ଭୁବନେଶ୍ବର,୧୨/୦୮: ଭୁବନେଶ୍ବରରେ ବାୟୋଟେକ୍ନୋଲୋଜି ଗବେଷଣା ଏବଂ ନବସୃଜନ କରିଡର ଲଞ୍ଚ୍ । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା  ବିଭାଗର ଏକ ନୂତନ ପ୍ରୟାସ ଆରମ୍ଭ OMBRICର ଶୁଭାରମ୍ଭ କରିଛନ୍ତି । ଏହି ପ୍ରକଳ୍ପ ପରିବେଶ ସୁରକ୍ଷା, ବିଜ୍ଞାନ-ଭିତ୍ତିକ ପର୍ଯ୍ୟଟନ ଏବଂ ଉପକୂଳବର୍ତ୍ତୀ ଅଞ୍ଚଳରେ ନୂତନ ନିଯୁକ୍ତି ଏବଂ ଜୀବିକା ସୃଷ୍ଟି କରିବାରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେବ ।

ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ବିଭାଗ ଏବଂ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଓସେନ୍ ଟେକ୍ନୋଲୋଜି  ମଧ୍ୟରେ ଏକ ଗବେଷଣା ଏବଂ ବିକାଶ ସହଯୋଗ ବୁଝାମଣାପତ୍ର ବା ଏମଓୟୁ ଲୋକସେବା ଭବନ ସ୍ୱାକ୍ଷରିତ ହୋଇଛି । ଏହା ସହିତ, ଓଡ଼ିଶାର ଛଅଟି ଉଚ୍ଚଶିକ୍ଷା ପ୍ରତିଷ୍ଠାନ ଗବେଷଣା ଏବଂ ବିକାଶ ସହାୟତା ପ୍ରଦାନ ପାଇଁ ସରକାରଙ୍କ ସହିତ ସହଭାଗୀତା କରିଛନ୍ତି ।

OMBRIC ଲଞ୍ଚ୍ ଅବସରରେ ମୁଖ୍ୟମନ୍ତ୍ରୀ କହିଥିଲେ ଯେ OMBRIC ବୈଜ୍ଞାନିକ ନବସୃଜନ ପାଇଁ "ଆଶାର କିରଣ" ହେବ, ରାଜ୍ୟର ନୀଳ ଅର୍ଥନୀତିକୁ ପରିବର୍ତ୍ତନ କରିବ ଏବଂ ଜାତୀୟ ଅର୍ଥନୈତିକ ଅଭିବୃଦ୍ଧିରେ ଯୋଗଦାନ ଦେବ । ଏହି ପ୍ରୟାସ ଯୁବ ଉଦ୍ୟୋଗୀମାନଙ୍କ ପାଇଁ ସାମୁଦ୍ରିକ ବାୟୋଟେକ୍ ଷ୍ଟାର୍ଟଅପ୍ ନିର୍ମାଣ କରିବାରେ ଏକ ପ୍ଲାଟଫର୍ମ ଭାବରେ କାର୍ଯ୍ୟ କରିବ । ଏହାଛଡ଼ା ‘Viksit Odisha 2036’ ଏବଂ ‘Viksit India 2047’ର ଦୃଷ୍ଟିକୋଣ ସହିତ ସମନ୍ୱିତ ରକ୍ଷା କରିବ ଏହି ପ୍ରକଳ୍ପ ।

ମୁଖ୍ୟମନ୍ତ୍ରୀ ଆହୁରି ମଧ୍ୟ କହିଥିଲେ, ଓଡ଼ିଶା ଏକ ଉପକୂଳବର୍ତ୍ତୀ ରାଜ୍ୟରୁ ଏକ "ଉପକୂଳୀୟ ଉଦ୍ଭାବକ" ହେବାରେ ଲାଗିଛି । ଯାହା ଅର୍ଥନୈତିକ ଏବଂ ପରିବେଶଗତ ଲାଭ ପାଇଁ ଏହାର ଜୈବ ବିବିଧତାକୁ ଦାୟିତ୍ୱପୂର୍ଣ୍ଣ ଭାବରେ ବ୍ୟବହାର କରୁଛି । ଏହି ଅବସରରେ ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ଜୈବ ପ୍ରଯୁକ୍ତିବିଦ୍ୟାରେ ରାଜ୍ୟର ବିଶାଳ ସମ୍ଭାବନା ଉଲ୍ଲେଖ କରିଥିଲେ ଏବଂ OMBRIC କୁ "ଏକ ସମୃଦ୍ଧ ଭବିଷ୍ୟତ ପାଇଁ ଏକ ବ୍ଲୁପ୍ରିଣ୍ଟ" ଭାବରେ ବର୍ଣ୍ଣନା କରିଥିଲେ ।