ନୂଆଦିଲ୍ଲୀ,୩୦/୦୭: ପ୍ରଖ୍ୟାତ ଅର୍ଥଶାସ୍ତ୍ରୀ ମେଘନାଦ ଦେଶାଇଙ୍କ ପରଲୋକ ହୋଇଛି । ୮୫ ବର୍ଷ ବୟସରେ ଗୁରୁଗ୍ରାମରେ ଦେହାନ୍ତ । ଭାରତରେ ଜନ୍ମିତ ବ୍ରିଟେନ୍ ନାଗରିକ ମେଘନାଦ ହାଉସ୍ ଅପ୍ ଲର୍ଡ ସଦସ୍ୟ ଥିଲେ । ତାଙ୍କ ବିୟୋଗରେ ପ୍ରଧାନମନ୍ତ୍ରୀ ମୋଦିଙ୍କ ସହିତ ବହୁ ବିଶିଷ୍ଟ ବ୍ୟକ୍ତି ଶୋକ ପ୍ରକାଶ କରିଛନ୍ତି । ଭାରତ- ବ୍ରିଟେନ୍ ସମ୍ପର୍କରେ ତାଙ୍କର ଗୁରୁତ୍ୱ ପୂର୍ଣ୍ଣ ଭୂମିକା ଥିବା କହିଛନ୍ତି ପ୍ରଧାନମନ୍ତ୍ରୀ ମୋଦି ।
ଭାରତ ଏବଂ ଭାରତୀୟ ସଂସ୍କୃତି ସହିତ ଗଭୀର ସମ୍ପର୍କ ରଖିଥିବା ମେଘନାଦ ଦେଶାଇଙ୍କ ୮୫ ବର୍ଷ ବୟସରେ ଦେହାନ୍ତ ଦେଶ ପାଇଁ ଏକ ଅପୂରଣୀୟ କ୍ଷତି । ଗୁଜୁରାଟର ଭଦୋଦରାରେ ଜନ୍ମଗ୍ରହଣ କରିଥିବା ମେଘନାଦ ଦେଶାଇ ତାଙ୍କର ବହୁମୁଖୀ ପ୍ରତିଭା ଯୋଗୁଁ ଭାରତର ତୃତୀୟ ସର୍ବୋଚ୍ଚ ନାଗରିକ ପୁରସ୍କାର ପଦ୍ମଭୂଷଣରେ ସମ୍ମାନିତ ହୋଇଥିଲେ । ସେ ବ୍ରିଟେନର ହାଉସ ଅଫ୍ ଲର୍ଡସର ସଦସ୍ୟ ମଧ୍ୟ ଥିଲେ । ଅର୍ଥନୈତିକ ମାମଲାରେ ବିଶେଷଜ୍ଞତା ସହିତ, ତାଙ୍କର ରାଜନୀତିର ମଧ୍ୟ ଜ୍ଞାନ ରହିଥିଲା । ସେ ଭାରତ-ବ୍ରିଟେନ ସମ୍ପର୍କକୁ ସୁଦୃଢ଼ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ ।
ମେଘନାଦ ଦେଶାଇ ଲଣ୍ଡନ ସ୍କୁଲ ଅଫ୍ ଇକୋନୋମିକ୍ସରେ ଅର୍ଥନୀତିର ପ୍ରଫେସର ଥିଲେ । ୧୯୯୨ ମସିହାରେ, ଏହି ପ୍ରତିଷ୍ଠିତ ପ୍ରତିଷ୍ଠାନରେ ଗ୍ଲୋବାଲ୍ ଗଭର୍ନାନ୍ସ ଷ୍ଟଡିଜ୍ ସେଣ୍ଟର୍ ପ୍ରତିଷ୍ଠା କରିଥିଲେ । ସେ ଅନେକ ପୁସ୍ତକ ଲେଖିଥିଲେ । ସେଥି ମଧ୍ୟରୁ ମାର୍କ୍ସିଆନ୍ ଇକୋନୋମିକ୍ ଥିଓରୀ, ମାର୍କ୍ସସ୍ ରିଭେଞ୍ଜ୍ସ: ଦି ରିସର୍ଜେନ୍ସ ଅଫ୍ କ୍ୟାପିଟାଲିଜିମ୍ ଆଣ୍ଡ୍ ଦି ଡେଥ୍ ଅଫ୍ ଷ୍ଟାଟିଷ୍ଟ୍ ସୋସିଆଲିଜିମ୍, ଦି ରିଡିସ୍କୋଭର୍ରୀ ଅଫ୍ ଇଣ୍ଡିଆ, 'ନେହେରୁସ୍ ହିରୋ ଦିଲୀପ୍ କୁମାର' ଯିଏ ଭଗବଦ୍ ଗୀତା ସାମିଲ ଅଛି । ସେ ୨୦୦ ରୁ ଅଧିକ ଶିକ୍ଷାଗତ ପ୍ରବନ୍ଧ ମଧ୍ୟ ଲେଖିଛନ୍ତି ।
ଦେଶାଇ ୧୯୬୫ ରୁ ୨୦୦୩ ପର୍ଯ୍ୟନ୍ତ ଲଣ୍ଡନ ସ୍କୁଲ୍ ଅଫ୍ ଇକୋନୋମିକ୍ସରେ ପାଠପଢ଼ା କରିଥିଲେ । ବ୍ରିଟେନର ଶିକ୍ଷାଗତ ଏବଂ ରାଜନୈତିକ କ୍ଷେତ୍ରରେ ବହୁତ ପ୍ରଭାବ ପକାଇଥିବା ଦେଶାଇ ବ୍ରିଟେନର ଲେବର ପାର୍ଟିର ସଦସ୍ୟ ଥିଲେ । ସେ ୧୯୮୬ ରୁ ୧୯୯୨ ଅଧ୍ୟକ୍ଷ ମଧ୍ୟ ଥିଲେ । ତାଙ୍କର ପ୍ରାୟ ୪୯ ବର୍ଷର ରାଜନୈତିକ କ୍ୟାରିୟର ରହିଛି ।
ତାଙ୍କ ବିୟୋଗରେ ଗଭୀର ଶୋକ ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ ମୋଦି । ଏକ୍ସରେ ଲେଖିଛନ୍ତି, ''ଜଣେ ବିଶିଷ୍ଟ ଲେଖକ ଏବଂ ଅର୍ଥନୀତିଜ୍ଞ ମେଘନାଦ ଦେଶାଇଙ୍କ ବିୟୋଗରେ ମୁଁ ମର୍ମାହତ । ସେ ସର୍ବଦା ଭାରତ ଏବଂ ଭାରତୀୟ ସଂସ୍କୃତି ସହିତ ଜଡିତ ଥିଲେ । ଭାରତ-ୟୁକେ ସମ୍ପର୍କକୁ ଆହୁରି ସୃଦୁଢ କରିବାରେ ତାଙ୍କର ଭୂମିକା ଥିଲା । ତାଙ୍କ ଅବଦାନ ସବୁବେଳେ ମନେ ରହିବ । ଏପରି ଦୁଃଖ ସମୟରେ ତାଙ୍କ ପରିବାର ପ୍ରତି ମୋର ସମବେଦନା ।''
Anguished by the passing away of Shri Meghnad Desai Ji, a distinguished thinker, writer and economist. He always remained connected to India and Indian culture. He also played a role in deepening India-UK ties. Will fondly recall our discussions, where he shared his valuable… pic.twitter.com/q1cv3DAXaw
— Narendra Modi (@narendramodi) July 29, 2025
