ନୂଆଦିଲ୍ଲୀ,୦୨/୦୧:କେରଳରରେ ମର୍ମନ୍ତୁଦ ସଡ଼କ ଦୁର୍ଘଟଣା । ଭାରସାମ୍ୟ ହରାଇ ଓଲଟିଲା ସ୍କୁଲ ବସ୍ । ଫଳରେ ଜଣଙ୍କ ଛାତ୍ରୀଙ୍କ ମୃତ୍ୟୁ ହୋଇଥିବା ବେଳେ ୧୫ ରୁ ଉର୍ଦ୍ଧ୍ବ ଆହତ ହୋଇଛନ୍ତି। ତେବେ ସମସ୍ତ ଆହତଙ୍କୁ ନିକଟସ୍ଥ ଡ଼ାକ୍ତରଖାନାରେ ଭର୍ତ୍ତି କରାଯାଇଥିବା ସୂଚନା ମିଳିଛି । ତେବେ କେରଳର କାନପୁର ଜିଲ୍ଲା ଭାଲ୍ଲାକାଇ ଅଞ୍ଚଳରେ ଏହି ଦୁର୍ଘଟଣା ହୋଇଛି ।
ସୂଚନା ମୁତାବକ, କାନପୁର କୁରୁମୁଥୁର୍ର ଚିନ୍ମୟ ନାମକ ଏକ ସ୍କୁଲ ବସ୍ ଏକାଧିକ ଛାତ୍ରୀଙ୍କୁ ନେଇ ଘରକୁ ଫେରୁଥିଲା। ସେହି ସମୟରେ ବସଟି ଭାରସାମ୍ୟ ହରାଇ ଭାଲାକାଇ ସେତୁ ନିକଟରେ ଓଲଟି ପଡିଥିଲା । ଫଳରେ ଏକାଧିକ ଛାତ୍ରଛାତ୍ରୀ ଆହତ ହୋଇଥିବା ବେଳେ ଜଣଙ୍କ ମୃତ୍ୟୁ ହୋଇଛି। ଏହି ସ୍କୁଲ ବସରେ ୪-୧୧ ବର୍ଷ ବୟସ ମଧ୍ୟରେ ଅନେକ ଛାତ୍ରଛାତ୍ରୀ ଥିଲେ । ଏହି ଘଟଣାକୁ ନେଇ ଅଭିଭାବକ ଏବଂ ସ୍ଥାନୀୟବାସୀଙ୍କ ତୀବ୍ର ଅସନ୍ତୋଷ ପ୍ରକାଶ ପାଇଛି ।ମୃତ ଛାତ୍ରୀ ଜଣଙ୍କ ହେଲେ ୫ମ ଶ୍ରେଣୀର ବୋଲି ଜଣାପଡ଼ିଛି। ସେପଟେ ଏହି ଘଟଣା ପରେ ସ୍ଥାନୀୟ ବାସିନ୍ଦା ବାରମ୍ବାର ଦୁର୍ଘଟଣା ଘଟୁଥିବା ନେଇ ଅଭିଯୋଗ କରିଛନ୍ତି । ତେବେ ଏହି ଦୁର୍ଘଟଣା ସମ୍ପର୍କରେ ସ୍କୁଲ ଅଧିକାରୀଙ୍କ ପକ୍ଷରୁ କୌଣସି ମନ୍ତବ୍ୟ ଦିଅଯାଇ ନାହିଁ ।
