ପାପଡାହାଣ୍ଡି,୧୫/୦୧: ନବରଙ୍ଗପୁର ଜିଲ୍ଲା ପାପଡାହାଣ୍ଡି ଦେଇ ଯାଇଥିବା ୨୬ ନମ୍ବର ଜାତୀୟ ରାଜପଥରେ ଦୁଲପୁର ନିକଟରେ ଏକ ପାଇପ ବୋଝେଇ ଟ୍ରକ ଓ ବସ ମଧ୍ୟରେ ଧକ୍କା ହୋଇଥିଲା । ବସ୍ରେ ୨୬ ଜଣ ଯାତ୍ରୀ ଥିବା ବେଳେ ୪ ଜଣ ଆହତ ହୋଇଛନ୍ତି । ଆହତ ମାନଙ୍କୁ ପାପଡାହାଣ୍ଡି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ଓ ପରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ନବରଙ୍ଗପୁର ଜିଲ୍ଲାରେ ଏବଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଡେଜି ନାମକ ଘରୋଇ ବସ ସମ୍ବଲପୁରରୁ ଦାମନଯୋଡି ଆସିବା ସମୟରେ ବିପରିତ ଦିଗରୁ ସମ୍ବଲପୁର ଯାଉଥିବା ପାଇପ ବୋଝେଇ ଟ୍ରକ୍ ସହ ଧକ୍କା ହୋଇଥିଲା । ବସ୍ଟି ଧକ୍କା ହୋଇ ରାସ୍ତା କଡ଼ ଖାତକୁ ଖସି ଓଲୋଟି ପଡିଥିଲା । ଏଥିରେ ବସର ଗୀତା ଭତରା, ବାସନ୍ତି ସେନାପତି, ଅନନ୍ତ ସେନାପତି ଓ ଦିପେନ୍ଦ୍ର ବେହେରା ଆହତ ହୋଇଥିଲେ । ଏହି ଦୁର୍ଘଟଣା ଫଳରେ ପାଇପ ବୋଝେଇ ଟ୍ରକ୍ର ପାର୍ଶ୍ୱରେ ବସ୍ ଧକ୍କା ଦେବା ଯୋଗୁଁ ପାଇପରେ ବନ୍ଧା ଯାଇଥିବା ବେଲ୍ଟ ଛିଡି ଯିବା ଯୋଗୁଁ ପାଇପ ଗୁଡିକ ଖସି ପଡ଼ିଥିଲା । ବସ୍ ଡ୍ରାଇଭର ଯାତ୍ରୀଙ୍କୁ ବଞ୍ଚାଇବାକୁ ଯାଇ ରାସ୍ତା କଡ଼ ଜମି ଭିତରେ ଥିବା ଖାଲରେ ଓଲୋଟି ପଡ଼ିଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ପାପଡାହାଣ୍ଡି ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରହିଛି । ଜାତୀୟ ରାଜପଥ ଉପରେ ପାଇପ ଗୁଡିକ ପଡିରହିଛି ।
