ନୂଆଦିଲ୍ଲୀ : ୨୦୨୪ର ଡିସେମ୍ୱର ବିମାନ ଯାତ୍ରୀଙ୍କ ପାଇଁ 'କଳା ମାସ' ସାବ୍ୟସ୍ତ ହୋଇଛି। ଏହି ମାସରେ ସାରା ବିଶ୍ୱରେ ମୋଟ ୬ଟି ବିମାନର ଦୁର୍ଘଟଣା ହୋଇଛି, ଯେଉଁଥିରେ ୨୩୪ଜଣ ଲୋକଙ୍କର ମୃତ୍ୟୁ ହୋଇଛି। ଏହି ସଂଖ୍ୟା ବାସ୍ତିବକ ଭୟଙ୍କର ଏବଂ ବିମାନ ଯାତ୍ରା ବେଳେ ସୁରକ୍ଷାକୁ ନେଇ ଗୁରୁତର ପ୍ରଶ୍ନ ଠିଆ କରିଛି।
ଦକ୍ଷିଣ କୋରିଆରେ ଏକ ବିମାନ ବନ୍ଦରରେ ରବିବାର ଦିନ ଅବତରଣ ସମୟରେ ଯାତ୍ରୀ ବିମାନରେ ନିଆଁ ଲାଗି ଯାଇଥିଲା। ଏହି ଘଟଣାରେ ୧୭୬ଜଣ ଲୋକଙ୍କର ମୃତ୍ୟୁ ହୋଇଛି। ଏଥିରେ ୮୩ଜଣ ମହିଳା ଓ ୮୨ ଜଣ ପୁରୁଷ ସାମିଲ ଅଛନ୍ତି। ହେଲେ ଆଉ ୧୧ଜଣ ଲୋକଙ୍କ ତତ୍କାଳ ପରିଚୟ ମିଳି ପାରି ନାହିଁ। ବିମାନରେ ମୋଟ ୧୮୧ ଯାତ୍ରୀ ବସି ଥିଲେ। ଅଧିକାରୀମାନେ କହିଛନ୍ତି କି, ଏହା ଦେଶରେ ବର୍ତ୍ତମାନ ସୁଦ୍ଧା ହୋଇ ଥିବା ସବୁଠୁ ଭୟଙ୍କର ବିମାନ ଦୁର୍ଘଟଣା ମଧ୍ୟରୁ ଗୋଟିଏ। ପରିବହନ ମନ୍ତ୍ରାଳୟ କହିଛି କି, ବିମାନ ୧୫ବର୍ଷ ପୁରୁଣା ବୋଇଂ ୭୩୭-୮୦୦ ଜେଟ୍ ଥିଲା, ଯାହାକି ବ୍ୟାଙ୍କକ୍ରୁ ଫେରୁଥିଲା। ଦୁର୍ଘଟଣା ସ୍ଥାନୀୟ ସମୟାନୁସାରେ ସକାଳ ୯ଟା ୩ ମିନିଟ୍ରେ ହୋଇଥିଲା।
କଜଖସ୍ତାନରେ ଅକତାଉ ସହରର ନିକଟସ୍ଥ ଅଜରବୈଜାନ ଏୟାରଲାଇନ୍ସର ଏକ ବିମାନ ବୁଧବାର ଦୁର୍ଘଟଣାଗ୍ରସ୍ତ ହୋଇଥିଲା, ଯେଉଁଥିରେ ୩୮ଜଣ ଲୋକଙ୍କ ମୃତ୍ୟୁ ହୋଇଥିଲା। ଅଧିକାରୀମାନେ କହିଛନ୍ତି କି, ବିମାନ ଅଜରବୈଜାନର ରାଜଧାନୀ ବାକୁ ରୁ ରୁଷ୍ର ସହର ଗ୍ରୋଞ୍ଜି ପାଇଁ ଉଡ଼ାଣ ଭରି ଥିଲା। ଅଜରବୈଜାନ ଏୟାରଲାଇନ୍ସ ଅନୁସାରେ ,ବିମାନରେ ବସିଥିବା ୪୨ଜଣ ଯାତ୍ରୀ ଅଜରବୈଜାନର ନାଗରିକ ଥିଲେ। ଏହା ବ୍ୟତୀତ ଏଥିରେ ୧୬ଜଣ ରୁଷୀୟ ନାଗରିକ , କଜାଖସ୍ତାନର ୬ ଓ କିର୍ଗିସ୍ତାନର ୩ ଜଣ ନାଗରିକ ଥିଲେ।
