ମୁମ୍ବାଇ,୦୧/୦୨: ଶାହିଦ କପୁର ଓ ପୂଜା ହେଗଡ଼େଙ୍କ ବହୁ ପ୍ରତୀକ୍ଷିତ ଷ୍ଟାର୍ର ଫିଲ୍ମ 'ଦେବା' ପ୍ରେକ୍ଷାଳୟରେ ମୁକ୍ତିଲାଭ କରିସାରିଛି । ଏହି ଫିଲ୍ମକୁ ନେଇ ଫ୍ୟାନ୍ସ ବେଶ୍ ଉତ୍ସାହିତ ଥିବାବେଳେ ଫିଲ୍ମ ଦେଖିବାକୁ ଜମୁଛି ଦର୍ଶକଙ୍କ ଭିଡ଼। କାରଣ ପୁଣିଥରେ ଶାହିଦ କପୁରଙ୍କୁ ଫିଲ୍ମରେ ଅଲଗା ଅନ୍ଦାଜରେ ଦେଖିବାକୁ ମିଳିଛି। ଶାହିଦଙ୍କ ଏହା ପ୍ରଥମ ଆକ୍ସନ ଥ୍ରିଲର ଫିଲ୍ମ ଅଟେ। 'ଦେବା' ରିଲିଜ ସହିତ ସମସ୍ତଙ୍କ ନଜର ଓପନିଂ ଡେ କଲେକ୍ସନ ଉପରେ ରହିଛି। ଏହାରି ମଧ୍ୟରେ ଫିଲ୍ମର ପ୍ରଥମ ଦିନର କଲେକ୍ସନ ମଧ୍ୟ ସାମ୍ନାକୁ ଆସିଛି।
ଫିଲ୍ମ 'ଦେବା'ରେ ଶାହିଦ କପୁର ପୋଲିସ ଅଫିସରଙ୍କ ଭୂମିକାରେ ନଜର ଆସିଛନ୍ତି । ଏହି ଫିଲ୍ମକୁ ରୋଶନ ଏଣ୍ଡ୍ରୟୁଜ ନିର୍ଦ୍ଦେଶନା ଦେଇଛନ୍ତି । ଫିଲ୍ମର ପ୍ରମୋସନ ପାଇଁ ଶାହିଦ କପୁର ଏନେଇ ସ୍ପଷ୍ଟ କରିଦେଇଥିଲେ ଯେ, ଏହି ଫିଲ୍ମ ତାଙ୍କର ସୁପରହିଟ୍ ଫିଲ୍ମ 'କବୀର ସିଂ' ସହିତ କୌଣସି ସମ୍ପର୍କ ନାହିଁ। ଦୁଇଟା ଯାକ ଫିଲ୍ମରେ କିଛି ବି ସମାନତା ନାହିଁ। ୨ଟା ଯାକ ଫିଲ୍ମର କାହାଣୀ ସମ୍ପୂର୍ଣ୍ଣ ଅଲଗା । ସୈକନିଲ୍କର ରିପୋର୍ଟ ଅନୁସାରେ 'ଦେବା' ରିଲିଜର ପୂର୍ବ ଦିନ ୫ କୋଟିର କଲେକ୍ସନ କରିଛି।
ଏହା ମଧ୍ୟ ପଢନ୍ତୁ-କୁମ୍ଭ ଉପରେ ଫିଲ୍ମ କରିବେ କବୀର ଖାନ୍, କହିଲେ-‘ଏଠାରେ ହିନ୍ଦୁ-ମୁସଲମାନ ଭେଦଭାବ ନାହିଁ ’
କିନ୍ତୁ ଆଜି ଆଉ କାଲି ଛୁଟି ଥିବାରୁ ଫିଲ୍ମ 'ଦେବା' ପାଇଁ ପୂରା ଫାଇଦା ହୋଇପାରେ । ଫିଲ୍ମର ଆଡଭାନ୍ସ ବୁକିଂ ମଧ୍ୟ ଜାରି ରହିଛି। ଶାହିଦଙ୍କ ଫିଲ୍ମ 'ଦେବା' ରିଲିଜ ପୂର୍ବରୁ ୭୨ ହଜାରରୁ ଅଧିକ ଟିକଟ ବିକ୍ରି ହୋଇଛି। ସେପଟେ ଫିଲ୍ମର କାହାଣୀ ବିଷୟରେ ଯଦି କହିବା ତେବେ,ପୋଲିସ ଭୂମିକା ନଜର ଆସିଛନ୍ତି ଶାହିଦ। ଯିଏ ଏକ ଦୁର୍ଘଟଣା ପରେ ନିଜ ସ୍ମରଣଶକ୍ତି ଭୁଲି ଯାଇଛନ୍ତି । ଯେତେବେଳେ ଧିରେ ଧିରେ ଶାହିଦ ପୂର୍ବ କଥା ମନେ ପଡୁଛି ସେତେବେଳେ ସେ ସେହି ଲୋକଙ୍କୁ ଶାସ୍ତି ଦେଉଛନ୍ତି ଯେଉଁମାନେ ପୋଲିସର ଫାଇଦା ଉଠାଇଛନ୍ତି । ଏହି ଫିଲ୍ମରୁ ମେକର୍ସ ଓ ଅଭିନେତାଙ୍କୁ ବେଶ୍ ଆଶା ରହିଛି। ଶନିବାର ଓ ରବିବାର ଛୁଟି ଯୋଗୁଁ ପିଲ୍ମ କଲେକ୍ସନ ଭଲ ହୋଇପାରେ ।
