କୋରାପୁଟ ୨୧/୧୦: ଚିମିଡିପାଲି ଷ୍ଟେସନ ନିକଟରେ ଅଘଟଣ। ରେଳଧାରଣାରୁ ତଳକୁ ଖସିଲା ମାଲ ବୋଝେଇ ଟ୍ରେନ୍। ମାଲବାହୀ ଟ୍ରେନ୍ ଦୁର୍ଘଟଣା ଫଳରେ କୋରାପୁଟ-କୋତାୱ୍ବାଲସା ରେଳପଥରେ ରେଳ ଚଳାଚଳ ବନ୍ଦ ରହିଛି।
ସୂଚନା ଯୋଗ୍ୟ ଯେ, ଏକ ଲୁହାପଥର ବୋଝେଇ ମାଲବାହୀ ଟ୍ରେନ ବିଶାଖାପାଟଣା ଯାଉଥିବା ବେଳେ ଚିମିଡିପାଲି ଷ୍ଟେସନ ୟାର୍ଡରେ ଲାଇନଚ୍ୟୁତ ହୋଇଛି। ଆଗ ପଟୁ ୫ ନଂ ବଗି ଟ୍ରକରୁ ଖସିପଡିଥିବା ଜଣାପଡିଛି। ଦୁର୍ଘଟଣା ପରେ ଘଟଣାସ୍ଥଳରେ କୋରାପୁଟ ଓ ବିଶାଖାପାଟଣାରୁ ଉଦ୍ଧାରକାରୀ ଟିମ ପହଞ୍ଚି ଥିବା ଜଣାପଡିଛି। ରେଳ ବିଭାଗ ବରିଷ୍ଠ ଅଧିକାରୀ ପହଞ୍ଚି ସ୍ଥିତି ଯାଞ୍ଚ କରୁଛନ୍ତି।