ଅନନ୍ତନାଗ,୨୭।୭: ଜମ୍ମୁ-କଶ୍ମୀରର ଅନନ୍ତନାଗ ଜିଲ୍ଲାରେ ଶନିବାର ଭୀଷଣ ସଡକ ଦୁର୍ଘଟଣା । ଘାଟିରୁ ଖସିଲା କାର୍, ଗୋଟିଏ ପରିବାରର ୮ ଜଣଙ୍କର ମୃତ୍ୟୁ। ସିମଥାନ-କୋକେରନାଗ ରୋଡ୍ରେ ଘଟିଛି ଏଭଳି ଅଘଟଣ। ମୃତକଙ୍କ ମଧ୍ୟ ଅଛନ୍ତି ଜଣେ ପୁରୁଷ, ଦୁଇ ମହିଳା ଏବଂ ୫ ଶିଶୁ। କୁହାଯାଉଛି ଯେ,ଏହି ସମସ୍ତେ ମଡଓ୍ବା କିସତଓ୍ବାଡା ଯାଉଥିଲେ। ତେବେ ଡ୍ରାଇଭର ନିୟନ୍ତ୍ରଣ ହରାଇଥିବାରୁ, ଘାଟିରୁ ତଳକୁ ଖସି ପଡିଥିଲା କାର। ମୃତକଙ୍କ ଯଦିଓ ପରିଚୟ ମିଳିପାରିନି, କିନ୍ତୁ ଏହା ଜଣାପଡୁଛି ଯେ ସମସ୍ତେ ଗୋଟିଏ ପରିବାରର ସଦସ୍ୟ।
ପୋଲିସର ସୂଚନା ଅନୁସାରେ,ଦକ୍ଷିଣ କାଶ୍ମୀରର ଅନନ୍ତନାଗ ଜିଲ୍ଲାର କୋକରାନାଗର ଡକ୍ସମ୍ ଅଞ୍ଚଳ ନିକଟରେ ଏହି ଦୁର୍ଘଟଣା ଘଟିଛି। JK03H 9017 ରେଜିଷ୍ଟେ୍ରସନ୍ ନମ୍ବର ଥିବା ଏହି ସୁମୋ ଗାଡି ନିୟନ୍ତ୍ରଣ ହରାଇ ଡକସୁମ୍ ନିକଟରେ ଖସି ପଡିଥିଲା। ଦୁର୍ଘଟଣାରେ ଗୋଟିଏ ପରିବାରର ୮ ଜଣ ସଦସ୍ୟଙ୍କ ମୃତ୍ୟୁ ଘଟିଛି। ଏ ସମ୍ପର୍କରେ ମାମଲା ରୁଜୁ କରି ପୋଲିସ ତଦନ୍ତ ଆରମ୍ଭ କରିଛି।