ବ୍ରାଜିଲର ଦକ୍ଷିଣୀ ସହର ଗ୍ରାମାଡୋର ସହରୀ କେନ୍ଦ୍ରରେ ଏକ ଛୋଟ ବିମାନ ଦୁର୍ଘଟଣାଗ୍ରସ୍ତ ହେବାରେ ୧୦ ଜଣ ଲୋକଙ୍କ ମୃତ୍ୟୁ ହୋଇଛି। ୧୭ରୁ ଅଧିକ ଲୋକ ଆହତ ହୋଇ ଥିଲେ। ଏହି ଦୁର୍ଘଟଣା ସକାଳ ସମୟରେ ବିମାନର ଉଡ଼ାଣ ଭରିବାର କିଛି ମିନିଟ୍ ପରେ ହୋଇଛି। ବିମାନଟି ଏକ ବିଲ୍ଡିଂର ଚିମନୀରେ ଧକ୍କା ହୋଇ ଥିଲା,ଏହାପରେ ଏକ ଘର ସହ ଏବଂ ଶେଷରେ ଏକ ଫର୍ନିଚର ଦୋକାନରେ ଯାଇ ଧକ୍କା ହେଲା। ଅଧିକାଂଶ ଲୋକେ ଦୁର୍ଘଟଣା ବେଳେ ଲାଗି ଥିବା ନିଆଁରୁ ବାହାରୁ ଥିବା ଧୂଆଁ ଯୋଗୁଁ ଅସୁସ୍ଥ ହୋଇଗଲେ। ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇ ଥିଲା। ରିୟୋ ଗ୍ରାଣ୍ଡେ ଡୋ ସୁଲର ଗଭର୍ଣ୍ଣର ଏଡୁଆଣ୍ଡ୍ରୋ ଲେଇଟ କହିଛନ୍ତି କି, ବିମାନରେ ଥିବା ସବୁ ୧୦ଜଣ ଲୋକଙ୍କ ମୃତ୍ୟୁ ହୋଇଛି ଏବଂ ସବୁ ମୃତକ ଗୋଟିଏ ପରିବାରର ହିଁ ଥିଲେ।
ପାପୁଆ ନ୍ୟୁ ଗିନିରେ ନର୍ଥ କୋଷ୍ଟ ଆଭିଏସନ ପକ୍ଷରୁ ଚାଳିତ ବିଏନ-୨ବି-୨୬ ଆଇଲ୍ୟାଣ୍ଡର ୨୨ ଡିସେମ୍ୱରରେ ଦୁର୍ଘଟଣାଗ୍ରସ୍ତ ହୋଇଥିଲା। ଏଥିରେ ଥିବା ସବୁ ୫ଜଣ ଲୋକଙ୍କ ମୃତ୍ୟୁ ହୋଇଛି। ଏହି ବିମାନ ବାସୁ ଏୟାରପୋର୍ଟରୁ ଲାଏ-ନଦଜବ ବିମାନ ବନ୍ଦର ପାଇଁ ଚାର୍ଟର ଉଡ଼ାଣ ଭରି ଥିଲା। ଆର୍ଜେଣ୍ଟିନାରେ ସେନା ଫର୍ଣ୍ଣାଣ୍ଡୋ ଏୟାରପୋର୍ଟ ନିକଟରେ ବାମ୍ୱାର୍ଡିୟର ବିଡି-୧୦୦ ୧ଏ ୧୦ ଚ୍ୟାଲେଞ୍ଜର ୩୦୦ ଦୁର୍ଘଟଣାଗ୍ରସ୍ତ ହୋଇ ଥିଲା। ଏହି ଦୁର୍ଘଟଣାରେ ଦୁଇ ପାଇଲଟଙ୍କର ମୃତ୍ୟୁ ହୋଇଥିଲା। ଏହା ବ୍ୟତୀତ ୧୭ ଡିସେମ୍ୱରରେ ୨୦୮ବି ଗ୍ରାଣ୍ଡ କରବାନ ବିମାନର ହୋନୋଲୁଲୁରେ ଇନୌୟେ ଇଣ୍ଟରନ୍ୟାସନାଲ ଏୟାରପୋର୍ଟ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା,ଯେଉଁଥିରେ ଦୁଇ ପାଇଲଟଙ୍କ ମୃତ୍ୟୁ ହୋଇଥିଲା। ଉଡାଣ ଭରିବାର ତୁରନ୍ତ ପରେ ବିମାନଟି ନିୟନ୍ତ୍ରଣ ହରାଇ ଦେଇଥିଲା। ସେ ଏକ ବିଲ୍ଡିଂରେ ଯାଇ ଧକ୍କା ହୋଇଥିଲା।
