ନୂଆଦିଲ୍ଲୀ,୦୨/୦୧: ପୁଣି ଚର୍ଚ୍ଚାରେ ତେଲେଙ୍ଗାନାର ୨୦ ବର୍ଷିୟ ପର୍ବତାରୋହୀ ଭୁକି ଯଶଓ୍ବନ୍ତ ନାୟକ । ସବୁଠୁ କମ୍ ବୟସରେ ଗୋରିଚେନ୍ ପର୍ବତ ଚଢି କରିଛନ୍ତି ରେକର୍ଡ଼ । ଯଶଓ୍ବନ୍ତ ୬ ହଜାର ୪୮୮ ମିଟର ଉଚ୍ଚତାର ପର୍ବତ ଚଢି ଏହି ଇତିହାସ ସୃଷ୍ଟି କରିଛନ୍ତି । ତେବେ ଯଶଓ୍ବନ୍ତ ତେଲେଙ୍ଗାନାର ଏକ ଆଦିବାସୀ ଅଞ୍ଚଳର ହୋଇଥିବା ବେଳେ ସେ କିଛି ଲୋକଙ୍କ ସାହାଯ୍ୟ ନେଇ ଏହି ଯାତ୍ରା ଆରମ୍ଭ କରିଥିଲେ । ଯଶୱନ୍ତ ମାତ୍ର ୧୬ ବର୍ଷ ବୟସରେ ଭୁବନଗିରିର ରକ୍ କ୍ଲାଇମ୍ବିଂ ସ୍କୁଲ୍ ଟ୍ରେନିଂ ଇନଷ୍ଟିଚ୍ୟୁଟରୁ ତାଙ୍କର ଯାତ୍ରା ଆରମ୍ଭ କରିଥିଲେ।
ଯଶଓ୍ବନ୍ତଙ୍କୁ ଭାରତୀୟ ହିମାଳୟ ସେଣ୍ଟର ଫର ଆଡଭେଞ୍ଚର ଆଣ୍ଡ ଇକୋଟୋରିଜିମ୍ରୁ ତାଲିମ ନେବାକୁ ମଧ୍ୟ ସୁଯୋଗ ମିଳିଛି। ଯଶୱନ୍ତ ଏହି ଆରୋହଣ ପାଇଁ ପ୍ରତିଦିନ ଶାରୀରିକ ପରିଶ୍ରମ କରନ୍ତି ।ପ୍ରତିଦିନ ସକାଳେ ଦୌଡ଼ିବା ସହ ପ୍ରାୟ ୨ ଘଣ୍ଟା ବାୟାମ କରୁଥିଲେ ।ଯଶୱନ୍ତଙ୍କ ସ୍ୱପ୍ନ ଏଭରେଷ୍ଟ ପର୍ବତ ଏବଂ ୭ ମହାଦେଶର ୭ ଟି ସର୍ବୋଚ୍ଚ ଶିଖର ଉପରକୁ ଚଢିବା । ଗୋରିଚେନ୍ ପର୍ବତର ଆରୋହଣ ୧୯ ସେପ୍ଟେମ୍ବର ୨୦୨୪ ରେ ହୋଇଥିଲା। ୟଶୱନ୍ତ ନାୟକ, ପ୍ରସିଦ୍ଧ ଟ୍ରାନ୍ସକେଣ୍ଡ ଆଡଭେଞ୍ଚର କମ୍ପାନୀ ସହିତ ଏହି ଚ୍ୟାଲେଞ୍ଜ କରି ଶିଖରରେ ସଫଳତାର ସହ ପହଞ୍ଚିବାରେ ପ୍ରଥମ ନାଗରିକ ଦଳର ଅଂଶ । ସେ ଅନେକ ବାଧାବିଘ୍ନକୁ ସାମ୍ନା କରି ସଫଳତାର ଶୀର୍ଷରେ ପହଞ୍ଚିଛନ୍ତି।ପ୍ରକାଶ ଥାଉକି, ଅରୁଣାଚଳ ପ୍ରଦେଶର ତାୱାଙ୍ଗ ଜିଲ୍ଲାରେ ଅବସ୍ଥିତ ଗୋରିଚେନ୍ ଶିଖର । ଯାହାର ଉଚ୍ଚତା ସମୁଦ୍ର ପତ୍ତନଠାରୁ ୨୧,୨୮୩ ଫୁଟ । ଏହା ତିବ୍ଦତର ସୀମା ନିକଟରେ । ଏହି ଶିଖରଟି ତୁଷାର ଆଚ୍ଛାଦିତ ଏବଂ ଏହାର କଠିନ ଅଞ୍ଚଳ ପାଇଁ ଜଣାଶୁଣା ।
