ସାହାଜପାଲ,୨୭/୦୭: ଉପର ମୁଣ୍ଡରେ ପ୍ରବଳ ବର୍ଷା, ଖୋଲୁଛି ମହାନଦୀର ଗୋଟିଏ ପରେ ଗୋଟିଏ ଗେଟ୍ । ତେଣୁ ନଦୀରେ ଜଳସ୍ତର ଧୀରେ ଧୀରେ ବଢ଼ିବାରେ ଲାଗିଛି । ଏନେଇ ବୌଦ୍ଧ ଜିଲ୍ଲା ତେନ୍ତୁଳିପାଲି ଅଞ୍ଚଳରେ ଲୋକଙ୍କୁ ସତର୍କ କରାଯାଇଛି ଜିଲ୍ଲା ପ୍ରଶାସନ । ନଦୀକୂଳିଆ ଅଞ୍ଚଳରେ ରହୁଥିବା ଗ୍ରାମବାସୀଙ୍କୁ ବନ୍ୟା ବେଳେ ନଦୀକୂଳ ନଯିବା ପାଇଁ କୁହାଯାଇଛି । ସେହିପରି କୌଣସି ପରିସ୍ଥିତି ବି ନଦୀକୁ ମାଛ ଧରିବାକୁ ନଯିବାକୁ କୁହାଯାଇଛି ।
ଶନିବାର ଅପରାହ୍ଣରେ ଜିଲ୍ଲା ପ୍ରଶାସନ ପକ୍ଷରୁ ବୌଦ୍ଧ ଜିଲ୍ଲା ବହିରା ପଞ୍ଚାୟତ ତେନ୍ତୁଳିପାଲି ଗାଁର ନଦୀକୂଳିଆ ଲୋକଙ୍କୁ ସତର୍କ ରହିବା ପାଇଁ କୁହାଯାଇଛି । ବୌଦ୍ଧ ଅତିରିକ୍ତ ତହସିଲଦାର କୁମୁଦ ଚନ୍ଦ୍ର ଦଳ ବେହେରା, ଭାରପ୍ରାପ୍ତ ତହସିଲଦାର ମହମ୍ମଦ୍ ରୋଜାଏ ରସୁଲ, ରାଜସ୍ୱ ସୁପରଭାଇଜର ହମିଦ୍ ମଲ୍ଲିକ ପ୍ରମୁଖ ମହାନଦୀର ଖାଲୁଆ ଅଞ୍ଚଳରେ ରହୁଥିବା ତେନ୍ତୁଳିପାଲି ଓ ଅନ୍ୟାନ୍ୟ ଗ୍ରାମ ପରିଦର୍ଶନ କରି ଲୋକଙ୍କୁ ସଚେତନ କରାଇ ଥିଲେ । ନଦୀ ମଧ୍ୟକୁ ମାଛ ଧରିବା ପାଇଁ କିମ୍ବା ଅନ୍ୟ କୌଣସି କାର୍ଯ୍ୟରେ ନଯିବାକୁ ସଚେତନ କରାଯାଇଛି।
