ନୋଏଡା : ମଦ ପିଉଥିବା ଲୋକଙ୍କ ପାଇଁ ଉତ୍ତର ପ୍ରଦେଶରେ ଯେମିତି ଭଲ ଦିନ ଆସିଛି। ନୋଏଡା ସମେତ ସବୁ ଜିଲ୍ଲାରେ ଏବଂ ପାଖାପାଖି ସବୁ ମଦ ଦୋକାନରେ ଏହି ସମୟରେ ମଦର ବିକ୍ରି ଲାଗିଛି। ବିକ୍ରି ଏମିତି କି ଗୋଟିଏ ବୋତଲର ଦାମ୍ରେ ଦୁଇଟି ବୋତଲ ମିଳୁଛି। ଏହି ଖବର ମିଳିବା କ୍ଷଣି ମଦ ଦୋକାନ ଗୁଡ଼ିକରେ ମଦ ପିଉଥିବା ଲୋକଙ୍କର ଲମ୍ୱା ଲାଇନ୍ ଲାଗିଛି। ପରିସ୍ଥିତି ଏମିତି କି, ସାଧାରଣ ଭାବେ ଗୋଟିଏ ବୋତଲ ମଦ କିଣୁଥିବା ଲୋକ ମଧ୍ୟ ପେଟି କିଣି ନେଉ ଯାଉଛନ୍ତି। ଏହି ସ୍ଥିତି ମାର୍ଚ୍ଚ କ୍ଲୋଜର କାରଣରୁ ହୋଇଛି।
ଉଲ୍ଲେଖନୀୟ ଯେ, ୧ ଅପ୍ରେଲରୁ ନୂଆ ଆର୍ଥିକ ବର୍ଷ ଆରମ୍ଭ ହୋଇଯିବ। ଏହା ସହ ନୂଆ ମଦର ନୂଆ କଣ୍ଟ୍ରାକ୍ଟ ଆରମ୍ଭ ହୋଇଯିବ। ଯଦି ପୁରୁଣା କଣ୍ଟ୍ରାକ୍ଟରଙ୍କୁ ନୂଆ କଣ୍ଟ୍ରାକ୍ଟ ମିଳବ ନାହିଁ , ସେତେବେଳେ ତାଙ୍କୁ ନିଜ ଦୋକାନ ବନ୍ଦ କରିବାକୁ ହେବ। ଏହି ସ୍ଥିତିରେ ସବୁ କଣ୍ଟ୍ରାକ୍ଟର ନିଜ ଗୋଦାମରେ ଥିବା ଷ୍ଟକ୍କୁ ଖାଲି କରିବା ଆରମ୍ଭ କରି ଦେଇଛନ୍ତି। ଏଥିପାଇଁ ଅଧିକାଂଶ ଦୋକାନରେ ଥିବା ପୁରୁଣା ଷ୍ଟକ୍ର ବିକ୍ରି ଆରମ୍ଭ ହୋଇ ଯାଇଛି। କୌଣସି ଦୋକାନରେ ଗୋଟିଏ ବୋତଲର ଦାମ୍ରେ ଦୁଇ ବୋତଲ ଦିଆ ଯାଉଛି ତ କିଛି ଦୋକାନରେ ମଦର ଦାମ୍ ଅଧା କରି ଦିଆ ଯାଇଛି।
ଏହି ଖବର ମଦ ପିଉଥିବା ଲୋକଙ୍କୁ ଖୁସି କରିଛି। ମଙ୍ଗଳବାର ଦ୍ୱିପ୍ରହରରେ ନୋଏଡାରେ ବହୁ ସଂଖ୍ୟାରେ ଲୋକେ ମଦ ଦୋକାନରେ ପହଞ୍ଚି ଭିଡ଼ ଜମାଇଛନ୍ତି। ପ୍ରଖର ଖରାକୁ ଖାତିର ନକରି , ଘଣ୍ଟା ଘଣ୍ଟା ଲାଇନରେ ଠିଆ ହେଉଛନ୍ତି ଏବଂ ନିଜ ପସନ୍ଦର ମଦର ହାଇଡୋଜ୍ କିଣିବା ପରେ ହିଁ ଘରକୁ ଫେରୁଛନ୍ତି। ଅନେକ ଲୋକ ତ ଏମିତି ନଜର ଆସିଛନ୍ତି , ଯିଏ ବୋତଲ ନୁହେଁ, ପୂରା ପେଟି ହିଁ ନେଇ ଦୋକାନରୁ ବାହାରୁଛନ୍ତି। କିଛି ଏମିତି ସ୍ଥିତି ମୁଜଫର ନଗର , ଗାଜିଆବାଦ ,ମିରଟ, ଆଗ୍ରା , ବଲିଆ ଓ ଗାଜିପୁର ଆଦି ଜିଲ୍ଲାରେ ମଧ୍ୟ ଦେଖିବାକୁ ମିଳୁଛି।
କୁହାଯାଉଛି ଯେ, ମଦ ଦୋକାନରେ ଅନେକ ଲୋକ ତ ନିଜ ଅଫିସରୁ ଛୁଟି ନେଇ ବା ପୁଣି ଦୋକାନ ବନ୍ଦ କରି ପହଞ୍ଚିଛନ୍ତି। ପଚାରିବାରୁ କହୁଛନ୍ତି କି, ତାଙ୍କର ଛୁଟି ବାକି ରହି ଥିଲା , ଏଥିପାଇଁ ଏହି ବାହାନାରେ ଗୋଟିଏ ଦିନର ଛୁଟି ତ ନେଇଛି , ଆସନ୍ତା ମାସ ପାଇଁ ଷ୍ଟକ୍ ବି ଜମା କରି ନେଇଛୁ। ଏତେ ଶସ୍ତା ମଦ ଆସନ୍ତା ବର୍ଷେ ଯାଏ ମିଳିବ ନାହିଁ। ବରଂ ନୂଆ କଣ୍ଟ୍ରାକ୍ଟ ଆରମ୍ଭ ହେବା ପରେ ମଦର ମୂଲ୍ୟ ଆହୁରି ବଢି ଯିବ।
