ଭୁବନେଶ୍ଵର, ୨୨/୦୭ : ଦିଲ୍ଲୀ ଗସ୍ତରେ ବିଜେପି ରାଜ୍ୟ ସଭାପତି ମନମୋହନ ସାମଲ। ସଂଗଠନ ସ୍ଥିତି ନେଇ ବରିଷ୍ଠ ନେତାଙ୍କ ସହ କରିପାରନ୍ତି ଆଲୋଚନା। ବୋର୍ଡ ଓ ନିଗମ ପଦବୀ ପୂରଣ ନେଇ କେନ୍ଦ୍ର ନେତୃତ୍ୱଙ୍କ ସହ ହୋଇପାରେ ଆଲୋଚନା। ମନମୋହନଙ୍କ ସହ ସଂଗଠନ ସାଧାରଣ ସମ୍ପାଦକ ମାନସ ମହାନ୍ତି ମଧ୍ୟ ଦିଲ୍ଲୀ ଯାଇଛନ୍ତି। ବିଜେପି ରାଜ୍ୟ ସଭାପତି ହେବା ପରେ ଏହା ମନମୋହନଙ୍କ ଦ୍ଵିତୀୟ ଦିଲ୍ଲୀ ଗସ୍ତ।
ସେହିପରି ଏହି ଗସ୍ତ ଅବସରରେ ବିଜେପିର ବରିଷ୍ଠ ନେତାଙ୍କ ସହ ମନ୍ତ୍ରିମଣ୍ଡଳ ଅଦଳବଦଳ ନେଇ ଆଲୋଚନା ହୋଇପାରେ । ହେଲେ ଏନେଇ କୌଣସି ସ୍ପଷ୍ଟ ସୂଚନା ମିଳିନାହିଁ । ପୂର୍ବରୁ ମଧ୍ୟ ରାଜ୍ୟ ବିଜେପି ସଭାପତି ଦିଲ୍ଲୀ ଗସ୍ତରେ ଯାଇଥିଲେ । ସେଠାରେ ମନ୍ତ୍ରିମଣ୍ଡଳ ଅଦଳବଦଳ ଏବଂ ବିଭିନ୍ନ ବୋର୍ଡ ଓ ଖାଲି ପଡିଥିବା ନିଗମ ପଦବୀ ପୂରଣ ନେଇ ଆଲୋଚନା କରିଥିଲେ ।
