ବୈପାରୀଗୁଡ଼ା, ୨୦।୭: ଲଗାଣ ବର୍ଷା ପ୍ରଭାବରେ ଘର କାନ୍ତ ଭାଙ୍ଗି ଗୋଟିଏ ପରିବାରର ୩ ଜଣ ଗୁରୁତର । ଗୁରୁତରଙ୍କୁ ଜିଲ୍ଲା ମେଡିକାଲକୁ ସ୍ଥାନାନ୍ତର । ବୈପାରୀଗୁଡ଼ା ବ୍ଲକ ଚନ୍ଦ୍ରପୋଡ଼ା ପଞ୍ଚାୟତର ଅଟାଲଗୁଡ଼ା ଗାଁର ଆନ୍ଦନ ପ୍ରଧାନୀଙ୍କ ଘର ଭାଙ୍ଗି ପରିବାର ୩ ଜଣ ଗୁରୁତର ଅଛନ୍ତି ।
ସୂଚାନୁସାରେ, ଆନନ୍ଦଙ୍କ ସ୍ତ୍ରୀ ଓ ୨ ଝିଅ ଘର ଭିତରେ ରୋଷେଇ କରୁଥିବା ବେଳେ ମାଟି ଘରଟି ହଠାତ୍ ଭୁଶୁଡ଼ି ପଡ଼ିଥିଲା । ଆଜବେଷ୍ଟ ସବୁ ଭାଙ୍ଗି ତାଙ୍କ ଉପରେ ପୋଡ଼ିଯାଇଥିଲା । ମାଆ ଆଉ ୨ ଝିଅକୁ ଗାଁ ଲୋକେ ଉଦ୍ଧାର କରି ବୈପାରୀଗୁଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ପ୍ରାଥମିକ ଚିକିତ୍ସା ପରେ ୩ ଜଣଙ୍କୁ ଜୟପୁରସ୍ଥିତ ଜିଲ୍ଲା ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି ।