ମୁମ୍ବାଇ,୦୨/୧୨: ଆଜି ହିଁ ମହାରାଷ୍ଟ୍ର ସିଏମ ସସପେନ୍ସ ଉପରୁ ପରଦା ଉଠିଯିବ । ମହାରାଷ୍ଟ୍ରକୁ ଏବେ ବହୁତ ଜଲଦୀ ମୁଖ୍ୟମନ୍ତ୍ରୀ ମିଳିବାକୁ ଯାଉଛି । ବିଜେପି ନେତା ଦେବେନ୍ଦ୍ର ଫଡନାଭିସଙ୍କ ନାମକୁ ଫାଇନାଲ କରିଛି । ଭାରତୀୟ ଜନତା ପାର୍ଟିର ବରିଷ୍ଠ ନେତା ଦାବି କରିଛନ୍ତି କି ଆଜି କିମ୍ବା ଆସନ୍ତାକାଲି ବିଧାୟକ ଦଳ ବୈଠକ ହେବ । ଏଥିରେ ଫଡନାଭିସଙ୍କୁ ବିଧାୟକ ଦଳ ନେତା ଭାବେ ବଛାଯିବ ।
ଦେବେନ୍ଦ୍ର ଫଡନାଭିସଙ୍କ ନାମ ଫାଇନାଲ- ଏହା ପୂର୍ବରୁ ଦେବେନ୍ଦ୍ର ଫଡନାଭିସ ୨୦୧୪ ଓ ୨୦୧୯ ଯାଏ ମହାରାଷ୍ଟ୍ର ମୁଖ୍ୟମନ୍ତ୍ରୀ ହୋଇଥିଲେ । ଦ୍ବିତୀୟ ଥର ୨୦୧୯ରେ ମାତ୍ର ୩ ଦିନ ପାଇଁ ମହାରାଷ୍ଟ୍ର ସିଏମ ହୋଇଥିଲେ । ୨୦୨୨ରେ ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ହୋଇଥିଲେ । ୧୯୯୯ରୁ ଦେବେନ୍ଦ୍ର ନାଗପୁର ଦକ୍ଷିଣ ପଶ୍ଚିମରୁ ବିଧାୟକ ରହିଛନ୍ତି । ଏଥର ଷଷ୍ଠ ଥର ପାଇଁ ନିର୍ବାଚନ ଜିତିଛନ୍ତି । ଏହା ପୂର୍ବରୁ ସେ ନାଗପୁର ନଗର ନିଗମରେ ମେୟର ଥିଲେ ।
ନ୍ୟୁଜ ଏଜେନ୍ସି ପିଟିଆଇ ଅନୁସାରେ ବିଜେପିର ଜଣେ ବରିଷ୍ଠ ନେତା ମହରାଷ୍ଟ୍ରର ନୂଆ ମୁଖ୍ୟମନ୍ତ୍ରୀ ଭାବେ ଦେବେନ୍ଦ୍ର ଫଡନାଭିସଙ୍କ ନାମ ଫାଇନାଲ ହୋଇଛି । ବିଜେପି ବିଧାୟକ ଦଳ ନେତା ବାଛିବା ନେଇ ଆଜି କିମ୍ବା ଆସନ୍ତାକାଲି ବୈଠକ ହେବ । ଏଥିରେ ସିଏମ ନାମରେ ମୋହର ବାଜିବ ବୋଲି କହିଛନ୍ତି । ସେପଟେ ପୈତୃକ ଗାଁରୁ ଫେରି ଗଣମାଧ୍ୟମକୁ ପ୍ରତିକ୍ରିୟା ଦେଇ ଏକନାଥ ସିନ୍ଦେ କହିଛନ୍ତି ମହାୟୁତିରେ କୌଣସି ମତଭେଦ ନାହିଁ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହ ଯାହା ନିଷ୍ପତ୍ତି ନେବେ ତାହାକୁ ମୁଁ ସ୍ବୀକାର କରିବି ।
୨୮୮ ଆସନ ବିଶିଷ୍ଟ ମହାରାଷ୍ଟ୍ର ବିଧାନସଭା ନିର୍ବାଚନରେ ମହାୟୁତି ୨୩୦ ଆସନରେ ବିପୁଳ ବିଜୟ ହାସଲ କରିଥିଲା । ବିଜେପି ୧୩୨, ଶିବସେନା ୫୭ ଓ ଏନସିପି ୪୧ ଆସନରେ ଜିତିଥିଲା । ନିର୍ବାଚନ ଫଳାଫଳ ବାହାରିବାକୁ ସପ୍ତାହରୁ ଅଧିକ ଦିନ ହୋଇଥିଲେ ବି କିଏ ମହାରାଷ୍ଟ୍ର ମୁଖ୍ୟମନ୍ତ୍ରୀ ହେବ ତାହା ସ୍ପଷ୍ଟ ହୋଇପାରନିଥିଲା । ଡିସେମ୍ବର ୫ ତାରିଖରେ ମୁଖ୍ୟମନ୍ତ୍ରୀ ଶପଥ ଗ୍ରହଣ କରିବା ନେଇ ତାରଖ ଘୋଷଣା ହୋଇଛି ହେଲେ ସିଏମ କିଏ ହେବେ ନାମ ଘୋଷଣା ହୋଇନାହିଁ । ଆଜି ହିଁ ନାମ ଘୋଷଣା ହେବ ବୋଲି ଚର୍ଚ୍ଚା ହେଉଛି ।
