ଭୁବନେଶ୍ୱର, ୧୧/୧୦: ବରମୁଣ୍ଡା ବ୍ରିଜ ନିକଟରୁ ଯୁବକଙ୍କ ମୃତଦେହ ଠାବ । ଯୁବକଙ୍କ ମୃତଦେହରେ କ୍ଷତ ଚିହ୍ନ ରହିଥିବା ସହ ତାଙ୍କ ହାତ ତାରରେ ଛନ୍ଦି ହୋଇ ରହିଥିବା ଦେଖିବାକୁ ମିଳିଛି । ମୃତ ଯୁବକ ଜଣକ ତପୋବନ ବସ୍ତିର ବୋଲି ଜଣାପଡ଼ିଥିବା ବେଳେ ତାଙ୍କ ପରିଚୟ ଅସ୍ପଷ୍ଟ ରହିଛି । ସ୍ଥାନୀୟ ବରମୁଣ୍ଡା ବ୍ରିଜ୍ ନିକଟରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ରାଜଧାନୀ ଭୁବନେଶ୍ୱର ଉତ୍ସବ ମୁଖର ଥିବାବେଳେ ଶୁକ୍ରବାର ବରମୁଣ୍ଡା ବ୍ରିଜ ନିକଟରେ ଜଣେ ଯୁବକଙ୍କ ମୃତଦେହ ଦେଖିବାକୁ ମିଳିଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ଭରତପୁର ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ତେବେ ଯୁବକଙ୍କ ମୃତଦେହରେ କ୍ଷତ ଚିହ୍ନ ଦେଖବାକୁ ମିଳିଛି । ଏହା ସହ ଯୁବକଙ୍କ ହାତ ତାରରେ ଛନ୍ଦି ହୋଇ ରହିଥିବା ଦେଖିବାକୁ ମିଳିଛି । ତାରରେ ବିଦ୍ୟୁତ୍ ସଂଯୋଗ ହୋଇଥିବା ସନ୍ଦେହ କରାଯାଉଛି ।
