ନୂଆଦିଲ୍ଲୀ : ଆଇଟି ସେକ୍ଟରର ପ୍ରସିଦ୍ଧ କମ୍ପାନୀ- କଗ୍ନିଜେଣ୍ଟର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ରବି କୁମାରଙ୍କୁ ଆର୍ଥିକ ବର୍ଷ ୨୦୨୪ ପାଇଁ ୧୩୪ କୋଟି ଟଙ୍କାର ଉଚ୍ଚ ଦରମା କ୍ୟାକେଜ୍ ଦେବାକୁ ଘୋଷଣା କରାଯାଇ ଥିଲା। ହେଲେ , ସେ ଏହାର କେବଳ ଅଧା ଭାଗ ୭୦ କୋଟି ଟଙ୍କା ହିଁ ପାଇଛନ୍ତି। ନିକଟରେ ୟୁଏସ୍ ସିକ୍ୟୁରିଟିଜ୍ ଆଣ୍ଡ ଏକ୍ସଚେଞ୍ଜ କମିଶନ (ଏସଇସି)କୁ କମ୍ପାନୀ ଏହି ସୂଚନା ଦେଇଛି।
୧୩୭ କୋଟି ଟଙ୍କର ଦରମା ବ୍ରେକ୍ଅପ୍ର ଡିଟେଲ –
ବେସ୍ ସାଲାରୀ : ୧୦.୨୫ କୋଟି ( ୧.୨ ମିଲିୟନ ଡଲାର)
ବାର୍ଷିକ ନଗଦ ପ୍ରୋତ୍ସାହିତ (ଏସିଆଇ) ଟାର୍ଗେଟ୍ : ୨୦.୪୯ କୋଟି ଟଙ୍କା (୨.୪ ମିଲିୟନ ଡଲାର)
ପରଫର୍ମାନ୍ସ ସେୟାର ୟୁନିଟ୍ସ (ପିଏସୟୁଏସ) : ୬୪ କୋଟି ଟଙ୍କା ( ୭.୫ ମିଲିୟନ ଡଲାର)
ରିଷ୍ଟ୍ରିକ୍ଟେଡ୍ ଷ୍ଟକ୍ ୟୁନିଟ୍ସ (ଆରଏସୟୁଏସ) : ୪୨ .୬୮ କୋଟି ଟଙ୍କା ( ୫ ମିଲିୟନ ଡଲାର)
୭୦ କୋଟି ଟଙ୍କା କାହିଁକି ମିଳିଲା ?
ଆଇଟି କମ୍ପାନୀ-କଗ୍ନିଜେଣ୍ଟ କହିଛି କି, ରବି କୁମାରଙ୍କର ପ୍ରଦର୍ଶନ ସେୟାର ୟୁନିଟ୍ ଗ୍ରାଣ୍ଟସର କାରଣରୁ ସିଇଓଙ୍କୁ ତାଙ୍କ ଦରମା ପ୍ୟାକେଜ୍ର ଅଧା ଭାଗ ମିଳିଛି। ୨୦୨୪ ଆର୍ଥିକ ବର୍ଷରେ ତାଙ୍କର ଆୟରେ ମୁଖ୍ୟତଃ ବେସ୍ ସାଲାରୀ, ବାର୍ଷିକ ନଗଦ ପ୍ରୋତ୍ସାହିତ, ରେଷ୍ଟ୍ରିକ୍ଟେଡ୍ ଷ୍ଟକ୍ ୟୁନିଟ୍ସ ସାମିଲ ଅଛି।
କର୍ମଚାରୀଙ୍କ ତୁଳନାରେ କେତେ ଦରମା –
କଗ୍ନିଜେଣ୍ଟର ସିଇଓ–କର୍ମଚାରୀ ଦରମା ଅନୁପାତର କଥା ଯଦି କହିବା ତ ୩୭୮: ୧ ରହିଛି। ଏହାର ଅର୍ଥ ରବି କୁମାର କମ୍ପାନୀର ଜଣେ କର୍ମଚାରୀଙ୍କ ଠାରୁ ହାରାହାରି ୩୭୮ ଗୁଣ ଅଧିକ ଆୟ କରିଛନ୍ତି। ଏହା ଏକ ଏମିତି ସଂଖ୍ୟା , ଯାହା ଆଇଟି କ୍ଷେତ୍ରରେ ବଢୁଥିବା ଦରମା ପାର୍ଥକ୍ୟକୁ ରେଖାଙ୍କିତ କରିଥାଏ, ବିଶେଷ କରି ଯେବେ କଗ୍ନିଜେଣ୍ଟର ୩,୩୬,୮୦୦ କର୍ମଚାରୀଙ୍କ ମଧ୍ୟରୁ ୨,୪୧,୫୦୦ରୁ ଅଧିକ ଭାରତରେ ଅଛନ୍ତି।
ରବି କୁମାର କିଏ –
ରବି କୁମାର ଇନ୍ଫୋସିସ୍ରେ ଦୀର୍ଘ ଦିନ ଧରି ରହିବା ପରେ ଜାନୁଆରୀ ୨୦୨୩ରେ କଗ୍ନିଜେଣ୍ଟର ସିଇଓର ପଦ ସମ୍ଭାଳି ଥିଲେ। ସେ ଇନଫୋସିସରେ ୨୦୧୬ରୁ ୨୦୨୨ ଯାଏ ଚେୟାରମ୍ୟାନ୍ ଭାବେ କାର୍ଯ୍ୟ କରୁ ଥିଲେ। ସେ ଶିବାଜୀ ବିଶ୍ୱବିଦ୍ୟାଳୟରୁ ଇଞ୍ଜିନିୟରିଂର ଡିଗ୍ରୀ ଓ ଇନଷ୍ଟିଟ୍ୟୁଟ୍ ଅଫ୍ ମ୍ୟାନେଜମେଣ୍ଟ , ଭୁବନେଶ୍ୱରରୁ ଏମବିଏ କରିଛନ୍ତି।
