ନରଣପୁର,୨୫/୬: ଓଡ଼ିଶାର ବିଭିନ୍ନ ସ୍ଥାନରୁ କୋଲକାତାକୁ ପ୍ରତିଦିନ ହଜାର ହଜାର ଗୋରୁ ଚାଲାଣ ହେଉଛି । କେନ୍ଦୁଝର ଜିଲ୍ଲାର ଗୋ-ରକ୍ଷକ ଆଜି ଏକ ଗୋରୁ ବୋଝେଇ ବୋଲେରୋକୁ ଧରିଛନ୍ତି । ଗାଡ଼ିରୁ ପାଞ୍ଚଟି ଗୋରୁଙ୍କୁ ଉଦ୍ଧାର କରାଯାଇଛି ।
ସୂଚନା ମୁତାବକ, ଏକ ବୋଲେରୋରେ ପାଞ୍ଚଟି ଗୋରୁଙ୍କୁ କୋଲକାତା ଚାଲାଣ କରାଯାଉଥିଲା। ଉକ୍ତ ବୋଲେରୋରେ ଗୋରୁ ଚାଲାଣ ସନ୍ଦେହ କରି କେନ୍ଦୁଝରର କିଛି ଗୋ-ରକ୍ଷକ ଅଟକାଇବାକୁ ଚେଷ୍ଟା କରିଥିଲେ । ମାତ୍ର ଗାଡି ନଅଟକାଇବାରୁ ବୋଲେରୋର ପିଛା କରିଥିଲେ । ଫଳରେ ଗାଡ଼ିଟି ଭାରସାମ୍ୟ ହରାଇ ବେଲଦା ହାଟ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା । କେନ୍ଦୁଝର ସଦର ଥାନା ପୁଲିସ ଘଟଣାସ୍ଥଳରେ ପହଞ୍ଚି ଗୋରୁ ବୋଝେଇ ବୋଲେରୋକୁ ଜବତ କରି ସଦର ଥାନାକୁ ଆଣିଥିଲେ । ସେଥିରୁ ୫ଟି ଗୋରୁଙ୍କ ଉଦ୍ଧାର କରାଯାଇ ପ୍ରାଥମିକ ଚିକିତ୍ସା କରାଯାଇଛି ।
