇଛନ୍ତି । ବିଦୁଲତାଙ୍କୁ କୁମ୍ଭୀର ଟାଣି ନେଇଥିବା ପରିବାର ଲୋକେ ସନ୍ଦେହ କରୁଛନ୍ତି ।
