ଭୁବନେଶ୍ୱର,୧୫/୦୧: ଭୁବନେଶ୍ୱର ଏୟାରପୋର୍ଟରୁ ମିଳିଲା ୪ କୋଟିର ଦାମୀ ନିଶାଦ୍ରବ୍ୟ । ଖାଦ୍ୟ ପୁଡ଼ିଆ ଭିତରେ ବ୍ୟାଙ୍କକ୍ରୁ ଆସୁଥିଲା ନିଶାଦ୍ରବ୍ୟ । ଏୟାରପୋର୍ଟରୁ ଧରିଲା କଷ୍ଟମ ବିଭାଗ ଓ ଡ଼ିଆରଆଇ । ନିଶାଦ୍ରବ୍ୟ ଚୋରା କାରବାରରେ ଜଣେ ଭାରତୀୟ ନାଗରିକକୁ ଗିରଫ କରାଯାଇଛି । ଗିରଫ ହୋଇଥିବା ବ୍ୟକ୍ତି ଜଣକ କେରଳର ବାସିନ୍ଦା ବୋଲି ଜଣାପଡ଼ିଛି ।
ସୂଚନା ମୁତାବକ, ଜଣେ କେରଳର ବାସିନ୍ଦା ଖାଦ୍ୟ ପୁଡ଼ିଆ ଭିତରେ ନିଶାଦ୍ରବ୍ୟ ପୁରାଇ ବ୍ୟାଙ୍କକ୍ରୁ ଆଣୁଥିଲେ । ବ୍ୟକ୍ତି ଜଣକ କମିଶନ ନେଇ ନିଶାଦ୍ରବ୍ୟ ଚାଲାଣ କରୁଥିଲେ । ଏବିଷୟରେ କଷ୍ଟମ ବିଭାଗ ଓ ଡ଼ିଆରଆଇ ଖବର ପାଇଥିଲା । ଖବର ପାଇ ଭୁବନେଶ୍ୱର ଏୟାରପୋର୍ଟରୁ ଚାଲାଣ କରୁଥିବା ବ୍ୟକ୍ତିଙ୍କୁ ଗିରଫ କରିବା ସହ ସମସ୍ତ ନିଶାଦ୍ରବ୍ୟ ଜବତ କରିଛି କଷ୍ଟମ ବିଭାଗ ଓ ଡ଼ିଆରଆଇ । ଏନେଇ ଡ଼ିଆରଆଇ ସୂଚନା ଦେଇଛନ୍ତି ।
