ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଟିକସକୁ ନେଇ ପୁଣି ଥରେ ଏକ ବଡ ବୟାନ ଦେଇଛନ୍ତି । ସେ କହିଛନ୍ତି ଯେ, ଆମେରିକାକୁ କ୍ଷତି ପହଞ୍ଚାଉଥିବା ଯେକୌଣସି ଦେଶ ଉପରେ ସରକାର ଟିକସ ଲାଗୁ କରିବେ। ଭାରତ, ଚୀନ୍ ଏବଂ ବ୍ରାଜିଲର ନାମ ନେଇ ସେ କହିଛନ୍ତି ଯେ ଏହି ଦେଶଗୁଡ଼ିକ ସର୍ବାଧିକ ଟିକସ ଲଗାଇଥାନ୍ତି।
ଫ୍ଲୋରିଡାରେ ରିପବ୍ଲିକାନ ପାର୍ଟିର ଏକ କାର୍ଯ୍ୟକ୍ରମରେ ଡୋନାଲ୍ଡ ଟ୍ରମ୍ପ କହିଛନ୍ତି ଯେ, ଆମେ ସେହି ଦେଶ ଗୁଡ଼ିକ ଉପରେ ଟିକସ ଲାଗୁ କରିବାକୁ ଯାଉଛୁ, ଯେଉଁମାନେ ଆମକୁ କ୍ଷତି ପହଞ୍ଚାଇବେ। ଯଦିଓ ଏହି ଦେଶ ଗୁଡ଼ିକ ନିଜ ପାଇଁ ଭଲ କରିବାକୁ ଚେଷ୍ଟା କରୁଛନ୍ତି, କିନ୍ତୁ ଏହା କ୍ଷତି ପହଞ୍ଚାଇପାରେ।
କାର୍ଯ୍ୟକ୍ରମରେ ଡୋନାଲ୍ଡ ଟ୍ରମ୍ପ କହିଛନ୍ତି ଯେ, "ଆମେ ବାହାର ଦେଶ ଏବଂ ସେମାନଙ୍କ ଉପରେ ଟିକସ ଲଗାଇବାକୁ ଚାହୁଁଛୁ, ଯେଉଁମାନେ କି ଆମକୁ କ୍ଷତି ପହଞ୍ଚାଇବାକୁ ଚାହୁଁଛନ୍ତି। କିନ୍ତୁ ସେମାନେ ମୂଳତଃ ସେମାନଙ୍କ ଦେଶର ଭଲ କରିବାକୁ ଚାହାଁନ୍ତି । ଚୀନ୍ ଏକ ବଡ ଟିକସ ନିର୍ମାତା। ଏହି ତାଲିକାରେ ଭାରତ, ବ୍ରାଜିଲ ଏବଂ ଅନ୍ୟାନ୍ୟ ଅନେକ ଦେଶ ଅଛନ୍ତି। କିନ୍ତୁ ଆମେ ଆଉ ତାହା ହେବାକୁ ଦେବୁ ନାହିଁ, କାରଣ ଆମେ ଆମେରିକାକୁ ପ୍ରଥମରେ ରଖିବାକୁ ଯାଉଛୁ।
ତାଙ୍କର ଏହି ବୟାନ ଏପରି ଏକ ସମୟରେ ଆସିଛି ଯେତେବେଳେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଫୋନ୍ ଯୋଗେ କଥା ହୋଇଛନ୍ତି। ଏହା ବ୍ୟତୀତ ଫେବୃଆରୀରେ ଦୁଇ ନେତାଙ୍କ ମଧ୍ୟରେ ଏକ ବୈଠକ ମଧ୍ୟ ହୋଇପାରେ।
ଟ୍ରମ୍ପ ମଧ୍ୟ ଆମେରିକାକୁ ବହୁତ ଶୀଘ୍ର ଅଧିକ ସମୃଦ୍ଧ ଏବଂ ଶକ୍ତିଶାଳୀ କରିବା ପାଇଁ ଏକ ଅତ୍ୟନ୍ତ ନ୍ୟାୟପୂର୍ଣ୍ଣ ବ୍ୟବସ୍ଥା ବିଷୟରେ କହିଛନ୍ତି। ସେ କହିଛନ୍ତି କି, "ଅନ୍ୟ ଦେଶକୁ ଧନୀ କରିବା ପାଇଁ ଆମ ନାଗରିକ ମାନଙ୍କ ଉପରେ ଟିକସ ଲଗାଇବା ପରିବର୍ତ୍ତେ, ଆମ ନାଗରିକ ମାନଙ୍କୁ ଧନୀ କରିବା ପାଇଁ ଆମେ ବିଦେଶୀ ଦେଶ ମାନଙ୍କ ଉପରେ ଟିକସ ଲଗାଇବା ଉଚିତ।
