ଭୁବନେଶ୍ବର ୦୨/୦୩:କୋରାପୁଟ ୨୬ନଂ ଜାତୀୟ ରାଜପଥ ଲାଣ୍ଡିଗୁଡା ନିକଟରେ ଭୟଙ୍କର ଦୁର୍ଘଟଣା।ମାଲ ବୋଝେଇ ଟ୍ରକ୍ ଓ କାର ମଧ୍ୟରେ ମୁହାଁମୁହିଁ ଧକ୍କା। ଦୁର୍ଘଟଣାରେ କାର ଚାଳକଙ୍କ ମୃତ୍ୟୁ ଘଟିଥିବା ବେଳେ ୨ ଜଣ ଗୁରୁତର ହୋଇଛନ୍ତି। ସମସ୍ତଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି। ଘଟଣାସ୍ଥଳରେ ପୋଲିସ ପହଞ୍ଚି ଗାଡ଼ି ଜବତ କରିବା ସହ ଜଣଙ୍କୁ ଅଟକ ରଖିଛି।
ସୂଚନା ମୁତାବିକ, ଛତିଶଗଡରୁ ଆନ୍ଧ୍ର ଅଭିମୁଖେ ଯାଉଥିବା ଏକ ମାଲ ବୋଝେଇ ଟ୍ରକ୍ ଲାଣ୍ଡିଗୁଡା ନିକଟରେ କାର ସହ ମୁହାଁମୁହିଁ ଧକ୍କା ହୋଇଥିଲା। ନନ୍ଦପୁର ଠାରୁ କାରରେ କୋରାପୁଟ ଫେରୁଥିବା ପରିବାର ଦୁର୍ଘଟଣାସ୍ତଳରେ କାର ଚାଳକଙ୍କ ମୃତ୍ୟୁ ଘଟିଛି। ୨ ଜଣ ଗୁରୁତର ହୋଇଛନ୍ତି।ଖବର ପାଇ କୋରାପୁଟ ଟାଉନ୍ ପୋଲିସ ପହଞ୍ଚି ସମସ୍ତଙ୍କୁ ଉଦ୍ଧାର କରି କୋରାପୁଟ ମେଡିକାଲ କଲେଜ ଓ ହସ୍ପିଟାଲକୁ ସ୍ଥାନାନ୍ତର କରିଛି। ଉଭୟ ଗାଡ଼ିକୁ ଅଟକ ରଖି ଅଧିକ ତଦନ୍ତ ଆରମ୍ଭ କରିଛି।
