ନୂଆଦିଲ୍ଲୀ,୨୧/୦୬: ୬ ରାଜ୍ୟର ୮ ଲୋକସଭା ଆସନରେ ନିର୍ବାଚନ ବେଳେ ଇଭିଏମ୍ରେ ଜାଲିଆତି ହୋଇଥିବା ଅଭିଯୋଗକୁ ନେଇ ନିର୍ବାଚନ କମିଶନ (ଇସି) ତଦନ୍ତ କରିବା ଲାଗି ନିର୍ଦ୍ଦେଶ ଦେଇଛନ୍ତି । ଏହି ଆସନଗୁଡ଼ିକ ମଧ୍ୟରୁ ହରିଆଣା ଓ ତାମିଲନାଡୁର ଦୁଇଟି ଲେଖାଏଁ ରହିଛି । ସେହିଭଳି ଛତିଶଗଡ଼, ମହାରାଷ୍ଟ୍ର, ତେଲଙ୍ଗାନା ଓ ଆନ୍ଧ୍ର ପ୍ରଦେଶର ଗୋଟିଏ ଲେଖାଏଁ ଆସନ ରହିଛି । ଉକ୍ତ ୮ଟି ଲୋକସଭା ଆସନ ମଧ୍ୟରୁ ବିଜେପି ୩ ଓ କଂଗ୍ରେସ ୨ଟିରେ ଜିତିଥିଲା । ବଳକା ୩ଟି ଆସନ ଅନ୍ୟ ଦଳଗୁଡ଼ିକ ଭାଗରେ ପଡ଼ିଥିଲା । ଇସିଙ୍କ କହିବାନୁସାରେ ଲୋକସଭା ନିର୍ବାଚନ ୨୦୨୪ରେ ଇଭିଏମ୍ରେ ଗଡ଼ବଡ଼ି ଅଭିଯୋଗ ନେଇ ୮ଟି ଆବେଦନ ହୋଇଥିଲା । ଇଭିଏମ୍ର ମେମୋରି ଓ ମାଇକ୍ରୋ କମ୍ପ୍ୟୁଟରର ଯାଞ୍ଚ ଲାଗି ଏଥିରେ ଦାବି ହୋଇଥିଲା । ନିର୍ବାଚନ କମିଶନ ଏବେ ୮ ଆସନର ୯୨ ବୁଥରେ ବ୍ୟବହୃତ ଇଭିଏମ୍ର ଯାଞ୍ଚ କରିବେ ।
ସଦସ୍ୟତା ଅଭିଯାନରେ ମାତିଲେ ବିଜେଡି, ବିଜେପି: ମନ୍ଥର...