ଭୁବନେଶ୍ୱର, ୨୯/୦୩: ଭୁବନେଶ୍ୱର ଇନ୍ଫୋସିଟି ଛକରେ ଦୁର୍ଘଟଣା । ଡିଭାଇର୍ ଡେଇଁ କାର୍କୁ ଧକ୍କା ଦେଲା ଫର୍ଚୁନର । ଦୁର୍ଘଟଣାରେ କାର୍ରେ ବସିଥିବା ୩ ଜଣ ଯୁବତୀ ଆହତ ହୋଇଛନ୍ତି । ସେପଟେ ଦୁର୍ଘଟଣା ଘଟାଇ ଫର୍ଚୁନର ଡ୍ରାଇଭର ଘଟଣା ସ୍ଥଳରୁ ଖସି ପଳାଇବାକୁ କରୁଥିଲେ ଚେଷ୍ଟା । ଗୋଡେଇ ଗୋଡେଇ ଧରିଲେ ତିନୋଟି ପିସିଆର୍ । ଏହି ଘଟଣାରେ ଦୁଇ ଯୁବକ ଥାନାରେ ଅଟକ ରଖି ଉଭୟ ଗାଡ଼ିକୁ ଜବତ କରିଛି ପୋଲିସ ।
ସୂଚନା ମୁତାବକ, ଭୁବନେଶ୍ୱରର ଇନ୍ଫୋସିଟି ଛକରେ ୩ ଜଣ ଯୁବତୀ ଏକ କାର୍ରେ ଯାଉଥିବା ବେଳେ ଏକ ଫର୍ଚୁନର ଡିଭାଇଡର୍ ଡେଇଁ ଉକ୍ତ କାର୍କୁ ଧକ୍କା ଦେଇଥିଲା । ଫଳରେ କାର୍ରେ ଥିବା ୩ ଯୁବତୀ ଆହତ ହୋଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପଇ ଘଟଣାସ୍ଥଳରେ ପହଞ୍ଚିଥିଲା ପିସିଆର୍ । ହେଲେ ଏହାରି ଭିତରେ ଫର୍ଚୁନର ଡ୍ରାଇଭର ଘଟଣା ସ୍ଥଳରୁ ଖସି ପଳାଇବାକୁ ଉଦ୍ୟମ କରିଥିଲେ । ୩ ଟି ପିସିଆର୍ ଗାଡ଼ି ଗାଡ଼ି ଡ୍ରାଇଭରକୁ ଗୋଡ଼େଇ ଗୋଡ଼େଇ ଧରିଥିଲେ । ଏହି ଘଟଣାରେ ଦୁଇ ଯୁବକଙ୍କୁ ଥାନାରେ ଅଟକ ଥିବାବେଳେ ଦୁଇଟି ଗାଡ଼ିକୁ ଜବତ କରି ତଦନ୍ତ ଆରମ୍ଭ କରିଛି ଚନ୍ଦ୍ରଶେଖରପୁର ଥାନା ପୋଲିସ ।
